Morgunblaðið - 29.09.2007, Page 22

|laugardagur|29. 9. 2007| mbl.is
daglegtlíf
Elín Guðrún Jóhannsdóttir hef-
ur komið sér vel fyrir í húsi sem
hún keypti tilbúið undir tréverk
og kom sjálf í stand. »26
innlit
A
lskegg er allsráðandi en
yfirvaraskeggið heldur
áfram að vera akkeri
andlitsins,“ segir Villi
brosandi á meðan hann
snyrtir sítt og mikið skegg við-
skiptavinar. „Yfirvaraskeggið stend-
ur alltaf fyrir sínu, hvort sem það er
eitt og sér eða hluti af alskegginu. Sá
stíll sem við köllum stundum „dough-
nut“ eða geithafursskegg er alveg úti
í kuldanum og sömu sögu er að segja
um hökutoppa og allt partaskegg. Nú
er meira um hið hefðbundna skegg
eða svokallað herramannaskegg.
Málið er að vera með flott skegg eða
hreinlega ekkert skegg – það er eng-
inn millivegur í dag. Bartarnir eru að
byrja að detta út og eru ekki eins vin-
sælir og þeir voru áður. Ef menn vilja
hins vegar endilega halda börtunum
þá eiga þeir að vera þykkir og ekki of
vel snyrtir.
Það hljómar kannski hálffurðulega
en illa hirt skegg er tískan núna.
Þú kemst að vísu upp með að vera
eingöngu með yfirvaraskegg en það
má ekki vera of vel snyrt og skorið og
það verður að vera svolítið mikið í því
– annars áttu á hættu að líta út eins
og Gillette-maðurinn! Það gæti hugs-
anlega verið töff eftir ár eða svo en
akkúrat núna er „scruffy“ útlitið aðal-
málið. Ég hef enn ekki fundið nægi-
lega gott íslenskt orð sem lýsir þessu
útliti eins vel og fyrrnefnt enskt orð.
Við erum að tala um „ég -er-blankur-
tónlistarmaður“ ímyndina.
Metrómaðurinn með silkimjúku
vangana er algjörlega úti.“
– Þarf að hafa mikið fyrir því að
safna skeggi og snyrta það?
„Nei, í rauninni er það lítið mál,
það þarf bara að leyfa því að vaxa.
Það þykir ekki lengur flott að vera
ofursnyrtilegur „metrómaður“ eins
og t.d. David Beckham heldur miklu
heldur andstæða hans; svolítið villt
skegg og karlmennska.“
Tarfurinn með heykvíslina
Ungi maðurinn sem situr í stólnum
hjá Villa og er að láta snyrta skegg
sitt heitir Smári Jósepsson en geng-
ur undir nafninu Tarfurinn. Hann er
sagður státa af einhverju þekktasta
skeggi landsins og mætir mánaðar-
lega til þess að láta snyrta það, örlít-
ið. Hann vinnur hjá útvarpsstöðinni
Reykjavík FM en það kemur ekki á
óvart að það mun vera rokkstöð. Það
er engu líkara en einn meðlimur
hljómsveitarinnar ZZ Top sitji þarna
í góðum gír inni á Rauðhettu. Eða
hryðjuverkamaður í yfirhalningu.
– En af hverju skyldi síða skeggið
hans kvíslast í tvennt eftir miðju?
„Ég er með það sem kallast tjúgu-
skegg sem er nefnt svo eftir sérstakri
heykvísl. Maður sér fljótlega eftir að
skeggið tekur að vaxa hvort það
kvíslast svona.“
– Hvað finnst stelpunum um svona
skegg?
„Það er nú það skemmtilega við
þetta að þær neyðast til að falla fyrir
persónuleikanum. Allavega er það
ekki útlitið,“ segir Tarfurinn hugs-
andi og strýkur yfir skegg sitt. „Mað-
ur er nú yfirleitt hvattur af þeim til
að raka sig.“ Nú lifnar yfir honum og
hann segir kankvíslega: „En þetta
útlit á líka sinn markhóp … það er
nokkuð stór hópur af stelpum sem
finnst skegg fallegt. Kannski tengja
þær svona skegg við leður og svipur,
hver veit?“
Flottustu skeggin?
Villi segir að vanmetnasta yfir-
varaskegg allra tíma hafi verið það
sem Michael Jordan körfuboltakappi
skartaði:
„Svo var Freddy Mercury vit-
anlega með eitt flottasta yfirvara-
skegg allra tíma. Af ungum og upp-
rennandi, skeggjuðum mönnum sem
eru að slá í gegn núna má t.d. nefna
nýsjálenska trúbadorinn Brett Mic-
hels en hann er alltaf mjög „,scruffy“.
Stefán Önundarson á auglýsingastof-
unni Vatikaninu er líka alltaf með
skrýtin og skemmtileg skegg, enda
með þétt alvöruskegg. Hann er einn
af áberandi skeggmönnum þjóð-
félagsins. Baltasar Kormákur er með
náttúrulegt skegg sem virðist lítið
haft fyrir og fer honum vel.“
Dr. Christian Schoen, forstöðu-
maður CIA (The Center for Icelandic
Art), byrjaði að safna skeggi ekki alls
fyrir löngu. Hann kveðst einu sinni
áður hafa verið með skegg en í mjög
skamman tíma. En af hverju skyldi
hann vera að safna núna?
„Ég gæti auðvitað sagt að lista-
maðurinn Steingrímur Eyfjörð hafi
haft þessi áhrif á mig en við áttum
nána samvinnu í kringum Tvíæring-
inn í Feneyjum í sumar. Sannleik-
urinn er hins vegar sá að skeggið er
meira afleiðing leti í sumarfríinu
mínu en nokkurs annars.
Í sumarfríinu upplifir maður allt í
einu ákveðið frelsi sem fær útrás í því
að sitja órakaður við morgun-
verðarborðið. Eftir nokkra daga tók
ég að skynja fyrstu merkin um Rób-
inson Krúsó „effektinn“. Svo það er
m.a. ástæða útkomunnar. Og ég reyni
að halda því stuttu.“
– Hirðir þú skeggið sjálfur eða
ferðu í skeggsnyrtingu?
„Jesús, nei! Enginn snertir skeggið
mitt!“
– Hvernig er að vera allt í einu með
skegg? Er það einhver sérstök til-
finning?
„Nei, því miður. En ég á von á
breytingunni miklu á hverjum degi.“
Metrómaðurinn með
silkimjúku vangana er úti
Morgunblaðið/G.Rúnar
Tarfurinn snyrtur Alskegg er hátíska hjá karlmönnum í dag að sögn Vilbergs Hafsteins Jónssonar sem hér snyrtir skegg Smára Jósepssonar.
Yngvi Þorsteinsson Segir konur
taka skeggi betur og betur.
Christian Schoen Róbinson Krúsó
„effektinn“ í sumarfríinu.
Baltasar Kormákur Er með nátt-
úrulegt skegg.
Árni Þórarinsson Alskeggið stend-
ur fyrir sínu.
Vilberg Hafsteinn Jónsson hárgreiðslumeistari er
eigandi Rauðhettu og úlfsins í Tryggvagötu. Um
þessar mundir státar Villi af myndarlegri mottu en
hann segir að alskegg sé hátískan hjá karlmönnum
í dag. Hrund Hauksdóttir leit inn á stofuna í
Tryggvagötu og fylgdist m.a. með skeggsnyrtingu
Tarfsins sem mun vera reglulegur viðburður.
Hilmir Snær Guðnason Er búinn
að vera lengi með skegg.
Bjarni Lárus Hall Söngvari Jeff
Who er með á nótunum.
Rómantískar pífur, siffon og
litagleði einkenndi sumartísk-
una sem kynnt var í Mílanó í
vikunni. »24
tíska