Morgunblaðið - 06.06.2006, Page 12

12 ÞRIÐJUDAGUR 6. JÚNÍ 2006 MORGUNBLAÐIÐ
FRÉTTIR
FÉLAGAR í JCI Íslandi völdu
Steingrím J. Sigfússon, formann
VG, ræðumann Alþingis, en þetta
val byggist á
frammistöðu
þingmanna sem
þátt tóku í
eldhúsdags-
umræðum sem
fram fóru á laug-
ardag. Þetta er í
annað sinn sem
JCI velur Stein-
grím ræðumann
Alþingis.
Tilgangur dóm-
anna er að finna besta ræðumann
eldhúsdagsumræðna og vekja þann-
ig athygli á mikilvægi þess að geta
komið máli sínu á framfæri svo vel
sé.
Alvanir ræðumenn úr röðum JCI
félaga dæmdu samkvæmt venjuleg-
um dómarablöðum sem notuð eru í
ræðukeppnum hér á Íslandi og er-
lendis.
Að mati JCI var daufara yfir eld-
húsdagsumræðum í ár en sl. tvö ár
og var keppnin um ræðumann al-
þingis jafnari nú en oft áður. Stjórn-
arandstaðan kom þó betur út í þetta
sinn en ríksstjórnarflokkarnir en all-
ir þingmenn stjórnarandstöðu náðu
200 stigum eða meira. Í efstu 5 sæt-
unum urðu eftirfarandi þingmenn: 1.
Steingrímur J. Sigfússon, Vinstri
grænum 2. Ögmundur Jónasson,
Vinstri grænum 3. Ingibjörg Sólrún
Gísladóttir, Samfylkingunni 4.
Magnús Þór Hafsteinsson, Frjáls-
lynda flokknum 5. Sigurjón Þórð-
arson, Frjálslynda flokknum.
Steingrímur
valinn ræðu-
maður
Alþingis
Steingrímur J.
Sigfússon
LAXVEIÐIN fór vel af stað í
Blöndu í gær; átta laxar veiddust
strax á fyrstu vaktinni.
„Þetta voru fínir fiskar,“ sagði
Stefán Sigurðsson sölustjóri hjá
Lax-á, sem var einn veiðimannanna.
„Flestir 12 til 14 pund en þó einn og
einn smálax innan um. Sjö þeirra
tóku flugu og einn maðkinn. Við
fengum flesta á Breiðunni, báðum
megin. Það virðist vera talsvert af
laxi þar.“
Stefán sagði frekar mikið vatn
vera í Blöndu og það skolað að ekk-
ert væri hægt að skyggna helstu
veiðistaðina. Það hefði mátt merkja
síðustu daga að laxar væru að
ganga, því mikið af sel hefði verið við
ós árinnar og þar fyrir utan háhyrn-
ingavaða; „þetta var heil lífkeðja,
selur að elta laxinn og hvalurinn sel-
inn.“
Veiðimennirnir eru fyrstir til að
nota nýtt og glæsilegt 700 fermetra
veiðihús, sem vígt var við Blöndu í
fyrrakvöld. Stefán sagði húsið bylt-
ingu hvað varðaði aðbúnað veiði-
manna við ána.
„Við eigum eftir að veiða í tvo
daga og erum þegar alsælir,“ sagði
Stefán. „Og ekki er verra að við er-
um þegar búnir að toppa opn-
unarhollið í Norðurá.“
Mikið af eldislaxi
í norsku ánum
Norskir fjölmiðlar hafa síðustu
daga fjallað um mikla og góða lax-
veiði í helstu ám Noregs, en veiði
hefur verið að hefjast þar í landi.
Mokveiði er til að mynda sögð í
Þrándheimsfirði. Þann skugga hefur
þó borið á, að vart hefur orðið við
mikið magn af eldislaxi í mörgum
ánna og sérstaklega er talað um
Namsen í því sambandi. Yngve
Svarte, sem stýrir Náttúruvernd-
arráði Noregs, tilkynnti á fimmtu-
daginn var að ráðið muni íhuga að
stöðva alveg eða draga úr veiðum í
ám og fjörðum þar sem hlutfall eld-
islax í aflanum er hátt. Ekki kemur
fram hversu hátt hlutfall eldisfisks
þarf að vera í aflanum til að ráðist
verði í slíkar aðgerðir, en talið er að
ef hann fer yfir 20% af hrygningar-
stofninum verði veiðitíminn í það
minnsta styttur. Á síðustu árum hef-
ur hlutfall eldislax í hrygningarfisk-
inum í Namsen náð 50%.
Náttúruverndarráð telur að í
þeim ám þar sem náttúrulegi stofn-
inn er sterkur og fjölmennur, nái
stofninn sjálfur að halda eldisfisk-
inum í skefjum.
Þessar hugmyndir hafa verið
gagnrýndar og þær hugmyndir
komið fram að best væri að veiða í
ánum sem fyrr og drepa allan eld-
islax en sleppa náttúrulegum laxi.
Það stangast þó á við það, að í Nor-
egi eru sleppingar á laxi ekki heim-
ilaðar af dýraverndarsjónarmiðum.
STANGVEIÐI
Átta laxar úr Blöndu í gærmorgun
veidar@mbl.is
Morgunblaðið/Einar Falur
Góð veiði var í Blöndu í gær. Hér er glíma veiðimanns við 13 punda lax í fyrrasumar.