Fréttablaðið - 13.03.2009, Side 52

36 13. mars 2009 FÖSTUDAGUR
Rokkarinn Jack White úr hljóm-
sveitunum The White Stripes og
The Raconteurs, hefur stofnað sína
þriðju hljómsveit, The Dead Weath-
er. White hélt fyrir skömmu partí
í Nashville þar sem hann tilkynnti
um verkefnið og spilaði nýja plötu
sem hljómsveitin hefur tekið upp.
Hún heitir Horehound og kemur út
í júní. Einnig steig hann á svið með
sveitinni, sem ætlar í tónleikaferð
á árinu.
Auk White eru í The Dead
Weather þau Alison Mosshart úr
The Kills, Dean Fertita úr Queens
of the Stone Age og Jack Lawrence
úr The Greenhornes. Bæði Fertita
og Lawrence spila einnig með The
Raconteurs.
Fyrirsætan Tyra Banks fjallaði í
gær í sjónvarpsþætti sínum, The
Tyra Banks Show, um ofbeldi milli
ungs fólks í ástarsamböndum. Til-
efnið er árás söngvarans Chris
Brown á kærustu sína, Rihönnu.
Í þættinum ræddi Banks um
sína reynslu af slíku ofbeldi því
hún átti í ástarsambandi við mann
sem beitti hana andlegu ofbeldi.
Reyndi maðurinn sífellt að brjóta
hana niður til að geta haft yfir-
höndina í sambandinu. Á endan-
um gafst Banks um og hætti með
honum. Oprah Winfrey fjallaði
einnig um ofbeldi í samböndum í
þætti sínum í tilnefni af árásinni
á Rihönnu. Þar var Banks einmitt
á meðal gesta.
JACK WHITE Rokkarinn knái hefur stofn-
að sína þriðju hljómsveit. FRÉTTABLAÐIÐ/VALLI
TYRA BANKS Ofurfyrirsætan fjallaði um
ofbeldi í samböndum í þætti sínum.
Tónleikagagnrýnandi breska blaðsins
Guardian gefur tónleikum Emiliönu
Torrini sem fram fóru á Ruby Lounge í
Manchester ágætis dóma og verðlaunar
hana með þremur stjörnum. Blaðamaður-
inn Dave Simpson segir í gagnrýni sinni
að tónleikarnir hafi verið fullir af and-
stæðum. Torrini, með þessa englarödd,
hafi skreytt tónleikana með grodda-
legum sögum af lögum sínum. „Þetta
var hrein hamingja, að vera innan um
kokkt eila og vonda menn,“ sagði Torr-
ini einu sinni og bað síðan um viskí, rétt
áður en hún söng lagið Bleeder af nýj-
ustu plötu sinni, Me and Armini.
Torrini er nú á ferðalagi um Bretlands-
eyjar og hefur verið þó nokkuð áberandi
í bresku pressunni. Eitt athyglisverðasta
viðtalið er án nokkurs vafa spurt&svar-
að-dálkur sem birtist í írska Independ-
ent. Þar kemur fram að á fyrstu árum
sínum hér á Íslandi hafi henni oft verið
boðið í ofsoðið spaghettí með tómatsósu
og smá kjöti. Faðir hennar, sem stofn-
aði veitingastaðinn Ítalíu, hafi þá hringt
í umrætt fólk, boðið því heim og kennt
því sitthvað í ítalskri matargerð.
Þá ræðir Emiliana einnig um Björk
sem hún segist ekkert þekkja og leiðrétt-
ir þann leiða misskilning að Björk hafi
sungið Gollum song fyrir Hringadrótt-
inssögumynd Peters Jackson. Blaðamað-
urinn heldur því nefnilega fram fullum
fetum að sú saga lifi góðu lífi á netinu.
- fgg
Torrini fær þrjá stjörnur í Guardian
Ólafur Arnalds, Mammút og Val-
geir Sigurðsson spila á Grand Rokk
í kvöld í samvinnu við Reykja-
vík Grapevine og Gogoyoko.com.
Þetta eru þriðju tónleikarnir í
tónleikaröðinni Grapevine Grand
Rock þar sem margir af fremstu
flytjendum landins spila saman.
Áður hafa stigið á svið listamenn
á borð við Singapore Sling, Reykja-
vík!, Nico Muhly, Evil Madness og
Agent Fresco.
Það var hinn stórefnilegi Ólaf-
ur Arnalds sem valdi Mammút og
Valgeir til að spila með sér á tón-
leikunum. Mammút gaf á síðasta
ári út plötuna Karkari sem var til-
nefnd til Íslensku tónlistarverð-
launanna. Valgeir Sigurðsson er
einn virtasti upptökustjóri lands-
ins og gaf einnig út plötuna Ekvi-
líbríum árið 2007. Hann vinnur nú
að næstu plötu sinni auk þess sem
hann semur tónlist fyrir heimild-
armynd Andra Snæs Magnasonar,
Draumalandið.
Tónleikarnir í kvöld hefjast
klukkan 22.30 og er miðaverð
1.000 krónur.
Ólafur Arnalds og gestir spila
ÓLAFUR ARNALDS Ólafur spilar á Grand
Rokk í kvöld ásamt Mammút og Valgeiri
Sigurðssyni.
FÍNIR DÓMAR Emiliana Torrini fær prýði-
lega dóma hjá Guardian fyrir tónleika
sína í Manchester.
Tyra beitt ofbeldi
White með nýja sveit
Tökur á Fangavaktinni,
þriðju seríunni um Georg,
Ólaf Ragnar og Daníel,
hefjast í byrjun maí. Leik-
ararnir hafa verið tíðir
gestir á Litla-Hrauni síðan
um áramót.
Þegar hefur verið gengið frá
ráðningu Ingvars E. Sigurðsson-
ar, Ólafs Darra og Björns Thors
í hlutverk fanga á Litla-Hrauni
og þá mun nýgræðingurinn Sig-
urður Hjaltason þreyta frumraun
sína í þáttunum sem afbrota-
maður. Ragnar Bragason segir
að enn eigi eftir að ganga frá
ráðningu á fangavörðum en sam-
kvæmt heimildum Fréttablaðsins
kemur Þröstur Leó Gunnarsson
sterklega til greina í það. Ragn-
ar vildi ekki staðfesta það. „Þetta
verður skemmtileg blanda og það
verður forvitnilegt að taka þess-
ar kanónur inn í þennan bland-
aða áhugamannahóp. Enda hefur
verið ákaflega gaman á samlestr-
um hjá okkur,“ segir Ragnar.
Hópurinn hefur farið í ófár
heimsóknir á Litla-Hraun í rann-
sóknarskyni og mætt þar hlý-
legu viðmóti fanga og fanga-
varða. „Fólkið á Litla-Hrauni
hefur tekið okkur opnum örmum
og allir hafa verið reiðubúnir til
að leggja sitt á vogarskálarn-
ar.“ Hann segir það skýrt mark-
mið Fangavaktarinnar að búa til
raunsæja veröld íslenskra fanga
en ekki eitthvert ímyndað amer-
ískt fangelsi. „Það hefur verið
fróðleg lífsreynsla að fara þarna
inn en óneitanlega er það góð til-
finning að geta gengið út hvenær
sem maður vill.“ Ragnar hrósar
þeim Margréti Frímannsdóttur,
forstöðumanni Litla-Hrauns, og
Páli Winkel fangelsismálastjóra
sérstaklega. Þau hafi verið ótrú-
lega liðleg í öllum samskiptum.
Ekkert verður þó af því að
tökuliðið setjist að á Litla-Hrauni.
Enda er fangelsið, að sögn Ragn-
ars, yfirfullt. „Fangelsismálin
á Íslandi eru í miklum ólestri
enda eru tuttugu fleiri fangar en
fangelsið getur tekið við í raun og
veru. Við getum því ekkert feng-
ið einhvern einn gang og dundað
okkur við tökur því hver fermetri
er fullnýttur.“ Og því hefur verið
unnið að því að byggja fangagang
á Laugavegi 176 en þar skammt
frá er einmitt upphafið að ævin-
týrum hinnar heilögu þrenning-
ar, bensínstöð Skeljungs. „Við
eigum eftir að skjótast þangað
yfir og fá okkur pylsu með öllu
í hádeginu.“
freyrgigja@frettabladid.is
LITLA-HRAUN Á LAUGAVEG
SAMAN Í
FANGAVAKTINNI
Ingvar E. Sigurðsson, Björn
Thors og Ólafur Darri leika
allir fanga í Fangavaktinni,
síðustu seríunni um þá Ólaf
Ragnar, Daníel og Georg.
Til greina kemur að Þröstur
Leó Gunnarsson fari með
hlutverk fangavarðar en það
hefur þó ekki verið staðfest.
> VILL PRÓFA HASAR
Reese Witherspoon hefur áhuga
á að breyta til og prófa að leika
í hasarmyndum. Teiknimynd-
in Monsters Vs Aliens, þar
sem hún talar fyrir eina
persónuna, kom henni á
bragðið. „Það gæti verið
gaman. Þessi mynd vakti
mikinn áhuga hjá mér,“
sagði hún.
folk@frettabladid.is