Morgunblaðið - 09.06.2007, Side 2

2 LAUGARDAGUR 9. JÚNÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
  




 

!"#$!%
&

''
 & ( 
)##*+ +, -+,.
/0
"'( ( ((
1
!"2%+"3%% Eftir Önund Pál Ragnarsson
onundur@mbl.is
BÆJARRÁÐ Kópavogs samþykkti
á fimmtudag tvær tillögur varðandi
skemmtistaðinn Goldfinger, sem
starfræktur er þar í bæ. Ráðið óskar
í fyrsta lagi eftir því við lögreglu-
stjóra höfuðborgarsvæðisins að
kannað verði hvort lögreglusam-
þykkt Kópavogs sé framfylgt á
skemmtistaðnum. Þar er átt við
hvort einkadans fari fram í lokuðu
rými. Í annan stað skorar ráðið á fé-
lagsmálaráðuneytið að rannsaka
hvort lög um atvinnuréttindi og
ferðafrelsi hafi verið brotin í
tengslum við rekstur Goldfingers.
Guðríður Arnardóttir er oddviti
Samfylkingarinnar í Kópavogi en
tillögurnar komu fram að frum-
kvæði Samfylkingar og Vinstri-
hreyfingarinnar – græns framboðs.
Hún segir tilefnið vera ummæli eig-
anda Goldfingers, Ásgeirs Þórs
Davíðssonar, á Stöð 2 í síðustu viku
þar sem hann sagðist banna dans-
meyjum að ráðstafa tíma sínum að
eigin vild í átta klukkustundir eftir
vinnu. „Það er hann sjálfur sem seg-
ir þetta svo þannig hlýtur það þá að
vera. Þetta hlýtur að vera klárt brot
á lögum og reglum og ég persónu-
lega myndi ekki kalla þetta neitt
annað en mannréttindabrot, þegar
það er verið að skerða ferðafrelsi
fólks,“ segir Guðríður.
„Það var álit vinstriflokkanna að
þarna væri vinnuvernd brotin og
þess vegna var þessu vísað til ráðu-
neytisins,“ segir Gunnar I. Birgis-
son bæjarstjóri um málið. Hann
ítrekar að full samstaða hafi verið
um tillögurnar í bæjarráði og segir
að stórar fullyrðingar hafi verið
hafðar uppi um þennan rekstur.
Best sé að hreinsa bæði staðinn og
eftirlitsaðilana af málinu. „Ég held
að menn hafi svona frekar verið að
slá sér upp pólitískt á þessu máli,
það hafi nú helst verið það.“
Ásgeir Þór vill ekki túlka sam-
þykktina þannig að stjórnvöld séu
sér andsnúin, hann skilji vel að gæta
þurfi að því að hvergi sé réttur brot-
inn á fólki. Hann segir að snúið hafi
verið út úr orðum sínum um ferða-
frelsi stúlknanna.
„Ég má alveg óska eftir því að
stúlka sem er að vinna hjá mér komi
úthvíld í vinnuna, alveg eins og sjálf-
sagt er í hvaða vinnu sem er. Hvort
sem það er bílstjóri eða flugmaður,
hann má ekki vera hálfsofandi fram
á stýrið. Þeim er ekkert haldið inni á
staðnum í átta tíma eftir vinnu. Þær
eru bara keyrðar heim til sín,“ segir
Ásgeir. Hann telur það nauðsynlegt
fyrir nektardansstað eins og þennan
að hafa slíka stefnu því það auðveldi
dönsurum að neita ágengum kúnn-
um um kynlífsþjónustu. „Þær vísa
þá bara í stefnu staðarins,“ segir
hann.
Bæjarráð Kópavogs krefst
aðgerða vegna Goldfingers
Í HNOTSKURN
»Í 28. grein lögreglu-samþykktar Kópavogs
segir:
„Við sýningar á nektardansi í
næturklúbbum er þeim sem
dansar bannað að vera í lok-
uðu rými með viðskiptamanni
meðan á sýningu stendur sem
og að fara um meðal áhorf-
enda.“
»Minnihluti Samfylkingarog Vinstri grænna í bæj-
arstjórn Kópavogs átti frum-
kvæði að samþykktinni.
FLUTNINGASKIPIÐ, sem fyrirtækið Dregg á
Akureyri festi kaup á nýverið, lagði að bryggju í
höfuðstað Norðurlands í fyrsta skipti í gærmorg-
un. Því hefur verið gefið nafnið Axel og síðdegis
blessaði séra Arnaldur Bárðarson skipið að við-
stöddu nokkru fjölmenni. Skipið, sem áður hét
Greenland Saga, er 3.200 brúttótonn og var keypt
af dönsku fyrirtæki. Það verður í siglingum á
milli Íslands og hafna í Danmörku og Lettlandi. Ax-
el heldur í fyrstu ferðina frá Akureyri strax í dag.
Skipstjóri Axels er Eisti, Pyotr Priladyshev, og
áhöfnin reyndar öll eistnesk.
Axel fer í fyrstu ferðina frá Akureyri í dag
Gott útsýni Bjarni Sigurðsson, framkvæmda-
stjóri Dregg Shipping, og Ari Jónsson, eigandi
fyrirtækisins. Þarna sést fram eftir dekkinu.
Morgunblaðið/Skapti Hallgrímsson
Blessunarorð Séra Arnaldur Bárðarson, prestur í Glerárkirkju, blessaði flutningaskipið Axel við há-
tíðlega athöfn. Eitthvað annað en orð prestsins fangaði athygli þessara ungu sveina stutta stund.
Blessað að viðstöddu fjölmenni
SLÁTTUR er hafinn á tveimur bæj-
um í Eyjafjarðarsveit og einum
undir Eyjafjöllum. Það var Hörður
Snorrason í Hvammi sem var fyrst-
ur fyrir norðan. Þá eru menn byrj-
aðir á Ásólfsskála undir Eyjafjöll-
um. Líklegt er að sláttur hefjist
víðar um eða eftir helgi. Í fyrra
hófst sláttur 13. júní, einnig undir
Eyjafjöllum en 4. júní í hittifyrra.
Sláttur er því með fyrra fallinu í ár.
Heyskapur er
kominn af stað
Ljósmynd/Benjamín
Sláttur Sláttumúgum snúið í
Hvammi í Eyjafjarðarsveit
DÓMUR Hæstaréttar í máli Sigurð-
ar Helgasonar fyrrum forstjóra
Flugleiða gegn FL-Group hf., hefur
tæpast áhrif á réttarstöðu margra,
þar sem eftirlaunasamningar æðstu
stjórnenda fyrirtækja eru ætíð ein-
staklingsbundnir og ekki hægt að
tala um fastmótaða venju í þeim efn-
um. Þetta er álit þeirra lögfræðinga
sem Morgunblaðið talaði við um
dóminn, en þeir telja hin almennu
áhrif hans þau að Hæstiréttur sló því
föstu að tekjur sem stafi af kauprétt-
arsamningi séu hluti af starfs- og
launatengdum greiðslum, þær teljist
með öðrum orðum til launa.
Samkvæmt eftirlaunasamningi
Sigurðar við Flugleiðir frá árinu
1977 reiknast eftirlaunagreiðslur til
hans með tilliti til útreiknaðra launa
þeirra átta starfsmanna FL-Group
sem hæst laun hafa. Upphæð eftir-
launa Sigurðar miðast með öðrum
orðum við laun þessara starfsmanna
og hækkar ef tekjur þeirra af kaup-
réttarsamningum teljast til launa.
Skúli Eggert Þórðarson, ríkis-
skattstjóri, segir að dómurinn breyti
engu að því er sitt embætti varði;
tekjur af kaupréttarsamningum hafi
ætíð verið meðhöndlaðar samkvæmt
tekjuskattslögum og dómurinn sé í
samræmi við þá framkvæmd.
Hefur tæp-
ast áhrif
SEXTÍU og fimm íslenskar konur,
sem fengu silíkonfyllingar frá
bandaríska fyrirtækinu Dow Corn-
ing Corporation í brjóst sín, hafa
lagt fram kröfu um skaðabætur á
hendur því, en Dow Corning fram-
leiðir meðal annars silíkongel í púða
sem notaðir eru í brjóstaaðgerðum.
Fundur verður haldinn með kröfu-
höfum nk. þriðjudag í Reykjavík.
Saga þessa máls er orðin nokkuð
gömul, en allar fengu íslensku kon-
urnar fyllingarnar á árinu 1992 eða
fyrr.
Dow Corning lýsti yfir gjaldþroti
árið 1995, hætti öllum viðskiptum
með silíkonfyllingar og stofnaði sjóð
til að greiða bætur til kvenna.
Alríkisdómari í Michigan-ríki í
Bandaríkjunum kvað upp þann úr-
skurð árið 1999 að staðfesta bæri
samkomulag um 324 milljarða króna
skaðabótagreiðslu Dow Corning til
hátt á annað hundrað þúsund
kvenna víðsvegar í heiminum vegna
veikinda í kjölfar silíkonbrjóstaað-
gerða þar sem notað var silíkon frá
fyrirtækinu, en málsóknir byrjuðu
árið 1994.
Kemur fram á heimasíðu Tort-
kröfuhafanefndarinnar, sem sér um
mál evrópskra kvenna, að samtals
54.420 kröfur hafi verið lagðar fram
en 9.126 konur fengið bætur.
Sjóður Dow hefur síðan árið 2004
greitt út samtals 833.759.401,60 doll-
ara í bætur til kvennanna.
Munu líklegast verða
leyfðar aftur á þessu ári
Jens Kjartansson, yfirlæknir á
Landspítala – háskólasjúkrahúsi,
sagði í samtali við Morgunblaðið að
silíkonið frá Dow Corning hefði ver-
ið bannað í Bandaríkjunum frá 1992
en notkun þess leyfð þegar lýtaað-
gerðir voru gerðar eftir slys,
krabbamein og þess háttar. Silíkonið
hefur aldrei verið bannað í Evrópu
en Jens segir að það muni líklegast
verða leyft aftur í Bandaríkjunum á
þessu ári eða næsta. Hann segir að á
þeim tíma sem konur byrjuðu að
kæra fyrirtækið hafi varla verið til
neinar rannsóknir á því hvort silíkon
gæti valdið sjúkdómum og dæmt
hafi verið konunum í vil vegna þess
að ekki hafi verið hægt að afsanna
kröfur þeirra með rannsóknum enda
voru þær ekki fyrir hendi.
Jens segir að í dag sé silíkonfyll-
ingin ekki vökvi lengur heldur sé
hún seig og því séu litlar líkur á að
silíkonið leki út í líkamann. Einnig
myndist örvefur utan um púðann, en
hann myndast utan um alla aðskota-
hluti í líkamanum, og segir hann að
örvefurinn sé eins og annar púði og
hverfandi líkur séu á því að silíkonið
leki þar í gegn þó að rof komi í fyll-
ingu.
Jens segir að hér á landi hafi verið
gerðar um 200 silíkon-aðgerðir á
brjóstum kvenna en það sé svipað og
í öðrum löndum.
Íslenskar konur vilja bætur
vegna silíkonfyllinga