Fréttablaðið - 19.03.2009, Blaðsíða 11

FIMMTUDAGUR 19. mars 2009
ALÞINGI „Þetta eru stór og mikil-
væg skef sem við erum að taka
með lögfestingu Barnasáttmálans.
Með þeim verðum við brautryðj-
endur í réttindum barna á heims-
vísu,“ segir Ágúst Ólafur Ágústs-
son, þingmaður og varaformaður
Samfylkingarinnar. Eftir þriggja
ára vinnu var samþykkt á Alþingi
á mánudag að Barnasáttmáli Sam-
einuðu þjóðanna verður lögfest-
ur hér á landi. Samningurinn tók
gildi árið 1990 og var fullgiltur
hér á landi tveimur árum síðar,
árið 1992.
Ágúst flutti málið fyrst fyrir
þremur árum og segist afar sáttur
við að það hafi náð í gegnum þing-
ið. Ísland sé eitt fárra ríkja sem
stigið hafi skrefið til fulls. „Flestar
þjóðir hafa látið sér nægja að full-
gilda sáttmálann, en hafa ekki lög-
fest hann þannig að hann sé jafn-
rétthár innlendri lagasetningu.
Reynslan hefur sýnt að Barna-
sáttmálanum er sjaldan beitt fyrir
dómstólum, en ég á von á að hann
verði mikið notaður í dómafram-
kvæmd hér eftir og styrki allar
stoðir undir réttindum barna.“
Lögfesting Barnasáttmálans
kallar á endurskoðun allra laga
sem varða börn svo þær kröfur
sem Barnasáttmálinn setur verði
uppfylltar. Frumvarp sem feli í
sér lögfestingu samningsins og
aðlögun íslenskra laga að sáttmál-
anum skuli vera tilbúið hinn 20.
nóvember á þessu ári. „Það er hitt
og þetta sem þarf að skoða í ljósi
sáttmálans. Sem dæmi má nefna
rétt barna til að tjá sig í málum,
sem er mjög ríkur samkvæmt
Barnasáttmálanum. Einnig þarf
að endurskoða réttindi einstakra
hópa barna eins og til dæmis ungra
afbrotamanna, en sáttmálinn tak-
markar að ungir afbrotamenn séu
vistaðir í fangelsi með fullorðnum
eins og tíðkast hér á landi. Þá mun
friðhelgi barna aukast til muna
með tilkomu lögfestingarinnar að
mínu mati,“ segir Ágúst Ólafur.
Sem kunnugt er sækist Ágúst
Ólafur ekki eftir endurkjöri til
Alþingis í vor. Hann segist afar
stoltur af þessu máli og hann yfir-
gefi pólitíkina sáttur við þessa
niðurstöðu.
Margrét María Sigurðardóttir,
umboðsmaður barna, fagnar
þessari ákvörðun Alþingis. Hún
segist vona að lögfestingin styðji
enn frekar við stöðu barna í sam-
félaginu því ekki veiti af. „Ég von-
ast líka til að í þessu felist mikil
kynning. Óformlegar kannanir
okkar hafa sýnt að Barnasáttmál-
inn er allt of illa kynntur og það er
of algengt að börn þekki hann ekki.
Einnig er viðbúið að farið verði að
vísa í sáttmálann fyrir dómi og að
hann geri gagn sem slíkur. Þetta
eru mikil og gleðileg tíðindi,“ segir
Margrét María Sigurðardóttir.
kjartan@frettabladid.is
Stórt skref
stigið í rétt-
indum barna
Lögfesting Barnasáttmála Sameinuðu þjóðanna
var samþykkt á Alþingi. Varaformaður Samfylking-
arinnar á von á að sáttmálanum verði mikið beitt.
Umboðsmaður barna fagnar ákvörðuninni.
BARNASÁTTMÁLI Þessir ungu nemendur Austurbæjarskóla hafa síðustu daga unnið
að verkefni sem tengist Barnasáttmála Sameinuðu þjóðanna. Alþingi samþykkti
lögfestingu sáttmálans á miðvikudag. FRÉTTABLAÐIÐ/VALLI
Hvernig fæ ég yfirsýn
yfir útgjöld heimilisins?
Eru skuldabréf málið í dag?
Hvort er betra að spara í
verðtryggðu eða óverðtryggðu í dag?
Er munur á nafn-
og raunvöxtum?
Hver er munurinn á vara- og neyslusparnaði?
Get ég hætt að vinna við 65 ára aldur?
Af hverju losna ég
aldrei við yfirdráttinn?
Hvernig næ ég
tökum á fjármálunum?
Hvað er verðtrygging
og hvernig virkar hún?
H
V
ÍT
A
H
Ú
S
IÐ
/S
ÍA
0
8
-2
2
5
4
Mikil aðsókn á
fjármálanámskeið
Undanfarið hefur Íslandsbanki í samstarfi við Opna háskólann í Háskólanum
í Reykjavík boðið fjármálanámskeið fyrir almenning. Námskeiðin hafa mælst
mjög vel fyrir og viðtökurnar verið framar vonum. Enn eru nokkur námskeið
eftir og hvetjum við áhugasama til að skrá sig sem fyrst.
Markmið námskeiðsins er að veita ráðleggingar um flest sem snýr að fjármálum
fjölskyldunnar. Þátttakendur verða fræddir um sparnað, lán, efnahagsreikning
heimilisins, heimilisbókhald, fjárfestingar, lífeyrissparnað og margt fleira.
Námskeiðin fara fram í Opna háskólanum í Háskólanum í Reykjavík, Ofanleiti 2,
og eru öllum opin. Hvert námskeið stendur í 3 klst. og þátttökukostnaður er
1.000 kr. eða 1.000 punktar í Vildarklúbbi Íslandsbanka.
Nánari upplýsingar á islandsbanki.is/fjarmalanamskeid.
Næstu námskeið:
Laugardaginn 21. mars Kl. 10.00–13.00
Miðvikudaginn 25. mars Kl. 17.15–20.15
Miðvikudaginn 1. apríl Kl. 17.15–20.15
Skráning á www.opnihaskolinn.is eða í síma 599 6394.
KOSNINGAR Sendinefnd ÖSE leggur
til að sérfræðinefnd verði send til
Íslands til að fylgjast með kosning-
unum sem fram fara 25. október.
Þetta er mat sendinefndarinnar
eftir heimsókn þeirra til Íslands
þar sem rætt var við stjórnmála-
menn, fræðimenn, fulltrúa gras-
rótar og fjölmiðlamenn, meðal
annarra. Miðað við sendinefndir
ÖSE til annarra vestrænna ríkja,
þar sem kosningaeftirlit hefur
farið fram má búast við 8 til 12
manna nefnd.
Í niðurstöðum sendinefndar-
innar, en skýrsla hennar er birt
á heimasíðu ÖSE, kemur fram að
svo virðist sem framkvæmd kosn-
inga njóti mikils trausts á Íslandi
þrátt fyrir efnahagsörðugleik-
ana og miklar kröfur um endur-
skoðun á stjórnmálum sem komu
í kjölfarið.
Sendinefndin mun leggja áherslu
á að skoða lagaumhverfi kosn-
inga og mögulegar breytingar á
kosningalögum, utankjörfundar-
atkvæðagreiðslu, ýmis mál er
varðar fjölmiðla og aðgang eftir-
litsmanna með kosningunum. - ss
ÖSE boðar kosningaeftirlit á Íslandi í nýrri skýrslu:
Sérfræðinefnd fylg-
ist með kosningum