Morgunblaðið - 22.07.2006, Síða 28

28 LAUGARDAGUR 22. JÚLÍ 2006 MORGUNBLAÐIÐ
ÚR VESTURHEIMI
HARALDUR Einarsson rakari hélt upp á 80 ára afmælið sitt á
dögunum og í tengslum við afmælið var stærsti krullusteinn
(curling rock) heims afhjúpaður í Árborg, Manitoba. Haraldur
lét gera steininn og fann honum stað í byggðinni þar sem hann
ólst upp.
Atorkumenn af íslenskum ættum leynast víða og einn þeirra
er Haraldur Einarsson, sem býr við Winnipegvatn, rétt sunnan
við Gimli. Hann hefur lengi viljað vekja athygli á árangri fram-
haldsskólaliðs Árborgar sem varð Manitoba-meistari í krullu
(curling) 1947 og 1948 og árangurinn varð þessi steinn, sem er
fjórir metrar í þvermál og 8,5 metrar á hæð. „Það er með
ólíkindum að lítill bær eins og Árborg hafi átt lið í kanadísku
úrslitakeppninni tvö ár í röð og þessi steinn er reistur til að
halda minningu liðsins hátt á lofti og vekja athygli á Árborg,“
segir Haraldur. David, bróðir hans, var í liðinu og Rexy, annar
bróðir hans, var þjálfari þess.
Haraldur fékk Frank Megyesi og Glen Zaluski, þekkta lista-
menn í Komarno, skammt frá Árborg, til að gera steininn.
Hann safnaði peningum til verksins innan fjölskyldunnar og sá
til þess, í samráði við bæjarstjórnina, að styttunni var fundinn
staður á áberandi stað í Árborg, einum „íslenskasta“ bænum í
Vesturheimi. Meira en 200 manns voru við afhjúpunina og
komu margir langan veg, m.a. David Einarsson frá Texas og
Rexy Einarsson frá Calgary.
Stærsti krullusteinn heims í Árborg
Ljósmynd/Davíð Gíslason
Gladys Gíslason virðir fyrir sér krullusteininn í Árborg í Manitoba. Hann er sá stærsti í heimi.
Eftir Steinþór Guðbjartsson
steinthor@mbl.is
Morgunblaðið/Steinþór
Systkinin Guðlaug og Haraldur Einarsson. Lauga býr enn í Árborg í Manitoba.
ÓLYMPÍUMEISTARALIÐ Fálk-
anna í íshokkíi 1920 hefur verið
tekið inn í Ólympíufrægðarsetur
Kanada.
Allir liðsmenn Fálkanna í Winni-
peg að einum undanskildum voru af
íslenskum ættum. Sögu þeirra hef-
ur verið haldið rækilega á loft und-
anfarin ár og forystumenn íshokkís
í Kanada geta þess nú gjarnan á há-
tíðarstundum að það hafi verið
Fálkarnir sem brutu ísinn og lögðu
grunninn að glæstum árangri
Kanada í greininni. Fyrst var keppt
í íshokkíi á ólympíuleikum í Ant-
werpen 1920 og urðu Fálkarnir
meistarar með eftirminnilegum
hætti.
Brian Johannesson og kona hans
Carole voru fulltrúar Fálkanna í
hófi kanadísku ólympíunefnd-
arinnar þegar Fálkarnir voru tekn-
ir inn í frægðarsetrið en einn helsti
leikmaður Fálkanna, Konnie Jo-
hannesson (Konráð Jóhannesson),
var faðir Brians. Afkomendum ann-
arra leikmanna var einnig boðið og
mætti Viola Perkins, dóttir Slims
Haldersos (Halldórs Halldórs-
sonar), með börn sín þrjú, synina
Hal og Craig og dótturina
Georginu Hunt, ásamt Kathy
Nicholson og dóttur hennar. Faðir
Kathy var Allan Woodman, eini
leikmaður Fálkanna, sem ekki var
af íslenskum ættum, en þessi fram-
herji var af enskum ættum.
Morgunblaðið/Steinþór Guðbjartsson
Brian Johannesson, sonur Konnie,
við sýninguna um Ólympíumeist-
aralið Fálkanna í Winnipeg.
Fálkarnir
í frægðar-
setrið
KANDÍSKI
strengjakvartett-
inn Quartetto
Constanze er
væntanlegur til
Íslands í lok mán-
aðarins og á tón-
leikum í Nes-
kirkju og
Reykholtskirkju
flytur hann meðal
annars nýfundið
tónverk eftir Þórð Sveinbjörnsson
(Swinburne) tónskáld, son Svein-
björns Sveinbjörnssonar tónskálds.
Kvartettinn skipa Ingunn Bene-
diktsson (selló), Catherine Cosbey
(fiðla), Michelle Zapf-Belanger
(fiðla) og Katya Woloshyn (lágfiðla).
Þær hafa verið við nám í konunglega
tónlistarskólanum í Toronto og
Glenn Gould-skólanum, en þaðan út-
skrifaðist Ingunn Benediktsson sem
einleikari á nýliðnu vori. Hún er
dóttir Guðrúnar Jörundsdóttur og
dr. Hallgríms Benediktssonar, ræð-
ismanns í Calgary.
Stúlkurnar hafa haldið nokkra op-
inbera tónleika síðan haustið 2004 og
fengið góðar umsagnir. Hérlendis
halda þær tónleika í Neskirkju hinn
31.7. og í Reykholtskirkju 10.8. Á
efnisskrá verður meðal annars ný-
fundið verk eftir Þórð Sveinbjörns-
son, tónskáld, sem bjó lengi í Calg-
ary og dó þar í hárri elli fyrir um 20
árum. Fyrir um ári hafði Bjarki
Sveinbjörnsson samband við dr.
Hallgrím Benediktsson, ræðismann
í Calgary, og bað hann að aðstoða sig
við að hafa upp á verkum eftir Þórð
Sveinbjörnsson. Eleanor Oltean,
systurdóttir hans, athugaði málið og
fann ýmislegt dót, þar á meðal
strengjakvartett eftir Þórð. Að
fengnu samþykki Eleanor Oltean fór
Hallgrímur með gögnin til Íslands í
vor og kom þeim í geymslu á Þjóð-
skjalasafninu. Verkið verður tekið
upp með Quartetto Constanze fyrir
Ríkisútvarpið meðan á Íslandsdvöl-
inni stendur.
Strengjakvartettinn Quartetto Constanze með tónleika á Íslandi
Flytur nýfundið
tónverk vestur-
íslensks tónskálds
Kandíski strengjakvartettinn Quartetto Constanze er væntanlegur í tón-
leikaferð til Íslands í lok mánaðarins. Kvartettinn skipa Ingunn Benedikts-
son, Katya Woloshyn, Michelle Zapf-Belanger og Catherine Cosbey.
Ingunn
Benediktsson
BLAKSAMBAND Manitoba í Kanada hefur út-
nefnt Kristine Johnson blakmann ársins í sínum
aldursflokki, eða í hópi blakmanna 15 ára og yngri.
Kristine Johnson er af íslenskum ættum, dóttir
Leonu og Dans Johnson í Winnipeg. Janis Johnson,
öldungadeildarþingmaður í Ottawa, er systir Dans
og foreldrar þeirra voru Doris Blöndal og Georg
Johnson, læknir frá Gimli, sem jafnframt var þing-
maður og ráðherra í Manitoba og fylkisstjóri Mani-
toba 1986 til 1993. Kristine Johnson var í 9. bekk á
liðnum vetri. Hún er í úrvalsliði Manitoba skipað
leikmönnum 16 ára og yngri og leikur með því um
kanadíska meistaratitilinn í Edmonton í ágúst. Hún
er auk þess í úrvalsliði Vestur-Kanada í sama aldurs-
flokki og tók með því þátt í alþjóðakeppni í Reno í
Bandaríkjunum í lok júní þar sem það hafnaði í
sjötta sæti af 175 liðum. Kristine er lægri en hinar
stúlkurnar í liðinu en er engu að síður afbragðsvarn-
armaður með góðar sendingar og lék alla leikina.
Í mars og byrjun apríl keppti kanadískt hokkílið,
Fálkarnir frá Winnipeg, í Reykjavík og á Akureyri.
Kristine var ásamt systur sinni Guðrúnu meðal lyk-
illeikmanna liðsins og vakti mikla athygli. Þær fóru
með liðinu í kynnisferðir út frá Reykjavík og Ak-
ureyri, hittu ættingja og fjölskylduvini, kynntust
mörgum og sögðu eftir ferðina að hér vildu þær eiga
heima.
Systurnar Kristine og Sarah Guðrún Johnson léku íshokkí með liði sínu
hérlendis í vetur og heimsóttu m.a. Gullfoss í Íslandsferðinni.
Kristine Johnson tekur við viðurkenningunni blakmaður ársins í sínum ald-
ursflokki í Manitoba. Hún er í úrvalsliði V-Kanada 16 ára og yngri.
Kristine Johnson best í blaki