Morgunblaðið - 29.05.2006, Qupperneq 38

38 F MÁNUDAGUR 29. MAÍ 2006 MORGUNBLAÐIÐ
L
andeigendur Setbergslands í
Garðabæ hafa í samvinnu
við VSÓ Ráðgjöf kynnt til-
lögur í hönnunarsamkeppni
um skipulag íbúðabyggðar á landi
Setbergs og Svínholts, sem býr yfir
einstaklega mikilli náttúrufegurð og
útsýni yfir Urriðakotsvatn. Fyrir-
hugað er að reisa hágæða íbúðahverfi
með sérstakri áherslu á sérbýli á
landinu. Ekki er gert ráð fyrir þéttri
byggð heldur er markmiðið að þróa
aðlaðandi samfélag með nægu land-
rými fyrir íbúana. Grunnskóli og tveir
leikskólar eru fyrirhugaðir í hverfinu.
Í nágrenni þess eru afþreyingar- og
útivistarsvæði svo sem golfvöllur,
reiðleiðir, gönguleiðir og friðlandið
Heiðmörk í göngufæri. Gert er ráð
fyrir að leggja gönguleiðir frá íbúð-
arbyggðinni að Urriðakotsvatni til að
auðvelda íbúum að njóta þessarar
náttúruperlu og því fjölbreytta lífríki
sem þar er að finna.
Hugmyndir frá þremur
arkitektastofum
Fengnar voru fjórar arkitektastof-
ur, ein íslensk og þrjár erlendar, til að
taka þátt í hönnunarsamkeppninni og
voru þeim gefnir um þrír mánuðir til
að skila inn hugmyndum. Þrjár stofur
skiluðu inn vel útfærðum hugmynd-
um, en þær voru íslenska arkitekta-
stofan Kanon arkitektar, danska
arkitektastofan Schmidt, Hammer,
Lassen og þýska arkitektastofan
Lederer + Ragnarsdóttir + Oei.
Fjórða stofan gaf sér ekki tíma til að
taka þátt í verkefninu og sat því eftir.
Tillögurnar voru kynntar fyrir
skömmu í hátíðarsal Flataskóla í
Garðabæ og stýrði bæjarstjóri
Garðabæjar, Gunnar Einarsson,
fundinum sem var vel sóttur.
Kanon arkitektar ehf.
Kanon arkitektar ehf. hafa starfað
frá árinu 1994 á sviði hönnunar og
skipulags. Eigendur eru arkitektarn-
ir Halldóra Kristín Bragadóttir,
Helgi B. Thóroddsen, Þorkell Magn-
ússon og Þórður Steingrímsson sem
hafa sex aðra arkitekta starfandi með
sér á stofunni. Allir eigendurnir
komu að vinnu tillögunnar.
Stofan sinnir öllum almennum
arkitektastörfum svo sem hönnun
bygginga, skipulagi, innréttingum,
endurbótum á eldra húsnæði ásamt
húsnæðis- og byggingarráðgjöf.
Markmið stofunnar er að vinna að
góðri byggingarlist og skipulagi, því
er mikilvægur þáttur í starfsemi stof-
unnar þátttaka í samkeppnum eins
og þessari. Fyrirtækið hefur unnið til
fjölda verðlauna og viðurkenninga
fyrir arkitektúr og skipulag enda
leggja þau áherslu á vönduð og traust
vinnubrögð með það að leiðarljósi að
markviss hönnun sé lykillinn að vel
heppnuðum lausnum.
Lestur í land og
umhverfi gefur tóninn
Kanon arkitektar höfðu að leiðar-
ljósi skipulagshugmyndarinnar að
skapa nýja gerð úthverfis með sál og
sterkan hverfisbrag. Því er fylgt eftir
með því að nýta og efla sérstöðu
skipulagssvæðisins og umhverfis
þess, hverfinu í hag. Fjölbreytt nátt-
úra og landslag ásamt tilkomumiklu
útsýni munu auðga nýja byggð og
gefa henni einkenni og svip, segir í
kynningargögnum stofunnar.
Í skýringum á meginhugmynd seg-
ir meðal annars:
„Lestur í land og umhverfi gefur
tóninn í meginhugmyndinni, sem auk
þess mótast af afstöðu svæðisins til
náttúrusvæða, aðlægrar byggðar og
meginaðkomuleiða að svæðinu.
Gaumur er gefinn að skuggamyndun
vegna landhalla til norðausturs og til-
komumiklu útsýni. Áhersla er lögð á
að byggð myndi ramma um opin nátt-
úrusvæði og upphefji landslagið.
Þannig fæst áhugavert íbúðarum-
hverfi með skörpum andstæðum
byggðar og náttúru. Kostir og ein-
kenni umlykjandi náttúrusvæða eru
dregnir í dagsljósið og undirstrikaðir.
Land skipulagssvæðis Setbergs
einkennist af allmiklum austurhalla
frá tveimur hápunktum niður að Urr-
iðakotsvatni og verndarsvæði í jaðri
Vífilsstaðahrauns. Landið er þó til-
tölulega slétt eða aflíðandi meðfram
verndarsvæði í norðurhluta, frá teng-
ingu við Reykjanesbraut að Urriða-
kotsvatni og þaðan vestur af gömlu
malarnámi í átt að Hafnarfirði. Þar er
gert ráð fyrir mestum þéttleika
byggðar og hæstu hlutfalli fjölbýlis,
enda heppilegt með tilliti til land-
kosta, skuggamyndunar og um-
ferðarflæðis næst meginaðkomu frá
Reykjanesbraut.
Land Svínholts einkennist aftur á
móti af einni háhæð og allmiklum
halla frá henni til allra átta. Það hent-
ar vel kyrrlátu íbúðarhverfi með
áherslu á sérbýli í jaðri byggðar.
Stórir hlutar þess liggja afar vel við
sólaráttum, auk þess að njóta ná-
lægðar við áhugaverð náttúru- og úti-
vistarsvæði og fyrirhugaðan golfvöll.
Lagt er upp með að glæða byggð-
ina góðum hverfisbrag. Áhersla er
lögð á að skapa fallega og skemmti-
lega hverfismiðju, stað í hverfinu þar
sem hjarta þess slær, segir í skipu-
lagsgögnum en þar er gert ráð fyrir,
samkvæmt gefnum forsendum skipu-
lagsins, blandaðri íbúðarbyggð með
hóflegan þéttleika og áherslu á sér-
býli. Tillagan er unnin út frá þessum
forsendum, en rík áhersla er lögð á
margbreytilegar íbúðargerðir og
stærðir. Þannig má forðast einsleitni,
stuðla að horft sé til suðurs að Urr-
iðakotsvatni, félagslegri fjölbreytni
og skapa skemmtilegt og áhugavert
íbúðaumhverfi.
Í tillögunni kemur fram að hún geri
ráð fyrir 231 íbúð í einbýlishúsum,
174 íbúðum í rað-, par- og tvíbýli, 163
íbúðum í fjölbýli eða alls um 568 íbúð-
um.
Schmidt, Hammer,
Lassen arkitektar
Schmidt, Hammer, Lassen arki-
tektar er ein stærsta arkitektastofa
Danmerkur, með höfuðstöðvar í Ár-
ósum og útibú í Kaupmannahöfn.
Stofan var stofnuð árið 1986 og þar
starfa nú um 120 reyndir arkitektar,
landslags- og innanhúsarkitektar,
hönnuðir, grafíklistamenn, líkana-
smiðir og yfirmenn sem allir standast
miklar kröfur fyrirtækisins um hæfni
og sköpunargáfu.
Landslagið gefur
hverfum sérkenni
Í verkum stofunnar blandast sam-
an norrænar hefðir og nýir alþjóðleg-
ir straumar og er leitast við að hafa
bein áhrif á þróun arkitektúrs í al-
þjóðlegu umhverfi. Stofan hefur lagt
mikla áherslu á að hafa sem mesta
þekkingu sem spannar allt sviðið í
heimi arkitektúrs. Yfirgripsmikil
þekking og vandaðar starfsaðferðir
hafa bæði skilað fjölda viðurkenninga
og verðlauna sem og háum sessi,
bæði heima fyrir og erlendis. Arki-
tekarnir sem komu að tillögunni voru
Morten Schmidt, Kjartan Örn Kjart-
ansson og Lars Holt.
Meginhugmyndin sem arkitekta-
stofa Schmidt, Hammer, Lassen
lagði upp með var að skipta landslag-
inu upp í svæði eftir því hvernig
landslagið liggur. Í ljós kom að það
voru fimm aðalsvæði, hraunsvæðið,
holtin og dalirnir, Neðridalur og
Megindalur, ásamt golfvellinum og
vatnasvæðinu. Þannig skiptu þeir
svæðinu niður í reiti og hönnuðu
byggð sem fellur best að hverju
hverfi með tilliti til landslags. Breið-
gata liggur í gegnum allt svæðið og
skiptir því í tvennt, hún verður með
trjám meðfram og eins í miðju og gef-
ur svæðinu þann svip að rýmið verður
lokaðra vegna trjánna og um leið er
miðað við að umferð verði hægari.
„Á holtunum í Setbergslandi leggj-
um við byggðina niður á holtin en síð-
an í slakkanum niður holtin, hagræð-
um við henni utan í landslagið. Lagt
er upp með útsýnið, víðsýni, en á
þeim svæðum sjáum við fyrir okkur
einbýlishúsabyggð með stórum görð-
um, svæðið verður lokaðra og fólk býr
þar meira út af fyrir sig. Á þetta
leggjum við mikla áherslu.
Grænir strengir ganga þarna um
Vandaðar skipulagstillögur
fyrir Setbergsland í Garðabæ
Eftir Kristin Benediktsson
Meginhugmyndin sem arkitektastofa Schmidt, Hammer, Lassen lagði upp með var að skipta landslaginu upp í svæði eftir því hvernig landslagið liggur.
Kanon arkitektar höfðu að leiðarljósi í skipulagshugmyndinni að skapa nýja gerð úthverfis með sál og sterkan hverfisbrag.