Morgunblaðið - 28.10.2006, Blaðsíða 64

64 LAUGARDAGUR 28. OKTÓBER 2006 MORGUNBLAÐIÐ
menning
„HERRA Kolbert er um venjulegt
fólk í óvenjulegum kringumstæð-
um,“ segir Jón Páll Eyjólfsson leik-
stjóri spurður út í innihald leik-
verksins Herra Kolbert sem
frumsýnt verður hjá Leikfélagi Ak-
ureyrar í kvöld. „Þetta er kvöld-
stund í lífi fimm manneskja. Sam-
býlingarnir Ralf og Sara hafa boðið
fólki í mat til sín en þau eru í frek-
ar annarlegu ástandi, loftið er lævi
blandið í þessu matarboði og það
kemur í ljós að þau hafa óhreint
mjöl í pokahorninu, upp úr því
byrjar mikill hamagangur og í lok-
in eru þau breyttar manneskjur.“
Jón Páll segir Herra Kolbert vera
um fólk á fertugsaldri sem á nóg af
öllu og býr í hönnuðum heimi sem
er sléttur og felldur en einhver
tómleiki og doði liggur yfir þeim.
„Þetta kvöld skipuleggja þau sér-
staklega til að geta upplifað og orð-
ið fyrir einhvers konar lífsreynslu
sem gæti breytt lífi þeirra,“ segir
Jón Páll og bætir við að þunga-
miðjan í verkinu sé að þetta fólk
búi í heimi þar sem ekki er pláss
fyrir manneskjuna og veikleika
hennar. „Í þessum heimi eru mis-
tök að vera mannlegur, í honum af-
hjúpar þú ekki veikleika þína því ef
þú gerir það ertu dauðans matur.“
Gamansamur spennutryllir
Aðspurður hvort þarna sé farsi á
ferð svarar Jón Páll neitandi.
„Þetta er ekki eiginlegur farsi þótt
hann gæti litið út sem slíkur, þetta
er frekar einhvers konar gaman-
spennutryllir.“ Hann segir verkið
líklega eiga eftir að höfða mjög
sterkt til þeirrar kynslóðar sem
það fjallar um. „Það er kynslóðin
sem á alla réttu hlutina en finnur
samt til tómleika vegna þess að til
að öðlast alla þessa hluti hefur
fólkið þurft að deyfa niður eig-
inleika sem gerir það að mann-
eskjum. Ef við látum undan þess-
um tilbúnu gildum sem uppfylla
ekki dýpri frumþörf, þá er spurn-
ingin hversu langt við göngum þeg-
ar allt dótið er komið, hvað gerum
við þá til að upplifa spennu og til-
finningar? Í verkinu búa þau sér til
kringumstæður til að geta upp-
lifað.“
Jón Páll segir verkið hafa talað
til sín því það eigi mikið erindi til
nútímans. „Galdur skáldskaparins
er að David Gieselmann, höfundur
verksins, hefur sett þessa nútíma-
kvöl í búning sem er aðgengilegur
fyrir áhorfendur; hann er heillandi,
slær þig létt utanundir, kitlar þig,
gengur aðeins fram af þér og hann
setur áhorfendur í sömu spor og
Ralf og Söru.“
Ungir og öflugir leikarar
Þetta er annað sinn sem Jón Páll
leikstýrir hjá Leikfélagi Akureyrar,
en hann leikstýrði uppsetningu LA
á Maríubjöllunni í fyrra. „Ég hef
verið það heppinn að mér hefur
boðist verk sem heilla mig og ég
brenn fyrir og Herra Kolbert er
engin undantekning. Mér finnst
yndislegt á Akureyri, þetta er fal-
legur bær og það er annar taktur
hér, það virðast allir vera minna að
flýta sér en fyrir sunnan,“ segir
Jón Páll sem er pollrólegur fyrir
frumsýninguna.
Leikarahópurinn samanstendur
af fimm ungum leikurum og standa
þau sig með stakri prýði að sögn
Jóns Páls. „Þetta er ungt og öflugt
fólk. Verkið gengur mjög nærri
leikurunum, þau eru inni á sviðinu
nærri því allan tímann, það er mik-
ið að gerast og kringumstæðurnar
eru ákafar.“
ingveldur@mbl.is
Um venjulegt
fólk í óvenju-
legum kring-
umstæðum
Vinsælt Herra Kolbert er verk sem hefur farið víða frá því það var frumsýnt við góðar viðtökur í Royal Court-
leikhúsinu í London árið 2000. Verkið er frumsýnt hjá Leikfélagi Akureyrar í kvöld.
Kolbert Leikritið gerist í matarboði sem ungt par heldur til að krydda
tóma tilveru sína. Hér er Edda Björg Eyjólfsdóttir í hlutverki sínu.
eftir David Gieselmann í þýðingu
Bjarna Jónssonar
Leikmynd og búningar: Íris Egg-
ertsdóttir
Lýsing: Björn Bergsteinn Guð-
mundsson
Tónlist og hljóðmynd: Hallur Ing-
ólfsson
Leikarar: Edda Björg Eyjólfsdóttir,
Gísli Pétur Hinriksson, Guðjón Dav-
íð Karlsson, Ólafur Steinn Ingunn-
arson og Unnur Ösp Stefánsdóttir.
Leikstjóri: Jón Páll Eyjólfsson
Herra Kolbert
Leikhús | Leikfélag Akureyrar frumsýnir í kvöld
leikverkið Herra Kolbert eftir David Gieselmann.
Jón Páll Eyjólfsson, leikstjóri, sagði Ingveldi
Geirsdóttur að Herra Kolbert væri gamanþrung-
inn spennutryllir sem slægi áhorfendur utanund-
ir, kitlaði þá og gengi aðeins fram af þeim.
GESTIR þáttarins Orð skulu
standa í dag eru Dofri Her-
mannsson og Sveinbjörn I. Bald-
vinsson. Þeir ásamt liðstjórunum
Hlín Agnarsdóttur og Davíð Þór
Jónssyni fást við þennan fyrripart,
ortan vegna prófkjörsvertíðar-
innar:
Viltu ekki, vinur minn,
velja mig á lista?
Hlustendur geta sent sína botna
á netfangið ord@ruv.is eða bréf-
leiðis til Orð skulu standa, Ríkis-
útvarpinu, Efstaleiti 1, 150
Reykjavík.
Fyrripartur síðustu viku var
ortur um hurðarhúninn fræga á
Höfða sem var klukkutímum sam-
an eina fréttaefnið þegar leiðtoga-
fundurinn fór fram árið 1986:
Á þennan litla hurðarhún
horfði fólk og gapti.
Linda Vilhjálmsdóttir botnaði
svo:
Hér á heimsins ystu brún
héldu allir kjafti.
Davíð Þór rifjaði upp hæfileika
Ingva Hrafns Jónssonar:
Ingva Hrafni ei brá í brún
og beitti fimur kjafti.
Hlustendur sendu að vanda
marga botna, m.a. Arnþór Helga-
son:
Margur þegn með þunga brún
þögull fréttir lapti.
Valur Óskarsson:
Ingvi Hrafn með ygglibrún,
öllu lýsti af krafti.
Þorgils V. Stefánsson sendi
þennan:
Hvort heimsmálanna raunarún
þeir réðu og leystu af krafti.
Sigmar Hróbjartsson botnaði
svo:
Kaldastríðsins römmu rún
Rússagrýlan skapti.
Auðunn Bragi Sveinsson sendi
m.a. þessa:
Inni, meður ygglibrún,
ýtar héldu kjafti.
Frægir gistu föðurtún,
fylltir vísdómskrafti.
Daníel Viðarsson limruskaut
botn um endalausar „ekki-fréttir“
af fundinum:
Í brunni frétta fulltæmdum
fannst einn dropi Reagan um
frétt sem Ingvi lapti.
Þórhallur Hróðmarsson orti
m.a.:
meðan Herrann hafs við brún
heimsmynd nýja skapti.
Valdimar Lárusson botnaði m.a.:
Beið, og þótti þungt á brún,
en þurfti að halda kjafti.
Viltu velja mig ?
Eftir Ingveldi Geirsdóttur
ingveldur@mbl.is
Í HÚSI Júlíu heitir nýútkomin
skáldsaga eftir hinn þekkta rithöf-
und Fríðu Á. Sigurðardóttur. Þetta
er fyrsta skáldsaga hennar í átta ár
en smásagnasafnið Sumarblús kom
út árið 2000.
„Það er alltaf þannig að þegar
maður er búinn með bók þá þykist
maður vita eftir á að maður hefði
getað gert betur,“ segir Fríða þegar
blaðamaður spyr hana hvort hún sé
ekki ánægð með að bókin sé komin
út. „Maður dæmir sig víst alltaf
harðast sjálfur,“ bætir hún svo við
glettin. „En nú er bókin búin og ég
og persónurnar erum skildar að
skiptum.“ Spurð hvort hún sé þá
ekki byrjuð á næstu bók segist Fríða
vera að skrifa smásögur. „Ég er feg-
in að vera búin með Í húsi Júlíu og
hafa aftur tíma fyrir smásögurnar.
Það er miklu erfiðara að skrifa smá-
sögur en skáldsögur, þær gera meiri
kröfur eins og ljóðið. Það einfalda er
alltaf erfiðara.“
Í húsi Júlíu segir frá tveimur
systrum og stormasömum sam-
skiptum þeirra. „Þegar Lena kemur
heim öllum að óvörum eftir áratuga-
langa dvöl í útlöndum og sest að í
húsi Júlíu fara þau hjól að snúast
sem bjóða hættunni heim,“ segir í
innihaldslýsingu á bókarkápunni.
„Sagan hefur tekið endalausum
breytingum frá því á henni var byrj-
að. Hún byrjaði sem bók um ellina
en varð síðan á endanum m.a. íhug-
un um þetta fyrirbæri sem er kallað
fórnarlund kvenna, og vonandi
margt fleira,“ segir Fríða og bætir
við að sagan gerist í samtímanum að
miklu leyti en hlaupi til fortíðar og
jafnvel alla leið aftur til aldamótanna
1800. „Bókin byggir á reynslu kyn-
slóðanna en hvort það hefur tekist
hjá mér er annarra að dæma.“
Fríða byrjaði á bókinni árið 2001
en vegna heilsubrests þurftu skriftir
að sitja á hakanum um tíma. „Ég
veit ekki hvað ég byrjaði oft á þess-
ari sögu, það var ótal sinnum, en síð-
ustu þrjú ár hef ég unnið í henni af
hörku,“ segir Fríða sem ætlar ekki
að fylgja bókinni eftir út um allar
trissur. „Ef bók getur ekki staðið án
höfundar þegar hún er komin út þá
verður hún bara að falla,“ segir hún
að lokum og hlær.
Íhugun um fórnarlund
kvenna og margt fleira
Fríða Á. Sigurðardóttir
Ný bók eftir Fríðu
Á. Sigurðardóttur