Morgunblaðið - 22.07.2006, Page 10

10 LAUGARDAGUR 22. JÚLÍ 2006 MORGUNBLAÐIÐ
FRÉTTIR
Hvað gera þeir sem setja
peninga í hald fyrir kindur?
Svarið leynist í
krossgátunni.
á morgun
SÍÐASTA svonefnda afriðlinum af
fimm hefur verið komið fyrir við ál-
ver Alcoa – Fjarðaáls í Reyðarfirði.
Afriðlarnir breyta rafstraumi á lín-
unum frá Kárahnjúkavirkjun úr rið-
straumi í jafnstraum. Þeir koma frá
fyrirtækinu Fuji í Japan og eru hver
um sig allt að 260 tonn að þyngd.
Á vef Fjarðaálsverkefnisins segir
að gífurlegt afl fari í gegnum afriðl-
ana. Nefnt er að hvert ker í álverinu,
en þau verða 336 talsins, krefjist
álíka afls og allur kaupstaðurinn í
Reyðarfirði gerði áður en umsvif
jukust á svæðinu.
Upplýsingamiðstöð vel sótt
Alcoa – Fjarðaál og Fjarðabyggð
opnuðu fyrir rúmum mánuði sameig-
inlega upplýsingamiðstöð við álverið.
Á vef Alcoa segir að fjöldi gesta síð-
ustu daga hafi tífaldast. Haft er eftir
Hildigunni Jörundsdóttur, forstöðu-
manni upplýsingamiðstöðvarinnar,
að síðustu daga hafi jafnmargir gest-
ir komið og fyrstu tuttugu dagana
sem miðstöðin var opin, en hún hóf
starfsemi 10. júní sl. Frá þeim tíma
hafa yfir 500 manns komið í miðstöð-
ina og fræðst um álverið og svæðið í
kring. Hildigunnur segir flesta gest-
ina vera innlenda og erlenda ferða-
menn. Margir hafi verið að hugsa til
framtíðar og spurt út í atvinnumögu-
leika á svæðinu.
Upplýsingamiðstöð Alcoa-Fjarðaáls og Fjarðabyggðar við álverið.
Síðasta afriðlinum
komið fyrir í Reyðarfirði
KORPÚLFSSTAÐAVEGUR, milli
Mosfellsbæjar og Reykjavíkur, var
opnaður formlega í gær. Ragnheið-
ur Ríkharðsdóttir, bæjarstjóri í
Mosfellsbæ, og Vilhjálmur Þ. Vil-
hjálmsson, borgarstjóri Reykjavík-
ur, mættust á miðri brú yfir Úlfarsá
og klipptu þar á borða. Áin skilur á
milli sveitarfélaganna. Eftir að
hafa klippt á borðann gengu þau
Ragnheiður og Vilhjálmur yfir nýja
göngubrú yfir ána.
Nýja leiðin þykir mikil sam-
göngubót milli Mosfellsbæjar og
Grafarvogs. Viðstaddir nefndu t.d.
að hún kæmi nemendum Borg-
arholtsskóla vel og eins Graf-
arvogsbúum sem leið ættu um Vest-
urlandsveg.
Vegbrúin yfir Úlfarsá er 55
metra löng í þremur höfum. Göngu-
brúin er um 26 metra löng í einu
hafi. Göngustígur var gerður norð-
an við veginn frá Barðastöðum og
austur yfir ána. Þá var gerð breyt-
ing á reiðstíg vestan Úlfarsár og
liggur hann nú undir brúna á vest-
urbakka árinnar. Jafnhliða voru
aðliggjandi göngustígar golfvall-
arins við Korpu tengdir, að því er
segir á heimasíðu Framkvæmda-
sviðs Reykjavíkurborgar. Þar segir
einnig að verkið hafi verið unnið í
samvinnu við hestamenn, golf-
klúbbinn og veiðifélag Korpu og
Úlfarsár. Þess hafi verið gætt sér-
staklega að ekki væri hróflað við
árbökkum og árfarvegi Úlfarsár.
Framkvæmdasvið Reykjavík-
urborgar hafði umsjón með fram-
kvæmdinni og voru verkefn-
isstjórar Ólafur Ólafsson og
Höskuldur Tryggvason á Mann-
virkjaskrifstofu. Línuhönnun hf.
annaðist hönnun vegar og brúa, út-
litshönnun steyptra mannvirkja var
unnin af Studio Granda og fram-
kvæmdaeftirlit var í höndum VSÓ.
Jarðkraftur ehf. sá um jarðvinnu
og yfirborðsfrágang og ÍB verktak-
ar önnuðust steypuvinnu.
Morgunblaðið/Eggert
Ragnheiður Ríkharðsdóttir bæjarstjóri og Vilhjálmur Þ. Vilhjálmsson borgarstjóri opnuðu Korpúlfsstaðaveg í gær.
Korpúlfsstaðavegur opnaður
Ljósmynd/Ellert Grétarsson
Björgunarsveitin við strandstað.
FIMM tonna trilla, Sif 7429,
strandaði skammt frá landi á Garð-
skagaflösinni milli Sandgerðis og
Garðs í gærmorgun. Óskaði sjó-
maðurinn eftir aðstoð björgunar-
sveita Landsbjargar við að kippa
trillunni á flot á ný en hann var
einn á ferð með aflann, fimm tonn
af fiski. Engin hætta var talin vera
á ferðum og fóru bátar frá Lands-
björgu á vettvang en kallið barst
rétt um klukkan átta um morg-
uninn.
Náðist báturinn á flot með flóð-
inu skömmu eftir hádegi með að-
stoð lögreglu og félaga í hjálpar-
sveitunum Ægi í Garði og Sigurvon
í Sandgerði.
Bátur strandaði
nærri Sandgerði
LÖGREGLAN á Húsavík handtók í
gærdag karlmann á fimmtugsaldri
eftir að fíkniefni fundust í fórum hans.
Forsaga málsins er sú að lögreglu
barst vísbending um að ætluð fíkni-
efni væru í sendingu sem barst í bæ-
inn. Beið lögregla eftir að pakkinn
yrði sóttur og handtók þá karlmann-
inn. Reyndust fimm grömm af ætluðu
amfetamíni í sendingunni.
Samkvæmt upplýsingum frá lög-
reglu hefur maðurinn áður komið við
sögu hennar. Honum var sleppt að
loknum yfirheyrslum og telst málið
upplýst.
Amfeta-
mín gert
upptækt
á Húsavík
Í RITSTJÓRNARGREIN nýj-
asta heftis læknisfræðitímaritsins
The New England Journal of
Medicine er talsvert fjallað um
Íslenska erfðagreiningu (ÍE) og
rannsóknarvinnu fyrirtækisins. Í
greininni kemur fram að þrátt
fyrir að erfðafræðin hafi ekki
skilað læknavísindum jafnmiklu
og búist var við í lok síðustu ald-
ar, hafi að undanförnu fundist
erfðavísar sem án efa gegni mik-
ilvægu hlutverki í myndun al-
gengra sjúkdóma. Í því samhengi
er uppgötvana ÍE sérstaklega
getið og fjallað um hvernig ein-
stakar ættfræðiupplýsingar og
einsleitni á Íslandi hafi skapað
fyrirtækinu kjöraðstæður til
rannsókna. Fyrirtækið hafi á
undanförnum árum gert mikil-
vægar uppgötvanir m.a. á erfða-
vísum sem tengjast hjartaáföll-
um, heilablóðföllum og nú síðast
sykursýki.
Aðferðir við geymslu og
greiningu skipta höfuðmáli
Kári Stefánsson, forstjóri Ís-
lenskrar erfðagreiningar, segir
að þrátt fyrir að einangrun lands-
ins og ættfræðilegur bakgrunnur
hafi haft talsverð áhrif á árangur
fyrirtækisins í erfðafræðirann-
sóknum, skipti aðferðir fyrirtæk-
isins við geymslu og greiningu
upplýsinga höfuðmáli. „Þeir sem
eru að keppa við okkur eru í aka-
demískum deildum sem hafa ekki
sama infrastrúktúr og við til að
geyma og greina upplýsingar.
Við njótum stærðarhagkvæmni
auk þess sem við höfum alltaf
lagt áherslu á að rannsóknir okk-
ar byggjast á greiningu upplýs-
inga sem liggja í fólki og flutn-
ingi þeirra frá kynslóð til
kynslóðar“ segir Kári. Hann seg-
ir að til þess að halda utan um
upplýsingarnar hafi verið hönnuð
hugbúnaðarkerfi sem séu einstök
á sínu sviði auk þess sem töl-
fræðideild fyrirtækisins sé geysi-
lega öflug og sennilega sú
stærsta í heiminum. „Við höfum
nýtt okkur sérstöðu samfélags-
ins, það er ekki spurning, en ofan
á það höfum við búið til kerfi sem
eru einstök í sinni röð og gera
okkur kleift að vinna með gríð-
arlegt magn upplýsinga“ segir
Kári.
Gaman að fá staðfestingu
á vel unninni vinnu
Í nýjasta hefti The New Eng-
land Journal of Medicine eru
jafnframt birtar niðurstöður
rannsókna á sykursýki 2 þar sem
uppgötvanir ÍE um tengsl ákveð-
ins erfðavísis við sykursýki eru
staðfestar af hópi bandarískra
vísindamanna. Kári segir alltaf
gaman þegar fyrirtækið fái stað-
festingu á því að vinna þess sé
góð og greinin í tímaritinu sé í
raun staðfesting á gæðum þeirr-
ar vinnu sem unnin er innan
veggja Íslenskrar erfðagreining-
ar. „Ef ég man rétt hafði móðir
mín heitin alltaf gaman af því
þegar okkur börnunum þótti
maturinn hennar góður. Ég held
að þetta sé nákvæmlega sama til-
finning,“ segir Kári að lokum.
Fjallað um rannsóknir ÍE í tímaritinu
New England Journal of Medicine
Ættfræði og eins-
leitni skapa kjörað-
stæður til rannsókna
Eftir Friðrik Ársælsson
fridrik@mbl.is