Morgunblaðið - 19.03.2007, Síða 11

Morgunblaðið/Líney
TILKYNNT var um bruna í yfirbyggðum
trébáti við höfnina á Þórshöfn á Langa-
nesi um fimmleytið í fyrrinótt. Mikill eldur
var í bátnum og er hann mikið skemmdur,
líklega ónýtur. Vel gekk að slökkva eldinn
en slökkviliðsmenn voru um þrjá tíma að
störfum við að tryggja að slokknað væri í
öllum glæðum. Ekki er vitað um eldupptök
en rannsókn á þeim er í gangi.
Bátur á Þórshöfn
brann í höfninni
MORGUNBLAÐIÐ MÁNUDAGUR 19. MARS 2007 11
FRÉTTIR
ÞETTA er stór dagur fyrir jafn-
réttisbaráttuna – en þetta er líka
stór dagur fyrir lýðræðið,“ sagði
Ingibjörg Sólrún Gísladóttir í
ávarpi sínu á landsfundi sænskra
jafnaðarmanna um helgina. Með
þessu vísaði hún í kjör Monu Sahl-
in sem fyrstu konunnar sem leiðir
flokkinn í 118 ára sögu. Ingibjörg
var heiðursgestur sænska jafn-
aðarmannaflokksins í Svíþjóð á
landsfundi flokksins um helgina,
ásamt Helle Thorning Schmidt,
formanni danska jafnaðarflokks-
ins.
Mikilvægasta fjárfestingin
„Konur eru helmingur mann-
kyns. Samfélag sem byggist á
reynslu bæði kvenna og karla,
menningarheimi beggja og áhuga-
málum er sterkara og réttsýnna
samfélag en samfélag sem ekki
nýtir til fullnustu þann mannauð
sem býr í báðum kynjum.“
„Það er mikið rætt um stórar
fjárfestingar í opinberri umræðu
en okkur hættir til að gleyma
þeirri fjárfestingu sem mestu
skiptir, börnunum okkar … Þrátt
fyrir stórvirkar tækniframfarir
sem eiga að auðvelda líf okkar, þá
er hraðinn og streitan meiri en
nokkru sinni fyrr. Sífellt meiri
kröfur eru lagðar á fólk og fjöl-
skyldur á vinnumarkaði en þau
sem líða mest fyrir þetta streitu-
ástand eru börnin okkar, þau sem
síst skyldi.“
Ingibjörg sagði að mörgum
börnum finnist þau sniðgengin,
vanrækt og meðhöndluð á órétt-
látan hátt. Þessi börn alist upp við
erfið félagsleg skilyrði, s.s. fátækt
eða finni til einangrunar. „Þau
telja sig ekki hafa sömu möguleika
og aðrir í samfélaginu.“ Vonleysi
þeirra og gremja geti hæglega leitt
af sér skaðlega hegðun. „Við verð-
um að hafa í huga að ef við nýtum
ekki þann auð sem býr í börnunum
okkar þá sitjum við uppi með hálf-
karað samfélag … Í þessu efni
mun hlutur og lífssýn okkar jafn-
aðarmanna skipta meira máli en
nokkru sinni fyrr.“
„Stór dagur fyrir lýðræðið“
Ingibjörg á lands-
fundi sænskra
jafnaðarmanna
Formenn jafnaðarflokka Helle Thorning Schmidt og Mona Sahlin
fagna Ingibjörgu Sólrúnu Gísladóttur að loknu ávarpi hennar.
KRAKKARNIR í sunddeild UMFG í Grindavík tóku
þátt í sérstæðri fjáröflun fyrir sunddeildina þegar
þau mættu í kulda og roki ásamt foreldrum sínum
upp í kísilnámuna þar sem gamla Bláa lónið var í
eina tíð og mokuðu um 80 tonnum af kísil í kör sem
hífð voru í burtu.
Kísillinn verður notaður í nýja lónið en þarna þar
sem kísillinn safnaðist í eina tíð í þykkar breiður er
hver að verða síðastur að bjarga einhverju af honum
þar sem nýtt orkuver er í byggingu á svæðinu þar
sem Bláa lónið myndaðist í upphafi.
Magnúsi Má Jakobssyni, þjálfara, hefur tekist að
byggja upp sunddeild innan UMFG sem gengur
kraftaverki næst í öllum fót- og körfuboltanum.
Morgunblaðið/Kristinn Benediktsson
Söfnuðu áttatíu tonnum af kísil
MEÐAL þeirra frumvarpa sem
urðu að lögum á síðustu dögum
þingsins, var frumvarp um
breytingu á samkeppnislögum.
Þetta gerist um svipað leyti og
Hæstiréttur vísaði frá máli um
meint refsiverð brot forstjóra ol-
íufélaganna á samkeppnislögum,
fyrst og fremst vegna ófullkom-
leika laganna.
Frumvarpið var byggt á vinnu
nefndar sem forsætisráðherra
skipaði í október 2004. Nefndin
fjallaði um viðurlög við efnahags-
brotum og skilaði af sér í októ-
ber 2006 bæði skýrslu og tveim-
ur frumvarpsdrögum. Meðal
helstu breytinga sem þessi ný-
samþykktu lög fela í sér, er að
refsiábyrgð einstaklinga vegna
brota gegn samkeppnislögum er
afmörkuð nánar. Þá er gert
óheimilt að nota upplýsingar,
sem fyrirsvarsmaður fyrirtækis
hefur veitt Samkeppniseftirlit-
inu, sem sönnunargagn í máli
gegn honum um brot á sam-
keppnislögunum.
Breyting á
samkeppn-
islögum
Refsiábyrgð ein-
staklinga afmörkuð
Yfirlýsing frá Agnesi Bragadóttur:
„Það á ekki að koma gamal-
reyndum blaðamanni eins og mér á
óvart að vera vænd um ósannindi,
slúður, gróusögur eða eitthvað
þaðan af verra. Það var því fátt
sem skók hugarró mína í gær-
morgun, þegar ég las yfirlýsingu
Ingibjargar Sólrúnar Gísladóttur
um fréttaskýringu eftir mig, sem
birtist á forsíðu Morgunblaðsins í
fyrradag undir fyrirsögninni „Ein-
leikur með fölskum hljómi“ og und-
irfyrirsögninni „Geir og Jón sáu
við Barbabrellum Össurar“.
Ingibjörg Sólrún Gísladóttir,
formaður Samfylkingarinnar, fer
með ósannindi í yfirlýsingu sinni
og það þykir mér, hennar vegna,
miður. Hún segir að því sé haldið
fram í forsíðufréttaskýringu minni
að Össur Skarphéðinsson hafi efnt
til blaðamannafundar stjórnarand-
stöðuflokkanna um stjórnarskrár-
málið í óþökk flestra samfylking-
armanna. Þetta er rangt. Það er
hvergi minnst einu orði á blaða-
mannafund stjórnarandstöðunnar
í fréttaskýringunni, enda var mér
fullkunnugt um að Össur hafði fullt
umboð til þess að efna til þess
fundar í samvinnu við þá Steingrím
J. Sigfússon og Guðjón A. Krist-
jánsson, í fjarveru Ingibjargar Sól-
rúnar, sem var á sólarströndum
Kanarí, þegar umræddur fundur
átti sér stað. Ég minntist ekkert á
fundinn í þessari stuttu skýru, ein-
faldlega vegna þess að hann skipti
engu máli, heldur það sem gerðist
á bak við tjöldin og hver voru meg-
inmarkmið Össurar – markmið
sem hann hefur ekki staðfest op-
inberlega að hann hefði í huga, fyrr
en í Silfri Egils í gær.
Skýringin á fyrirsögninni felst í
því, að ég fékk staðfestar upplýs-
ingar úr flokki þeirra svilsystkina
Ingibjargar Sólrúnar og Össurar,
um að formaðurinn kynni fyrrver-
andi formanni litlar þakkir fyrir
það hvernig hann spilaði úr því um-
boði sem hann hafði; hann lék ein-
leik, bæði á blaðamannafundinum,
á Alþingi, í sérnefndinni og í ótelj-
andi fjölmiðlaviðtölum, vegna þess
að hann hafði sitt „prívat agenda“
að laða Framsókn til fylgis við
orðalag um auðlindaákvæðið, sem
allir flokkar nema Sjálfstæðis-
flokkurinn gætu sæst á. Hefði
Framsókn látið táldragast, en vit-
að er að ákveðnir þingmenn Fram-
sóknar höfðu sterka tilhneigingu
til að láta fallerast af gylliboðum
stjórnarandstöðu, hefði það ekki
þýtt neitt annað en stjórnarslit.
Þess vegna er orðalagið í fyrir-
sögninni „Einleikur með fölskum
hljómi“ valið.
Ingibjörg Sólrún veit mætavel,
að ég á mér trausta og áreiðanlega
heimildamenn innan Samfylking-
arinnar, bæði úr hennar ranni og
Össurar. Ég fer ekki með slúður.
Mér finnst nauðsynlegt þegar for-
maður í stjórnmálaflokki kemur
fram og þykist bera hag lesenda
Morgunblaðsins fyrir brjósti, með
því að ráðast á mig og Morgunblað-
ið, að svara fyrir mig og Morgun-
blaðið.
Staðreynd málsins er sú að
stjórnmálaforingjar, hvað sem þeir
heita, hafa ekki endilega í huga að
upplýsa lesendur Morgunblaðsins
um hið sanna í hverju máli, miklu
fremur vilja þeir koma á framfæri
„upplýsingum“, „áróðri“, „plöntun
frétta“, allt eftir því sem þeim
hentar hverju sinni, í voninni að ná
til sem flestra atkvæða. Hlutverk
okkar á ritstjórn Morgunblaðsins
er að vera á verði gagnvart slíkri
plöntun, vera fær um að vinsa úr,
hafa þannig tengslanet, að á það sé
að treysta, og geta þannig komið
því til lesenda Morgunblaðsins,
sem skiptir máli, varpar ljósi á það
sem í raun gerðist og komast yfir
höfuð framhjá þeim sýndarleik
sem svo margir stjórnmálamenn
reyna að setja á svið til þess að villa
um fyrir kjósendum.
Ingibjörg Sólrún. Hvers vegna
ræddir þú ekkert um efnislegt
innihald í málflutningi svila þíns í
auðlindamálinu, heldur hélst þig
við umboð til fundarboðs, sem aldr-
ei var umfjöllunarefni í skýrunni
minni? Var það hugsanlega vegna
þess að þú kannt svila þínum litlar
þakkir fyrir það hvernig hann
klúðraði málum?“
Agnes Bragadóttir
Orðaskýringar við fréttaskýringu
AÐFARANÓTT laugardags réðist maður
á unga konu á kvennasalerni í kjallara
Hótels Sögu og nauðgaði henni. Átti at-
burðurinn sér stað á fyrsta tímanum um
nóttina og náði konan að gera starfsfólki
hótelsins viðvart. Reyndi það að koma í
veg fyrir að maðurinn kæmist undan en án
árangurs. Hljóp hann á brott ásamt öðrum
manni og hvarf sjónum í átt að Birkimel.
Lögreglan lýsir eftir vitnum en hinn grun-
aði er á aldrinum 20 til 30 ára, um 165 cm
á hæð, krúnurakaður með dökkan hárs-
vörð, dökkar augabrýr og dökk augu.
Hann var klæddur í grænleitan jakka og
bar grænleita derhúfu. Talið er að mað-
urinn sé frá Austur-Evrópu.
Lögreglan vann að rannsóknina um
helgina og gaf vitni sig fram sem verið
hafði á salerninu á undan konunni. Einnig
hefur lögregla náð að skoða myndband úr
eftirlitskerfi hótelsins.
Konu nauðgað á
salerni hótels
STÚLKA sem lenti í bílslysi í Þrengslum á
laugardag liggur enn þungt haldin á gjör-
gæslu Landspítalans og er haldið sofandi í
öndunarvél. Líðan hennar er þó stöðug að
sögn vakthafandi yfirlæknis.
Stúlkan slasaðist þegar bíll hennar lenti
framan á jeppa. Langan tíma tók að ná
henni úr bílnum og voru á þriðja tug
björgunar- og heilbrigðisstarfsmanna
kallaðir til. Hún var flutt með þyrlu á
Landspítalann.
Haldið sofandi
í öndunarvél
STÆRSTA jarðýta sem nokkru sinni hef-
ur verið flutt til landsins, af gerðinni Cat-
erpillar D11R og vegur samtals 117 tonn,
var flutt í lögreglufylgd sl. föstudagskvöld
frá vélasviði Heklu við Klettagarða að
Vatnsskarðsnámum við Krísuvík þar sem
hún verður notuð við efnisvinnslu.
Til að koma þessu tröllvaxna atvinnu-
tæki á áfangastað var notaður stærsti
tengivagn sem til er hérlendis og öflugasti
dráttarbíll landsins, af gerðinni Scania
R580 Heavy Haulage með 250 tonna drátt-
argetu, báðir í eigu ET flutninga. Heild-
arlengd ækisins, þ.e. dráttarbílsins og
vagnsins með jarðýtunni á, var um 30
metrar og þunginn samtals tæp 160 tonn
og deildist hann niður á 13 hásingar. Ýtu-
tönnin, sem vegur tæp 19 tonn, var flutt í
annarri ferð ásamt veltiboga ýtunnar, því
annars hefði jarðýtan rekist upp undir
brýr á leiðinni.Tók flutningurinn um 1½
klukkustund og gekk áfallalaust fyrir sig.
Stærsta jarðýta
landsins afhent