Morgunblaðið - 06.06.2006, Blaðsíða 18

18 ÞRIÐJUDAGUR 6. JÚNÍ 2006 MORGUNBLAÐIÐ
ERLENT
SJÓÐUR 1 – ÖRUGG
LANGTÍMAÁVÖXTUN
Hentar þeim sem vilja spara í eitt ár
eða lengur.
Þú getur fjárfest í áskrift eða keypt fyrir
staka upphæð. Farðu á www.glitnir.is og
kláraðu málið.
Sjóður 1 er verðbréfasjóður skv. lögum nr. 30/2003 um verðbréfasjóði
og fjárfestingarsjóði. Rekstrarfélag sjóðsins er Glitnir Sjóðir hf.
Útboðslýsingu og útdrátt úr útboðslýsingum má nálgast í útibúum Glitnis
eða á www.glitnir.is/sjodir.
*Ávöxtun í fortíð er ekki ávísun á ávöxtun í framtíð.
9,3%
Nafnávöxtun síðustu 3 ár, 9,3% á ári.*
H
V
ÍT
A
H
Ú
S
IÐ
/
S
ÍA
-
6
20
8
Prag. AP, AFP. | Vaclav Klaus, forseti
Tékklands, fól í gær Mirek Topol-
anek, leiðtoga Borgaralega lýðræð-
isflokksins (ODS), að hefja stjórnar-
myndunarviðræður, eftir afar naum-
an sigur stjórnarandstöðuflokkanna
í þingkosningunum á laugardag.
Flest bendir því til að stjórn jafn-
aðarmanna í Tékklandi sé fallin eftir
átta ár á valdastóli.
„Þessi stjórn hefur glatað rétt-
mæti sínu,“ sagði Topolanek í gær.
Þá minnti hann blaðamenn á að
Frelsisbandalagið náði ekki inn
manni, en það var hluti af stjórninni.
Alls hlaut ODS 35,38 prósent at-
kvæða, eða 81 af 200 þingsætum í
neðri deild þingsins, en flokkur jafn-
aðarmanna (CSSD) 32,32 prósent
eða 74 sæti. Þá náðu þrír minni
flokkar fimm prósenta lágmarkinu,
sem þurfi til að fá menn kjörna í
neðri deild þings-
ins.
Flest atkvæði
þessara flokka
hlaut Kommún-
istaflokkurinn,
eða 12,81 prósent,
sem skilar 26 sæt-
um. Næst kom
Flokkur kristi-
legra demókrata
með 7,22 prósent, eða 13 sæti, og
restina rak svo Flokkur græningja,
sem hlaut 6,29 prósent, eða 6 sæti.
Topolanek hefur lýst því yfir að
hann muni ekki ræða við kommún-
ista en þess í stað leggja áherslu á
viðræður við hina flokkana þrjá, með
megináherslu á samstarf með kristi-
legum demókrötum og græningjum.
Standa vonir til að tilkynnt verði um
nýja stjórn landsins í næstu viku.
Nái Topolanek stuðningi kristi-
legri demókrata og græningja mun
hann hins vegar aðeins hafa helming
þingsæta, eða 100. Því er ekki úti-
lokað að útkoman verði einskonar
þjóðstjórn tveggja stærstu flokk-
anna. Slík niðurstaða þykir þó ólík-
leg. Jiri Paroubek, fráfarandi for-
sætisráðherra, hefur hins vegar
neitað að viðurkenna ósigur og ekki
útilokað að hann muni kæra úrslitin.
Forsetinn harðorður
Kosningaúrslitin voru þau naum-
ustu síðan að Tékkland braust undan
kommúnistum árið 1989 og hefur
Klaus forseti gagnrýnt Paroubek
fyrir að viðurkenna ekki úrslitin.
„Ég mun ekki láta það viðgangast
að það verði traðkað á lýðræðinu og
úrslitum kosninganna,“ sagði Klaus
þegar úrslitin lágu fyrir.
Topolanek í vanda
Óvissa í Tékklandi eftir kosningarnar um helgina
Mirek Topolanek
BANDARÍSK ungmenni mót-
mæltu í gær fyrir utan þinghúsið
í Washington nýrri áherslu
George W. Bush Bandaríkja-
forseta á að stjórnarskrá landsins
verði breytt, en breytingarnar,
sem eiga eftir að fá umfjöllun
þingsins, hafa það að markmiði
að koma í veg fyrir giftingar
samkynhneigðra. Fylgi Bush hef-
ur mælst í sögulegu lágmarki að
undanförnu og er talið að þetta
skref sé stigið til að ná í atkvæði
íhaldsmanna nú þegar um fimm
mánuðir eru til þingkosninga í
landinu.
AP
Standa með
samkynhneigðum
ALAN Garcia varð á sunnudag for-
seti Perú í annað sinn þegar hann bar
sigurorð af Ollanta Humala í kosning-
um sem þykja undirstrika djúpstæð-
an klofning þjóðarinnar. Þegar 91%
atkvæða hafði verið talið í gær hafði
Garcia hlotið 53,53% atkvæða en
Humala 46,47% sem er of stórt bil til
að Humala geti brúað það.
Úrslitin marka endurkomu Garcias
í stjórnmálum, en niðurstöðurnar
komu mörgum á óvart í ljósi takmark-
aðs árangurs hans sem forseti 1985 til
1990, þegar stjórn hans var sökuð um
spillingu og kennt um yfir 7.500%
verðbólgu í landinu.
„Ég vil að flokkur minn sýni í þetta
sinn íbúum landsins, sem hafa falið
honum mikla ábyrgð, að hann muni
ekki líta á ríkið sem ránsfeng,“ sagði
Garcia við þúsundir stuðningsmanna
sinna á sunnudagskvöld. Þá sagði
Garcia úrslitin áfall fyrir hinn
umdeilda Hugo Chavez, forseta
Venesúela, sem ákaft studdi við bakið
á Humala í kosningunum.
Sama kvöld voru margir stuðnings-
manna Humalas hins vegar ekki til-
búnir til að viðurkenna ósigur, þótt
frambjóðandi þeirra væri þegar bú-
inn að óska Garcia til hamingju, en
kosningabaráttan þótti einkar per-
sónuleg, rætin og óvægin.
„Á morgun munum við hefja mikla
umbreytingu á Perú, endurheimta
sjálfsvirðingu okkar sem tengist
björgun á náttúrulegum auðæfum
okkar þannig að efnahagur landsins
þjóni fólkinu,“ sagði Humala við
blaðamenn á sunnudag.
Fjölmiðlar fylgdust náið með kosn-
ingunum, enda var talið að Humala
myndi fara að fordæmi Chavez og
Evo Morales, forseta Bólivíu, og þjóð-
nýta náttúruauðæfi landsins.
Humala vinsæll
inn til landsins
Óhætt er að segja að þjóðin sé klof-
in, en mikil stéttaátök og deilur á milli
kynþátta hafa verið í brennidepli að
undanförnu. Þessi klofningur kom
glöggt fram í dreifingu atkvæða.
Þannig hlaut Garcia, sem er jafn-
aðarmaður, meirihluta atkvæða í höf-
uðborginni Lima, þar sem þriðjungur
um 16 milljóna íbúa Perú býr, og í
kjördæmum á norðurströnd landsins.
Á sama tíma fékk Humala meirihluta
atkvæða í flestum kjördæmum í suð-
ur- og miðhluta Perú.
Þar búa einkum fátækir indíánar,
sem telja sig hlunnfarna af stjórnar-
elítunni í Lima. Humala reyndi að
höfða til þessa hóps með herskáum
yfirlýsingum, sem taldar voru hafa
fælt frá mikilvægan hóp kjósenda.
Staða Humalas er engu að síður
sterk eftir kosningarnar í apríl, þar
sem flokkur hans Bandalag fyrir
Perú, UPP, fékk 45 þingsæti af 120,
en APRA, flokkur Garcia, 36.
Hinn nýkjörni forseti á því erfitt
verk fyrir höndum, ekki síst við að
sannfæra kjósendur um að honum sé
alvara með að draga úr spillingu.
Garcia forseti Perú á ný
Niðurstaðan skýr en þjóðin klofin á milli tveggja andstæðra fylkinga
Eftir Baldur Arnarson
baldura@mbl.is
Reuters
Garcia var sigurreifur á sunnudag.
rétti í Bagdad fyrir að hafa aðstoðað
við ránið á hjálparstarfsmanninum
Margaret Hassan í október 2004.
Hassan féll fyrir hendi ræningja
sinna mánuði síðar, en málið vakti
heimsathygli á sínum tíma.
Ættingjar Hassans voru afar von-
sviknir og sögðust „niðurbrotnir“
vegna dómsins. Þá sögðu ættingj-
arnir að ódæðismennirnir hefðu ekki
„sýnt það velsæmi að skila líki Hass-
ans til fjölskyldu hennar svo hún
gæti grafið hana með þeirri reisn
sem hún átti skilið“.
Hassan hafði starfað í um 30 ár
fyrir hjálparsamtökin Care Inter-
national þegar henni var rænt 19.
október 2004. Fjölskylda hennar er
afar reið í garð breskra stjórnvalda.
Þannig sagði Deidre Fitzsimons,
systir Hassans og talsmaður ætt-
ingja hennar, í samtali við breska út-
varpið, BBC, í gær að mannræningj-
arnir hefðu hringt fjórum sinnum í
íraskan eiginmann hennar, en að
breska sendiráðið hafi neitað að
ræða við þá.
„Við teljum að ákvörðun breska
sendiráðsins um að eiga ekki í sam-
skiptum við mannræningjana hafi
kostað systur okkar lífið,“ sagði í yf-
irlýsingu fjögurra systkina Hassans
um helgina.
Bagdad. AFP. | Vígamenn tóku 50
manns höndum í Bagdad í gær og er
talið að flestir þeirra hafi verið
starfsmenn og viðskiptavinir sam-
göngufyrirtækja í götunni þar sem
atvikið átti sér stað. Flest bendir til
að um mannrán hafi verið að ræða.
Rashid Fulayah, majór og yfirmaður
herlögreglunnar í Bagdad, staðfesti í
gær að hans menn hefðu hvergi kom-
ið nálægt atvikinu, þvert á það sem
fyrst var talið. „Innanríkisráðuneyt-
ið hafði ekkert með þessa handtöku
að gera og sérstaklega ekki hersveit-
ir og sveitir lögreglunnar sem hafa
ekki heimild til að grípa til slíkra að-
gerða,“ sagði Fulayah í gær.
Óljóst er hvaða markmið handtök-
urnar höfðu en tveir hinna hand-
teknu voru frá Sýrlandi. „Þeir námu
fólk á brott með tilviljanakenndum
hætti,“ sagði verslunarrekandi við
Salhiya-stræti, þar sem atvikið átti
sér stað. Að sögn vitna komu víga-
mennirnir aðvífandi á tveimur far-
artækjum sem voru máluð í litum
íraskra hersveita. Í fylgd þeirra voru
10 ómerktir pallbílar sem lokuðu fyr-
ir umferð í nærliggjandi götum.
Gagnrýna bresk stjórnvöld
Mustafa Mohammed Jubouri var í
gær dæmdur í lífstíðarfangelsi af
Tóku 50 manns
höndum í Bagdad
Bresk stjórnvöld gagnrýnd fyrir
aðkomu sína að gíslatökumáli
Haag. AFP. | Samtök evangelista í
Hollandi hafa hvatt kristna trú-
bræður sína í 21 landi til að halda
24 stunda bænasamkomur gegn
myrkum öflum Satans vegna svo-
kallaðs „dags djöfulsins“ þann
sjötta júní 2006, eða dagsins í dag.
Þannig óttast margir evangelist-
ar að dagsetningin sjötti júní 2006
tákni merki djöfulsins, 666, og að
dagurinn sé undanfari hörmunga,
jafnvel heimsendis. Því vonast sam-
tökin, sem heita Ambassadors Min-
istries, að um 2.000 kristnir Hol-
lendingar muni sækja samkomuna í
dag. „Öfl hins illa hyggjast nota
þennan dag,“ sagði Mathijs Piet,
talsmaður samtakanna. „Með að-
gerðum okkar viljum við koma í
veg fyrir að ráðagerðir þess verði
að veruleika.“
Sjötti júní
dagur
djöfulsins
Mogadishu. AFP. | Íslamistar í Sómal-
íu tóku í gær yfir höfuðborgina
Mogadishu eftir fjögurra mánaða
blóðug átök við Bandalag um frið og
baráttu gegn hryðjuverkum, banda-
lag stríðsherra sem nýtur stuðnings
stjórnvalda í Washington.
Samtök íslamista, Íslamska dóm-
stólabandalagið, sem tók yfir Mog-
adishu, berst m.a. fyrir útbreiðslu
sharia-laga og er reiknað með að slík
lög verði tekin upp í borginni.
Sjeikinn Sharif Ahmed, sem fer
fyrir Íslamska dómstólabandalaginu
í Mogadishu, sagði í tilkynningu í
gær að 15 ára yfirráð stríðsherra
væri á enda og hvatti íbúa borgar-
innar til að samþykkja nýja valdhafa.
„Íslamska dómstólabandalagið
hefur ekki áhuga á að halda átök-
unum áfram og mun að fullu fylgja
eftir friði og öryggi eftir að breyting-
arnar ganga í gegn, nú að loknum
sigri fólksins með stuðningi Allah,“
sagði hann í gær.
Bandalag um frið og baráttu gegn
hryðjuverkum var stofnað með
stuðningi Bandaríkjastjórnar, með
það að markmiði að draga úr vaxandi
áhrifum íslamista í Mogadishu.
Talið er að Íslamska dómstóla-
bandalagið hafi skotið skjólshúsi yfir
meinta liðsmenn al-Qaeda hryðju-
verkasamtakanna, en það hefur lýst
því yfir að Bandaríkin séu „óvinur
íslams“. Það er m.a. af þessum sök-
um sem bandalaginu er oft líkt við
talibana-hreyfinguna í Afganistan.
Íslamistar
taka yfir
Mogadishu
♦♦♦