Morgunblaðið - 11.08.2006, Qupperneq 48

ÁSKRIFT-AFGREIÐSLA 569 1122 FÖSTUDAGUR 11. ÁGÚST 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
Grill og ostur
– ljúffengur kostur!
EFTIR rigningu breytir náttúran um ásýnd.
Gróður reisir sig við og sé sólin sýnileg
teygja jurtir sig í átt að birtunni og drekka
í sig geislana. Allt verður kyrrt um stund.
Nýja Kórahverfið í Kópavogi var sveipað
dulúð að aflokinni skúr í fyrrinótt. Rign-
ingin hreinsaði loftið og þótt sólar hefði
ekki notið við var birtan í næturhúminu
einstök og engu líkara en nýbyggðar blokk-
irnar væru að teygja sig til himins, ekki
ósvipað og blóm vallarins böðuð sólar-
geislum.
Morgunblaðið/Ómar
Eftir rigningu næturinnar
VEL Á þriðju milljón eintaka af skáldsögum Arnaldar
Indriðasonar hefur selst hér heima og erlendis sam-
kvæmt upplýsingum frá Eddu – útgáfu.
Nýlega börðust tvö bókaforlög í Ísrael um útgáfurétt-
inn á Kleifarvatni og áttfaldaðist upphæðin milli fyrsta
og síðasta tilboðs, að sögn Rakelar Pálsdóttur, kynning-
arstjóra hjá Eddu – útgáfu. Bókaforlagið Keter hafði að
endingu betur en með réttinum fylgir einnig heimild til
sölu bókarinnar á hebresku um allan heim. Þá eru að
sögn Rakelar dæmi um að erlendir útgefendur tryggi
sér áframhaldandi rétt að skáldsögum Arnaldar með því
að festa kaup á óskrifuðum verkum.
Arnaldur er að leggja lokahönd á næstu bók sína, Kon-
ungsbók, sem kemur út 1. nóvember nk.
„Ég er auðvitað ánægður með
hvernig málin hafa þróast og áhugann
á bókum mínum erlendis,“ segir Arn-
aldur um mikla sölu verka sinna. „Það
er ánægjulegt því maður skrifar hér
fyrir 350 þúsund manns á tungumáli
sem sagt er að deyi út eftir 100 ár.
En maður kemst að því að þetta
hefur víðari skírskotun. Sögur héðan
eiga fullt erindi út fyrir landstein-
ana.“
Arnaldur segir að nýja bókin sé
ekki um Erlend og félaga hans hjá lögreglunni. „Hún
gerist árið 1955, að mestu leyti í Danmörku og Evrópu.“
Á þriðju milljón eintaka seld
Arnaldur
Indriðason
AUKA þarf sanngirni og réttlæti í
skattkerfinu svo meira jafnræði
verði milli skattálagningar óháð því
hvernig tekna er aflað og er mik-
ilvægt að taka skattkerfið til skoð-
unar til að ná þeim markmiðum,
segir Ingibjörg Sólrún Gísladóttir,
formaður Samfylkingarinnar.
„Það er búið að leiða fram óyggj-
andi rök fyrir því að skattálögur
hafi verið að þyngjast á þá sem
hafa lægst laun og meðallaun og
léttast á þeim sem hafa hæst laun-
in. Svo sjáum við núna að æ fleiri
hafa umtalsverðar tekjur af fjár-
magni og borga af því allt annan
skatt heldur en hinir sem hafa
tekjur af vinnu,“ segir Ingibjörg.
Hún bendir á að hugsanlega megi
breyta álagningunni þannig að í
stað núverandi kerfis verði frí-
tekjumark eins og í launatekjum og
hærra skattþrep.
Steingrímur J. Sigfússon, for-
maður Vinstri grænna, bendir á að
þingmenn flokksins hafi flutt frum-
varp um að breyta álagningu fjár-
magnstekjuskatts þannig að þar
verði frítekjumark, fjármagns-
tekjur yrðu þannig skattfrjálsar
upp að 120 þúsund krónum, en 18%
skattur yrði á allt umfram það.
Rangt að fjármagn fari
Steingrímur segir að tal um að
fjármagn og fyrirtæki flytjist úr
landi hljóti að vera á misskilningi
byggt. „Þó svo að við værum með
þessa aðferð og skattlagningu upp
á 18% á hærri fjármagnstekjur
væri það samt vægari skattlagning
fjármagnstekna en víðast hvar í
löndunum í kringum okkur.“
Guðjón Arnar Kristjánsson, for-
maður Frjálslynda flokksins, segir
að fara þurfi yfir skattakerfið,
hækka fjármagnstekjuskatt, koma
á fleiri en einu skattþrepi og auka
vægi persónuafsláttar til að auka
jöfnuð og réttlæti.
Samtök atvinnulífsins bentu í
gær á að afar hættulegt sé að rjúka
til í miðri ágústumræðunni um
tekjur einstaklinga og hafa á lofti
mikla svardaga um breytingar á
skattkerfinu, það sé hvorki al-
menningi né atvinnulífinu til fram-
dráttar.
 Upptaka | Miðopna
Formenn stjórnarandstöðuflokkanna vilja að gerðar
verði breytingar á skattkerfinu til að auka jafnræði
Álögur á þá hæst-
launuðu að léttast
TÚSKILDINGSÓPERAN
eftir Bertholt Brecht verður
frumsýnd í kvöld á aðalsviði
hins sögufræga leikhúss,
Admiralspalast í Berlín.
Leikhúsið hefur gengið í
gegnum stórtækar breyting-
ar undanfarna mánuði en að
baki þeim standa meðal ann-
ars tveir íslenskir athafna-
menn, þeir Helgi Björnsson,
leikari og tónlistarmaður, og
Jón Tryggvason kvikmynda-
leikstjóri. Helgi Björnsson
segir í samtali við Morgun-
blaðið að verkefnið muni
kosta rúmlega einn og hálfan
milljarð en í húsinu, sem er 23
þúsund fermetrar að stærð,
verður að finna þrjú leiksvið,
baðhús, veitingastað auk
skemmtistaðar í kjallara
hússins.
Íslendingar
í leikhús-
rekstri í
Þýskalandi
 Hið sögufræga | 19
SIV Friðleifsdóttir, heil-
brigðis- og trygginga-
málaráðherra og ritari
Framsóknarflokksins,
tilkynnti í gær að hún
sæktist eftir embætti
formanns flokksins þeg-
ar nýr formaður verður
kjörinn á flokksþingi
sem fram fer 18.–19.
ágúst.
„Það er mjög mikilvægt að Framsókn-
arflokkurinn sæki fram, það er stutt í næstu
alþingiskosningar. Ég tel að við höfum allar
forsendur til þess að efla áfram íslenskt
samfélag, það er mikilvægt að tryggja efna-
hagslegan stöðugleika og viðhalda forsend-
um þess að áfram sé hægt að bæta lífskjörin
um land allt,“ segir Siv.
Á 16 ára stjórnmálaferli Sivjar sem kjör-
inn fulltrúi hefur hún verið oddviti fram-
boðslista í tvennum sveitarstjórnarkosning-
um, þrennum alþingiskosningum og gegnt
starfi ráðherra í tæplega 6 ár.
Siv segir að nái hún kjöri muni hún leggja
áherslu á að flokkurinn leggist í mikla og
kröftuga málefnavinnu eftir flokksþingið nú
í ágúst og að niðurstöðurnar skili skýrri
stefnu flokksins á síðari hluta flokksþings-
ins, sem verður í lok febrúar.
Siv sækist
eftir embætti
formanns
Siv Friðleifsdóttir
MIKIÐ var af stórri og
fallegri síld af norsk-ís-
lenzka stofninum innan
íslenzku fiskveiðilögsög-
unnar í júlí og byrjun
ágúst. Minna var um síld
og hún smærri í suðaust-
anverðu Noregshafi.
Þetta kom fram í ný-
afstöðnum leiðangri
norsku hafrannsókna-
stofnunarinnar. Þor-
steinn Sigurðsson, fiski-
fræðingur á Hafrann-
sóknastofnuninni, segir
þetta afar jákvæðar fréttir. Það sé ljóst sam-
kvæmt leiðangri Norðmanna að mikið af síld
sé innan íslenzku lögsögunnar og það sama
hafi komið fram í leiðangri okkar í vor. Jafn-
framt sýni veiðarnar í sumar þetta sama.
Síldin er byrjuð að ganga til suðausturs
og virðist hafa lokið ætisleit að miklu leyti.
Gönguhraðinn er hálfur til einn hnútur og
gera norsku fiskifræðingarnir ráð fyrir að
hún gæti verið komin á vetursetustöðvarnar
úti fyrir Vesteralen í september.
„Það er góðs viti að síldin skuli enn halda
sig svo vestarlega og innan íslenzku lögsög-
unnar. Á þessum árstíma er hún venjulega á
hraðri leið á vetursetustöðvarnar við Nor-
eg,“ segir Jakob Jakobsson, fiskifræðingur
og fyrrverandi forstjóri Hafró.
Síldin heldur
sig við Ísland
 Mikið af stórri síld | 11
♦♦♦