Morgunblaðið - 15.08.2007, Síða 14

14 MIÐVIKUDAGUR 15. ÁGÚST 2007 MORGUNBLAÐIÐ
ERLENT
Eftir Arndísi Þórarinsdóttur
arndis@mbl.is
UTANRÍKISRÁÐHERRA Tyrk-
lands, Abdullah Gul, tilkynnti í gær
að hann hygðist bjóða sig fram í
forsetakosningunum í Tyrklandi.
Tyrkneska þingið mun kjósa í
fyrstu umferð kosninganna næst-
komandi mánudag.
Framboð Gul hefur vakið mörg-
um ugg, því hann er mjög íhalds-
samur múslími og hefur það m.a.
orðið tilefni til gagnrýni í fjölmiðl-
um að kona hans hylur iðulega hár
sitt með slæðu við opinber tækifæri,
en í Tyrklandi er bannað að bera
slæður í opinberum byggingum.
Flokkur Guls, stjórnarflokkurinn
AKP, á rætur að rekja til íslamista
og telja margir að ef flokkurinn sitji
í ríkisstjórn og hafi að auki einn af
sínum mönnum á forsetastóli muni
mörkin á milli mosku og ríkis verða
óljósari. Stjórnarandstöðuflokkarn-
ir sem og herinn hafa af þessu
þungar áhyggjur.
Önnur atlaga Gul að stólnum
Þetta er ekki í fyrsta sinn sem
Gul býður sig fram til forseta. Í
apríl í fyrra var hann útnefndur
fulltrúi AKP og varð um það mikill
styr. Herinn hótaði að grípa til að-
gerða, meira en milljón manns safn-
aðist saman á mótmælafundi og að
lokum ákváðu stjórnarandstöðu-
flokkarnir að sniðganga kosn-
inguna, þannig að ekki fékkst næg
þátttaka til þess að úrslitin teldust
gild. Í maí dró Gul framboð sitt til
baka.
Á blaðamannafundi í gær sagði
Gul að enginn þyrfti að óttast að
trúarskoðanir hans myndu birtast í
óæskilegum áhrifum á stjórn lands-
ins, það yrði raunar meðal hans
helstu markmiða að standa vörð um
veraldarhyggju. Meðal annarra
verkefna sem hann sagðist hafa
áhuga á að sinna nefndi hann um-
sókn Tyrklands um aðild að Evr-
ópusambandinu. Hann ítrekaði að
tími hans á forsetastóli yrði tileink-
aður öllum Tyrkjum.
Hlutverk forseta Tyrklands er að
mestu leyti táknrænt, en þó getur
það skipt sköpum, því forsetinn hef-
ur neitunarvald gagnvart lagafrum-
vörpum og skipar í mikilvægar
stöður, s.s. stöður dómara og sendi-
herra.
„Verði Gul kosinn mun stjórn-
málalegt jafnvægi í Tyrklandi
breytast … Tyrkland mun um-
breytast í land með yfirþyrmandi
trúarlegar áherslur og mið-austur-
lenska sjálfsmynd,“ sagði Deniz
Baykal formaður stærsta stjórnar-
andstöðuflokksins í gær.
Uggur í mörgum Tyrkjum
vegna forsetaframboðs
AP
Sigurviss Gul kemur til höfuðstöðva þjóðernissinnaða flokksins MHP í
gær. Flokksforustumenn stjórnarandstöðuflokkanna lofuðu honum að þeir
myndu ekki sniðganga kosningarnar eins og þeir gerðu í vor.
Hinn umdeildi Abdullah Gul sækist eftir forsetaembætti – aftur
Í HNOTSKURN
»Abdullah Gul hefur setið áþingi frá 1991, hefur verið
utanríkisráðherra síðan 2003 og
hefur m.a. farið fyrir Tyrkjum í
viðræðum um aðild að Evrópu-
sambandinu.
»Flokkur Gul vann frækileg-an sigur í þingkosningum í
júlí.
»Talið er nánast öruggt aðGul vinni kosningarnar.
Hann þarf aukinn meirihluta í
fyrstu tveimur umferðum kosn-
inganna en hreinan meirihluta í
þriðju umferðinni.
»Gul hefur ásamt flokks-bróður sínum, forsætisráð-
herranum Recep Tayyip Erdog-
an, freistað þess að bæta
samskipti við önnur múslíma-
lönd.
BENJAMIN Net-
anyahu, fyrrver-
andi forsætisráð-
herra Ísraels,
var kjörinn leið-
togi Likud-
flokksins í gær,
samkvæmt
fyrstu tölum í
gærkvöldi.
Netanyahu
fékk 75% at-
kvæðanna og Moshe Feiglin, hægri-
öfgamaður úr röðum landtöku-
manna, fékk 20%.
Skoðanakannanir benda til þess
að Netanyahu njóti mests fylgis í
baráttunni um embætti forsætis-
ráðherra. Hann hefur sótt inn á
miðjuna en fréttaskýrendur sögðu
fyrir kosningarnar að fengi Feiglin
um 30% fylgi myndi það fæla kjós-
endur á miðjunni frá flokknum.
Netanyahu
kosinn leiðtogi
Benjamin
Netanyahu
SEXTÍU ár eru í dag liðin frá því að Indland öðlaðist
sjálfstæði frá Bretum, en í gær fögnuðu Pakistanar
sambærilegum áfanga.
Myndin að ofan er frá Chennai í Indlandi og sýnir
listaverk sem sýnir margar þekktustu sjálfstæðishetjur
Indverja. Mikill öryggisviðbúnaður var í landinu í gær,
því al-Qaida samtökin og hópar aðskilnaðarsinna höfðu
sent yfirvöldum hótanir í tilefni dagsins.
Reuters
Indverjar fagna sextíu ára sjálfstæði
EFTIRLÍKINGU af víkingaskipi frá elleftu öld
var siglt til hafnar í Dyflinni í gær eftir 44 daga
siglingu frá Hróarskeldu í Danmörku. Allt að
100.000 manns voru við höfnina til að fylgjast með
komu skipsins, þeirra á meðal borgarstjóri Dyfl-
innar, Paddy Bourke, og menningarráðherra
Danmerkur, Brian Mikkelsen.
Skipið er stærsta langskip heims, nær 30 metra
langt og 3,8 metra breitt. Því var siglt frá Hróars-
keldu 1. júlí, um Norðursjó, til norðurhluta Skot-
lands og meðfram vesturströnd Skotlands til Ír-
lands. Alls var leiðin um 900 sjómílur, eða 1.700
kílómetrar.
Í áhöfn skipsins voru 65 manns frá mörgum
löndum, 45 karlmenn og 20 konur á aldrinum 16
til 64 ára. Hraði skipsins var mestur um 10 hnút-
ar, eða tíu sjómílur (1.852 m) á klukkustund. Þótt
skipið væri ekki með neina vél notaði áhöfnin
ratsjá, gervihnattadisk og siglingatæki ólíkt vík-
ingunum. Bátur fylgdi skipinu til að aðstoða það í
neyðartilvikum.
Einn skipverjanna, Henrik Kastoft, sagði í
bloggi sínu á Netinu að báturinn hefði þurft að
hafa langskipið í togi hluta leiðarinnar um Norð-
ursjó vegna óhagstæðs veðurs og logns.
Langskipið er eftirlíking skips sem var smíðað í
grennd við Dyflinni árið 1042. Því var siglt til Hró-
arskeldu rúmum tveimur áratugum síðar og sökkt
í Hróarskeldufirði.
Frá föstudeginum kemur verður skipið til sýnis
á vegum þjóðminjasafns Írlands þangað til skip-
inu verður siglt aftur til Danmerkur næsta sumar.
Stærsta langskipinu siglt til Dyflinnar
Reuters
Sigling Langskipið á leið til hafnar í Dyflinni.
Chicago. AP. | Fjölmiðlakóngurinn
Conrad Black var fyrr í sumar sak-
felldur fyrir fjársvik, en hann, ásamt
nokkrum sam-
starfsmönnum
sínum, var talinn
hafa komið hönd-
um yfir fé, sem
tilheyrði fyrir-
tæki hans, með
vafasömum við-
skiptagjörning-
um. Black bíður
enn dóms.
Nú hafa saksóknarar lagt fram
frekari gögn í málinu þar sem fram
kemur að fyrirtækið hafi tapað 32
milljónum dala í vasa Black og er
lagt til að hann skuli, ásamt tveimur
stjórnendum í Hollinghurst-sam-
steypunni, endurgreiða tæpar 17
milljónir dala. Að auki kunna þeir að
vera dæmdir til sektargreiðslna.
Ber að end-
urgreiða fé
Conrad Black
DÝRAGARÐURINN í Kaíró á við
húsnæðisvandamál að stríða í kjöl-
far þess að tollverðir standa nú í
auknum mæli ferðamenn að dýra-
smygli. Mörg hundruð krókódíls-
ungar hafa verið gerð upptækir og
búa nú þröngt í dýragarðinum og
líst starfsmönnum ekki á blikuna,
því viðbúið er að ungviðið vaxi.
Ragy Toma, talsmaður egypskra
stjórnvalda, sagðist telja að krókó-
dílarnir hefðu átt að hafna í tjörn-
um prinsa við Persaflóann, en við-
skipti með Nílarkrókódíla munu
vera mjög blómleg þar um slóðir.
Kvikur smygl-
varningur
TEXASBÚI nokkur hefur ákært
blómasala fyrir að hafa eyðilegt
hjónaband sitt og krefst milljón dala
í bætur.
Málinu var þannig háttað að mað-
urinn sendi hjákonu sinni í mesta
sakleysi rósavönd, en reiknaði ekki
með því að blómasalinn myndi senda
honum auglýsingu heim til hans þar
sem honum voru þökkuð viðskiptin
sem voru fyrir rúmar sex þúsund
krónur.
Eiginkonan hringdi í blómasalann
og spurði hverju þetta sætti. Hún
fékk upp gefið heimilisfangið sem
blómin voru send á og fyrir hana
voru lesin skilaboðin sem stóðu á
kortinu: „Ég vildi bara segja þér að
ég elska þig og þú ert mér allt.“ Eig-
inkona hefur farið fram á skilnað.
Blómasalinn neitar ábyrgð.
Í leit að
blóraböggli
♦♦♦
Í LOS Angeles hefur maður, sem
var að sniglast í kringum barna-
heimili, vopnaður myndavél, verið
handtekinn. Maðurinn hefur haldið
úti opinskárri bloggsíðu sem ný-
lega var lokað þar sem hann fjallaði
um hneigðir sínar til ungra barna.
Hann birti þar myndir sem hann
hefur tekið af börnum á opinberum
stöðum. Hann heldur því fram að
hann myndi aldrei snerta börn og
að vefsíðan sé meðferðarúrræði.
Dómari hafði skipað honum að
halda sig alltaf í a.m.k. 9 metra
fjarlægð frá börnum.
Refsað fyrir
hugsanaglæpi
ALRÍKISDÓMARI í Bandaríkjunum
hefur skikkað fimm fjölmiðlamenn
til þess að gefa upp nöfn heimildar-
manna sinna, sem gáfu þeim upplýs-
ingar um vísindamann sem lá undir
grun lögreglu vegna miltisbrands-
árásanna árið 2001. Blaðamennirnir
unnu hjá Washington Post, USA
Today og CBS-fréttastofunni. Vís-
indamaðurinn, Steven J. Hatfill, var
ákærandinn í málinu og hafði farið
fram á að enn fleiri blaðmenn yrðu
skyldaðir til að leysa frá skjóðunni.
Skulu svíkja
heimildarmenn