Morgunblaðið - 24.08.2006, Side 48

ÁSKRIFT-AFGREIÐSLA 569 1122 FIMMTUDAGUR 24. ÁGÚST 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
KOSTNAÐUR við breytingar sem ráðist var í á
Kárahnjúkastíflu vegna nýrra upplýsinga um
misgengi á svæðinu og vegna frétta af brestum í
steypukápu Campos Novos-stíflunnar í Brasilíu
nam um 500 milljónum króna, að sögn Sigurðar
Arnalds, upplýsingafulltrúa Kárahnjúkavirkj-
unar.
Eins og sagt var frá í Morgunblaðinu í gær
komu fram nýjar upplýsingar árið 2004 um mis-
gengi á svæðinu og var ákveðið að bregðast við
með ýmsum hætti, settur var dúkur yfir távegg
stíflunnar, stálplata á liðamót, sprautað var í
sprungur og mælitækjum komið fyrir í göngum
sem liggja eftir endilangri stíflunni. Þá voru
steyptir sökklar og steypukápa stíflunnar gerð
þykkari á köflum auk þess sem bætt var við fyll-
ingarefni í stíflunni.
Eins og fram hefur komið varð vart við stóra
sprungu í kápu Campos Novos-stíflunnar í
Brasilíu en hún er byggð upp með sama hætti
og stíflan við Kárahnjúka. Uppistöðulónið við
stífluna tæmdist vegna bilunar í hjáveitugöng-
um og kom þá sprungan í ljós.
Sigurður segir að þær aðgerðir sem gripið
var til í stíflunni hafi verið viðbætur við þær ráð-
stafanir sem gerðar hafi verið í upphafi. Hann
bendir á að heildarkostnaður við Kárahnjúka-
stíflu sé um 20 milljarðar króna og heildar-
kostnaður við virkjunina sjálfa um 90 milljarð-
ar, þannig að kostnaður upp á 500 milljónir sé
lítið hlutfall af heildarkostnaðinum.
Breytingar á Kárahnjúka-
stíflu kostuðu 500 milljónir
Eftir Árna Helgason
arnihelgason@mbl.is Viðbætur við upphaf-
legar ráðstafanir
Morgunblaðið/Árni Sæberg
Heildarkostnaður við Kárahnjúkavirkjun er um 90 milljarðar og viðbótarkostnaður upp á 500 milljónir er sagður lítið hlutfall af heildinni.
LÖGREGLAN í
Reykjavík stöðv-
aði í gær og í
fyrradag á fjórða
tug ökumanna
sem ekki hafði
gætt að því að
gefa stefnuljós.
Mega ökumenn-
irnir búast við 5.000 króna sekt í kjölfarið.
Starfsmaður umferðardeildar lögreglu
segir að ekki sé um sérstakt átak að ræða,
heldur hafi lögreglan í Reykjavík ákveðið
að ýta á eftir þessu núna þar sem brestur á
notkun ljósanna væri áberandi og vegfar-
endur kvörtuðu sáran yfir tilburðum sam-
borgara sinna í umferðinni að því er notk-
un stefnuljósa varðar. „Það notar þetta
enginn nema einstaka sérvitringar og
manni finnst maður vera gamall í hettunni
ef maður gefur stefnuljós. Stefnuljós eru
fyrir okkur öll, umferðin gengur hraðar
og slysahætta minnkar,“ sagði varðstjóri
hjá lögreglunni í samtali við Fréttavef
Morgunblaðsins.
Lögregla vill af þessu tilefni hvetja öku-
menn til þess að nota það gagnlega örygg-
istæki sem stefnuljósið er.
Áhersla á
notkun stefnuljósa
ÚRVALSVÍSITALA Kauphallar Íslands
er nú komin yfir 5.900 stig eftir sam-
fellda hækkun ellefu daga í röð eða allt
frá 9. ágúst. Vísitalan stóð í um 5.300
stigum þegar núverandi hækkunarhrina
hófst og hefur því hækkað um nær
11,5%. Hækkunin er að miklu leyti knúin
áfram af umtalsverðum hækkunum á
gengi bréfa viðskiptabankanna sem sam-
anlagt vega mjög þungt í Úrvalsvísitöl-
unni.
„Meginskýring er sú að markaðurinn
er mjög jákvæður, sex mánaða uppgjörin
voru mun betri en menn höfðu reiknað
með, nánast hjá öllum fyrirtækjum.
Bankarnir eru að klára fjármögnun og
hafa brugðist við þeim athugasemdum
sem voru gerðar í febrúar og mars, s.s.
um krosseignarhald og fjármögnun,“
segir Jafet Ólafsson, framkvæmdastjóri
VBS fjárfestingarbanka. Hann segir það
sitt mat að menn hafi talið að botninum
hafi verið náð og nú gæti aukinnar bjart-
sýni. | Viðskiptablað
Ellefu daga
samfelld hækkun
VESTMANNAEYJABÆR undirbýr nú
verkefnið Handritin heim, í samvinnu við
Kára Bjarnason íslenskufræðing og
ReykjavíkurAkadem-
íuna. Verkefnið er fólg-
ið í skráningu íslenskra
handrita frá síðari öld-
um.
„Handritin á að skrá
og lykla eftir uppruna
og innihaldi, það er
skrá lykilorð og setja í
gagnagrunn,“ sagði El-
liði Vignisson, bæj-
arstjóri í Vest-
mannaeyjum. Þannig verður hægt að
leita í handritasafninu eftir stað-
arheitum, nöfnum, ártölum og öðrum
lykilorðum. Elliði taldi að verkefnið
mundi koma menningartengdri ferða-
þjónustu einkar vel, því hægt yrði að
fletta upp í miklum heimildum sem
tengdust einstökum byggðarlögum lands-
ins.
Að sögn Elliða er um ein tíu þúsund
handrit að ræða sem eru samtals um ein
milljón síðna. Talið er að uppbygging
verkefnisins geti tekið allt að fjögur ár.
Þegar er búið að fjármagna upphaf þess.
Umfang þess mun síðan ráðast af því
hvernig gengur að fjármagna fram-
haldið. Að sögn Elliða er stefnt að því að
þegar gagnagrunnurinn verði kominn í
notkun verði til að minnsta kosti tvö
þjónustustörf í Vestmannaeyjum til að
sjá um áframhaldandi framkvæmdir og
úrvinnslu. | 10
Gömul handrit skráð
Elliði Vignisson
KVÓTI á uppsjávarfiski, eins
og síld, loðnu og kolmunna,
hefur á undanförnum árum
færst að mestu yfir til stærstu
útgerðarfélaganna og er stað-
an nú orðin sú að 78% afla-
heimilda úr norsk-íslenska
síldarstofninum eru í eigu
fimm stórra útgerðarfélaga.
Aðeins 35 skip eru með
kvóta í norsk-íslenska síldar-
stofninum og eiga samtals 10
útgerðarfélög þessi skip.
Ástandið er svipað í öðrum
tegundum uppsjávarfisks, 32
skip eru með loðnukvóta og 32
skip eiga kvóta í íslensku
sumargotssíldinni. Svo virðist
sem einyrkjar og fjölskyldu-
fyrirtæki sem gera út eitt
skip á uppsjávarveiðum heyri
sögunni til.
Óvissan í kringum
reksturinn þreytandi
„Ég held að þetta sé eins
og annað í kringum sjávar-
útveginn, hann kemur til með
að færast inn í fá félög, það
hef ég sagt lengi,“ segir
Bjarni Bjarnason, skipstjóri
og einn eigenda Súlunnar
EA-300, en hann hefur selt
Síldarvinnslunni skipið og
ætlar að afhenda það næsta
vor.
Bjarni segir óvissuna í
kringum reksturinn þreytandi
til lengdar og ekki til þess
fallna að nýir aðilar freistist
til að taka við rekstrinum þeg-
ar einyrkjarnir komist á ald-
ur. „Þegar ég byrjaði á þessu
fyrir að verða 40 árum var
obbinn af þessu einyrkjar sem
áttu þetta allt saman. Þróunin
hefur orðið sú síðan að það
endurnýjast ekki. Ungt fólk
fer ekki í þetta, og þeir eru
bara komnir á aldur þessir
skarfar sem voru í þessu og
eru að draga sig í hlé.“
Sífellt færri fyrirtæki eiga kvóta í uppsjávarfiski
Einyrkjarnir að
komast á aldur
 Fimm útgerðir | 8
ÍSLENDINGAR munu
eiga 16 fulltrúa í þýsku 1.
deildinni í handknattleik
en keppni í þessari sterk-
ustu deild í heimi hefst
annað kvöld. 14 íslenskir
landsliðsmenn leika í
deildinni í vetur auk nú-
verandi og fyrrverandi
landsliðsþjálfara en Al-
freð Gíslason landsliðs-
þjálfari stýrir liði Gumm-
ersbach og Viggó Sigurðsson, fyrrverandi
landsliðsþjálfari, er við stjórnvölinn hjá
Flensburg.
,,Það hefur vakið athygli hversu margir
við Íslendingarnir erum í deildinni og mér
sýnist á öllu að menn séu smám saman að
sætta sig við að þessir Íslendingar eru ekk-
ert á leiðinni í burtu,“ sagði Guðjón Valur
Sigurðsson, fyrirliði Gummersbach, við
Morgunblaðið. | Íþróttir
Íslendingar fjöl-
mennir í þýska
handboltanum
Guðjón Valur
Sigurðsson