Morgunblaðið - 06.03.2006, Qupperneq 61

MORGUNBLAÐIÐ MÁNUDAGUR 6. MARS 2006 F 61
Hægt er að skoða fleiri myndir af eigninni á www.kirkjuhvoll.com.
Nánari upplýsingar veita Aron í síma 861 3889 og Karl í síma 892 0160.
Skrifstofuhúsnæði til leigu/sölu
Fasteignafélagið Kirkjuhvoll ehf. sérhæfir sig í útleigu á skrifstofu-, þjónustu-, lager- og iðnaðarhúsnæði og er með rúmlega 35.000 m² á höfuðborgarsvæðinu.
FASTEIGNAFÉLAGIÐ KIRKJUHVOLL EHF.
www.kirkjuhvoll.com
Grensásvegur 16a. 1325 m2 skrifstofuhúsnæði, steinsteypt hús á þremur hæðum
auk kjallara. Stendur á horni Fellsmúla og Grensásvegar á áberandi stað og hefur
mikið auglýsingagildi. Húsinu tilheyra alls 33 bílastæði, þar af 8 í lokuðu bíla-
stæðahúsi.
Laust til afhendingar 1. ágúst.
Hægt er að skoða fleiri myndir af eigninni á
www.kirkjuhvoll.com.
Nánari upplýsingar veita Aron í síma 861 3889 og Karl í síma 892 0160.
Atvinnuhúsnæði til leigu/sölu
Suðurhraun 3, Garðabæ. Vesturhluti 3000 m² fjölnotahúss, þar
af um 900 m² skrifstofuhæð með fullbúnu mötuneyti og búnings-
aðstöðu. Mikil lofthæð (allt að 7 metrar að hluta), stór lóð, gáma-
aðstaða, stórar innkeyrsludyr og næg bílastæði. Húsið hefur mik-
ið auglýsingagildi þar sem Álftanesvegur verður lagður handan
hússins. Samþykktur 1000 fm byggingaréttur. (Heildarstærð getur
orðið 4000 fm).
Laust til afhendingar 1. maí.
Reykjavík – Húsið að Þingholts-
stræti 14 í Reykjavík er til sölu hjá
Húsakaupum. Það er hæð, kjallari
og ris, samtals 269,8 fermetrar, þar
af 23,4 fm viðbygging. „Þetta er eitt
af virðulegri húsum gamla miðbæj-
arins og byggt í stíl við Viðeyj-
arstofu,“ segir Halldór Ingi Andr-
ésson hjá Húsakaupum.
Þetta hús var byggt á árunum
1880 og 1881 af Helga snikkara
Helgasyni, trésmiði og tónskáldi
(Öxar við ána, Nú er glatt í hverjum
hól), og Bjarna múrara Guðmunds-
syni fyrir Benedikt Gröndal, skóla-
kennara og skáld.
Helgi byggði mörg þekkt hús í
Reykjavík, m.a. Kvennaskólann við
Austurvöll, Amtmannshúsið við Ing-
ólfsstræti, auk íbúðarhúsa en eitt
þeirra var að Ingólfsstræti 11, þar
sem Helgi bjó sjálfur og er nú á Ár-
bæjarsafni. Helgi smíðaði einnig þil-
skip og hljóðfæri.
Benedikt Gröndal, skáld, bók-
menntafræðingur og náttúrufræð-
ingur, var ekki síður mikils metinn í
kringum aldamótin. Hann gaf út
fjölda ritverka, greina, þýðinga og
skáldverka. Benedikt bjó að Þing-
holtsstræti 14 í 6 ár en þá eignaðist
húsið Jón Jensson, dómari í Lands-
yfirrétti, bæjarfulltrúi og þingmaður
Reykvíkinga. Hann seldi dr. Bjarna
Sæmundssyni náttúrufræðingi húsið
árið 1904, en fyrsti vísir að Hafrann-
sóknastofnuninni var í kjallara þess
og Bjarni eini starfsmaðurinn.
Bjarni gaf út fjölda náttúru-
fræðirita. Eftir daga Bjarna hefur
húsið verið í fjölskyldu hans, eða til
ársins 1998 þegar núverandi eig-
endur keyptu húsið.
Upphafleg lýsing á húsinu er
„… íbúðarhús að lengd 14 álnir,
breidd 13 álnir og hæð 5 álnir úr
timbri, bindingi og timbur bitum og
þakið úr járni …“ skv. Brunavirð-
ingu frá 1881.
Skv. gögnum Árbæjarsafns og
Borgarskjalasafns voru gerðar end-
urbætur á kjallara 1908. 1918 var
inngönguskúr við austurhlið byggð-
ur og kvistar og dyr frambyggðar.
1927 var byggður inngönguskúr við
norðurhlið. 1980 er skráð að svalir
hafi verið byggðar og loks 1983
garðhúsið. 1979 er skráð í virðingu
að allt húsið hafi verið tekið í gegn,
skipt hafi verið um glugga og tvöfalt
gler sett í og skipt um allar lagnir.
Núverandi eigendur endurbyggðu
sólskálann úr varanlegra efni og
endurnýjuðu lagnir 1998, auk ým-
issa annarra lagfæringa.
Á aðalhæð hússins eru þrjú íbúð-
arherbergi, eldhús, gestasnyrting og
gangar. Af hæðinni er útgengt út á
verönd/svalir til vesturs. Í risi eru
fimm herbergi og baðherbergi með
baðkeri og svölum til vesturs og
austurs. Kjallari er undir öllu hús-
inu, en þar er stórt herbergi, þvotta-
hús, geymslur og lagnaherbergi.
Innangengt er í viðbygginguna sem
upphaflega var byggð sem sólstofa.
Stærð lóðarinnar er 375 ferm. en
samkvæmt nýju deiliskipulagi á
Menntaskólinn í Reykjavík 100
ferm. ræmu sem verður tekin af lóð-
inni á næstunni. Hægt er að skoða
deiliskipulagið á vef Reykjavík-
urborgar.
Þess má líka geta að Þingholts-
stræti 14 er háð þjóðminjalögum um
allar breytingar á núverandi ástandi
þess.
Uppsett verð 75 milljónir króna
og ráðgert er að hafa opið hús milli
klukkan 17.00 og 19.00 laugardaginn
12. mars.
Húsið í Þingholtsstræti 14 er til sölu hjá Húsakaupum. Það er hæð, kjallari og ris, samtals 269,8 ferm., þar af 23,4 fm viðbygging. Uppsett verð er 75 millj. kr.
Þingholtsstræti 14