Morgunblaðið - 28.10.2006, Page 5

4
Prófkjör sjálfstæðismanna í Reykjavík,
fer fram í dag 28. október.
Kosningaskrifstofa Sigurðar Kára - Aðalstræti 6
Sími: 561-2620 og 561-2624
www.sigurdurkari.is
Sigurð Kára Kristjánsson
alþingismann í 4. sæti
Kæru sjálfstæðismenn!
Í prófkjöri okkar sjálfstæðismanna í Reykjavík
sem fram fer í dag legg ég verk mín sem alþingismaður
í dóm samherja minna. Á þessum 4 árum á Alþingi
hef ég unnið ötullega að málefnum sem snerta allan
þorra almennings. Ég hef lagt áherslu á að vera
talsmaður almannahagsmuna en ekki sérhagsmuna.
Ég hef barist af krafti fyrir því að sjónarmið mín
og Sjálfstæðisflokksins næðu fram að ganga eins
og ég lofaði að gera. Ég hef staðið að fjölda mála
með meirihluta Alþingis sem hafa horft til hagsbóta fyrir
almenning í landinu. En ég hef jafnframt átt frumkvæði
að fjölda þingmála og stutt frumkvæði annarra þingmanna
í samræmi við þau sjónarmið sem ég stend fyrir.
Ég er þakklátur fyrir þann mikla stuðning sem þið hafið
sýnt mér undanfarnar vikur og mánuði. Hann hefur
aukið baráttuþrek mitt og bjartsýni. Ég geng stoltur
af verkum mínum til prófkjörs og bíð þess með óþreyju
að halda áfram á sömu braut. Ég fer þess á leit við
ykkur að þið veitið mér atkvæði ykkar í 4. sæti í prófkjöri
sjálfstæðismanna í Reykjavík.
Sigurður Kári Kristjánsson, alþingismaður