Morgunblaðið - 26.11.2006, Síða 24

24 SUNNUDAGUR 26. NÓVEMBER 2006 MORGUNBLAÐIÐ
I
an Fleming Publications
hefur tilkynnt að ráðinn
hafi verið „þekktur og virt-
ur“ rithöfundur til þess að
skrifa bók um James Bond.
Þar er þá kominn fjórði maðurinn,
sem fetar í fótspor Ian Fleming.
Bókin á að koma út í maí 2008,
þegar 100 ár verða frá fæðingu
Fleming, og verður sú 35. í röðinni
um ævintýri þessa heimsþekkta
njósnara hennar hátignar.
Reyndar eru bækurnar fleiri,
þegar með eru teknar þær fimm,
sem skrifaðar voru upp úr kvik-
myndahandritum.
James Bond birtist heiminum
fyrst 1953 í bókinni Casino Royale.
Í ævisögu Ian Fleming segir John
Pearson að Fleming hafi lokið við
Casino Royale árið áður; 18. marz
1952, sex dögum fyrir brúðkaup
þeirra Ann Rothermere.
Önnur kvikmyndin sem gerð er
eftir þessari sögu er nú sýnd í
kvikmyndahúsum hér á landi og
kynnir til leiks „nýjan Bond.“
Daniel Craig er sjöundi leikarinn
til að túlka Bond á hvíta tjaldinu,
þegar David Niven er talinn til
hópsins fyrir leik sinn í fyrri kvik-
myndinni eftir Casino Royale, en
reyndar er sú kvikmynd jafnan
talin utangarðs, þegar rætt er um
Bond-seríuna á hvíta tjaldinu.
Sean Connery er sá, sem fyrstur
færði okkur Bond og lagði sterkar
línur um það, hvernig náungi
njósnarinn er. Hinir leikararnir
fjórir; George Lazenby, Roger
Moore, Timothy Dalton og Pierce
Brosnan hafa allir staðið í skugga
hans með sínar útgáfur. Með nýju
myndinni er Bond færður nær
upprunanum og um leið kemst
Daniel Craig næst því að fara í föt
Connery. En hann vantar mikið
upp á litbrigði raddarinnar.
Ian Fleming skrifaði fjórtán
bækur um James Bond á árunum
1953–1966, þar af voru tvær með
smásögum og sú seinni út að höf-
undinum látnum. Með hverri bók
jukust vinsældir njósnarans og þar
sem Fleming var svo forsjáll að
Fleming,
Ian Fleming
James Bond 007 Sean Connery lagði sterkar línur um það hvernig náungi
njósnari hennar hátignar, James Bond 007, er.
BÆKUR » Í HNOTSKURN» James Bond birtist heim-inum fyrst 1953 í bókinni
Casino Royale eftir Ian Flem-
ing.
» Daniel Craig er sjöundileikarinn til að túlka Bond
á hvíta tjaldinu í annarri kvik-
myndinni sem gerð hefur ver-
ið eftir fyrstu sögunni.
Eftir Freystein Jóhannsson
freysteinn@mbl.is
John Gardner Charlie HigsonIan Fleming Reymond BensonKingsley Amis
F
ólk hugar fyrr að sum-
arleyfisferðum til út-
landa en áður. Algeng-
ast er að fjölskyldufólk
fari í tveggja vikna sól-
arlandaferðir, en áður fyrr voru
þriggja vikna ferðirnar algengari.
Hins vegar fer fólk núna oftar til út-
landa en áður. Foreldrar, sem fara
með börnum sínum í tveggja vikna
sólarlandaferð á ári hverju, eru lík-
legir til að skreppa líka í borgarferð
og e.t.v. bætist líka við ferð með
vinnufélögum eða vinahópi. Sumir
láta borgarferðirnar eiga sig, en
skreppa tvisvar til sólarlanda og þá í
skemmri ferðir, til dæmis viku að
vori og viku að hausti. Kaupmáttur
hefur aukist og verðið að sama skapi
lækkað, svo þeir eru að verða vand-
fundir sem aldrei bregða sér úr
landi.
Hvers vegna þessar vangaveltur
um sumarleyfi, þegar enn er vika í
aðventu? Svarið er, að margir telja
ekki ráð nema í tíma sé tekið. Það
virðist alla vega vera viðhorf ferða-
skrifstofunnar Heimsferða, sem
dreifði í liðinni viku bæklingi, þar
sem vakin er athygli á tveimur
áfangastöðum ferðaskrifstofunnar
næsta sumar, grísku eyjunni Rho-
dos og spænsku eyjunni Mallorca.
Tómas J.Gestsson, fram-
kvæmdastjóri Heimsferða, segir að
vissulega sé ferðaskrifstofan
snemma á ferðinni. „Við fórum sömu
leið í fyrra. Núna eru Heimsferðir
hluti af skandinavískri samstæðu og
bæði Danir og Svíar huga mjög
snemma að sumarleyfisferðum.
Okkur fannst því líklegt að Íslend-
ingar tækju þessu vel.“
Sem þeir og virðast gera, alla vega
er Tómas nokkuð lukkulegur með
bókanir hingað til.
Heimferðir eru ekki eina ferða-
skrifstofan, sem farin er að huga að
sumarferðunum á næsta ári. En þær
eru ekki allar búnar að opna form-
lega fyrir slíka sölu, þótt styttist í
það.
Færist sífellt framar
Ekki er langt síðan ferðaskrif-
stofur hér á landi höfðu þann háttinn
á að kynna sumarbæklinga sína með
pompi og prakt í kringum mán-
aðamót janúar-febrúar. Þá var
gjarnan blásið til ýmissa uppákoma
á skrifstofunum og fólk hópaðist
þangað, til að tryggja sér fyrstu
ferðir á hagstæðu verði. Bækling-
arnir voru nánast eins og mynd-
arlegar bækur, þar sem allt var tínt
til og væntanlegir ferðalangar gátu
gleymt sér tímunum saman við að
spá og spekúlera. Mörgum þótti
reyndar ansi snemmt að huga að sól-
arlandaferðum í byrjun árs, en nú
þykir greinilega ekkert tiltökumál
að huga að næstu ferð nánast strax í
kjölfar síðasta ferðalags.
Skemmri fyrirvari
Laufey Jóhannsdóttir, fram-
kvæmdastjóri Plúsferða, segir
reyndar að tilhneiging ferðaskrif-
stofa til að kynna sumarferðir sínar
sífellt fyrr stangist á við breytta
hegðun viðskiptavinanna. „Vissu-
lega eru ýmsir hópar þegar farnir að
bóka ferðir hjá okkur fyrir næsta
sumar, en einstaklingar bóka núna
með skemmri fyrirvara en áður. Áð-
ur kom fólk í febrúar, þegar allir
sumarbæklingar voru tilbúnir, og þá
var ferðin fastsett og gengið frá
henni. Sex manna fjölskyldur fóru í
sínar þriggja vikna ferðir til Spánar.
Núna hefur þetta breyst svo um
munar. Fjölskyldan fer kannski eina
viku hingað og aðra þangað og svo
bætist ef til vill borgarferð við. Þar
sem fólk ferðast svo mikið er því
meira sama en áður nákvæmlega
hvert ferðinni er heitið. Það vill bara
sitt sumarfrí. Og þess vegna kemur
fjölskyldan kannski með viku fyr-
irvara að kaupa ferðina sína, eitt-
hvert í sólina.“
Fyrir þá sem vilja bóka snemma
er sá hængur á, að margir vita ekki
fyrir víst hvenær þeir geta tekið
sumarfrí, en það hindrar þá samt
ekki í að festa sér flugsæti og gist-
ingu á þeim tíma sem þá langar mest
að fara. Það er svo kannski hægt að
hnika því til þegar nær dregur, ann-
að hvort ferðinni eða úthlutuðu sum-
arleyfi. Kosturinn við að bóka
snemma er að ferðaskrifstofurnar
bjóða oft þeim fyrstu sérstakt til-
boðsverð, sem freistandi er að
stökkva á.
Tómas hjá Heimsferðum segir að
þar á bæ hafi menn litið svo á að ekki
væri eftir neinu að bíða, allt hafi ver-
ið klárt til að hefja sölu og betra að
vekja athygli á áfangastöðum í nóv-
ember, áður en fólk gleymdi sér í
jólaundirbúningi. „Mér finnst ekki
ólíklegt að innan örfárra ára gæti
allur sumarbæklingurinn borist fólki
í nóvember.“
Laufey hjá Plúsferðum, sem tekur
vissulega undir að ferðaskrifstofur
séu alltaf fyrr og fyrr á ferðinni, seg-
ir að aðilar í ferðaþjónustu um allan
heim séu samt sem áður flestir sam-
mála um að ferðamunstur fólks sé að
breytast á þann hátt, að það bóki
með skemmri fyrirvara en áður.
„Þetta er vissulega verðugt rann-
sóknarefni. Hótel úti í heimi segja að
þessi breyting hafi orðið eftir 11.
september 2001, en ég er nú ekki
sannfærð um að sú skýring eigi við
hér á landi.“
Eldra fólk er lengur úti
Þótt starfsmenn ferðaskrifstofa
séu á einu máli um að fólk ferðist oft-
ar en áður, en dvelji þá styttri tíma í
útlöndum hverju sinni, þá er einn
hópur gjarn á að fara í lengri ferðir.
Það er elsti hópurinn, fólk sem sest
er í helgan stein og vill gjarnan vera
í mildu loftslagi í 3-5 vikur og jafnvel
lengur. Þessi hópur fer til dæmis til
Kanaríeyja upp úr áramótunum. Og
þetta er líka sá hópur sem bókar
með mestum fyrirvara, enda þarf
hann ekki að bíða og sjá hvort eða
hvenær hann fær leyfi í vinnunni.
Íslendingar sækja vissulega í sól-
ina og þarf engan að undra. Í ná-
grannalöndum okkar, t.d. Dan-
mörku, er sala á sólarlandaferðum
miklu sveiflukenndari en hér. Skýr-
ingin er sú, að þegar gott sumar er í
Danmörku, þá halda Danir sig
heima, enda óþarfi að fara úr blíð-
unni þar í sambærilega blíðu annars
staðar. Hér á landi þýðir gott sumar
ekki að menn sitji heima. „Sumarið
verður aldrei svo gott hérna að jafn-
ist á við sólardaga á suðlægari slóð-
um,“ segir Tómas hjá Heimsferðum
og hittir þar að sjálfsögðu naglann á
höfuðið.
Slæm sumur hafa hins vegar sín
áhrif. Laufey hjá Plúsferðum segir
að miklar rigningar virki afar hvetj-
andi á fólk að skreppa aðeins til heit-
ari landa. „Þegar fólk sér fram á að
eyða sumarfríinu í hellirigningu í
fellihýsinu söðlar það gjarnan um og
kaupir ferð til útlanda.“
Morgunblaðið/Brynjar Gauti
Til minnis:
Kaupa sólar-
ferð og jólaljós
SUMARIÐ 2007»
» Fjölskyldan fer
kannski eina viku
hingað og aðra þangað
og svo bætist ef til vill
borgarferð við.
Eftir Ragnhildi Sverrisdóttur
rsv@mbl.is