Morgunblaðið - 03.10.2007, Qupperneq 18

18 MIÐVIKUDAGUR 3. OKTÓBER 2007 MORGUNBLAÐIÐ
HÖFUÐBORGARSVÆÐIÐ
Eftir Steinþór Guðbjartsson
steinthor@mbl.is
Norðlingaholt | „Vatnið er frekar
hreint,“ segir Andri Fannar Árna-
son, nemandi í 6. bekk í Norðlinga-
skóla, um rannsókn, sem hann og
bekkjarfélagar hans gerðu á vatni
við svonefndan Björnslund skammt
frá skólanum í vikubyrjun.
Nemendur í sex grunnskólum
landsins taka um þessar mundir
þátt í alþjóðlegu verkefni sem felst
í því að mæla gæði vatnsins í ná-
grenninu. Uppleyst súrefni, sýru-
stig, grugg og hitastig er mælt en
allir þessir þættir segja til um heil-
næmi vatnsins fyrir lífríkið og er
verkefninu ætlað að efla vitund um
mikilvægi góðrar umgengni við
vatnið, hvað mengar það og hvernig
draga má úr mengun vatns. Skól-
arnir taka þátt í verkefninu í sam-
starfi við Samorku og vatnsveit-
urnar á hverjum stað og með
þátttöku sinni vilja fyrirtækin vekja
athygli á heilnæmi íslenska vatns-
ins og virkja rannsóknaráhuga ís-
lenskra skólabarna.
Aukinn skilningur
Einar Jónsson, kennari í Norð-
lingaskóla, segir að verkefnið hafi
farið vel af stað. Nemendur hafi
skoðað uppsafnað rigningarvatn, yf-
irborðsvatn á Breiðholtsbraut og
tjarnarvatn. Nemendur hafi fyrst
æft sig með kranavatn og séu mjög
spenntir fyrir verkefninu, ekki síst
þar sem niðurstöðurnar verði birtar
á vefnum. Hann segir auðvelt að
tengja verkefnið við til dæmis mat-
væli og þannig gagnist það vel.
Eins sé bekkurinn með í gangi
þemaverkefni um pólana og verk-
efnin tengist ágætlega. Andri
Fannar segir að mjög gaman sé að
taka þátt í svona verkefni. „Það er
skemmtilegast að mæla vatnið og
gera tilraunirnar,“ segir hann og
bætir við að skilningurinn á við-
fangefninu hafi aukist til muna.
Í fyrra var vatn mælt á 3.900
stöðum í 39 ríkjum og er gert ráð
fyrir meiri þátttöku í ár en mæl-
ingar fara fram 18. september til
18. október. Hérlendis taka þátt í
verkefninu nemendur í 6. og 7.
bekk Melaskóla og Norðlingaskóla í
Reykjavík, Klébergsskóla á Kjal-
arnesi, Hofsstaðaskóla í Garðabæ,
Varmárskóla í Mosfellsbæ og Fella-
skóla í Fellabæ.
Samorka og vatnsveitan á við-
komandi stað leggja til mælisettin
og fulltrúi vatnsveitunnar fræðir
þátttakendur um vatnsveituna á
staðnum og mikilvægi þess að
ganga vel um vatnið. OR kostar ís-
lenska vefsíðu fyrir verkefnið
(www.vatnid.is). Sérstakt eyðublað
er notað til að færa inn niðurstöð-
urnar og þær verða sendar til Sam-
orku sem síðan setur þær inn á al-
þjóðlega vefsíðu verkefnisins.
„Vatnið er frekar hreint“
Morgunblaðið/RAX
Rigningin er góð 15 krakkar eru í 6. bekk í Norðlingaskóla og hér taka Einar Jónsson kennari og nemendur hans
vatnssýni úr tjörninni við Björnslund, skammt frá skólanum.
Í HNOTSKURN
» Alþjóðlega vatnsverk-efnið World Water Moni-
toring Day hóf göngu sína í
Bandaríkjunum 2002.
» Í fyrra var verkefnið unn-ið í 39 löndum og voru
mælingar framkvæmdar á
3.900 stöðum.
» Verkefninu var hleypt afstokkunum hérlendis í
september og taka um 300
krakkar þátt í því.
Nemendur í sex grunnskólum taka þátt í alþjóðlegu verkefni
Þingholtin | Norræna félagið í
Reykjavík hefur gefið út vegvísi um
hverfið í Skólavörðuholti sunnan
Skólavörðustígs, sem í bæklingnum
er nefnt Goðahverfi vegna tengsla
götunafna við goðafræðina og nöfn
goða og híbýla þeirra eins og þau
birtast í Eddu Snorra Sturlusonar.
Hverfið afmarkast af Skólavörðu-
stíg, Bergstaðastræti og Barónsstíg.
Tilefni útgáfu bæklingsins er 85
ára afmæli félagsins og norrænt höf-
uðborgamót Norðurlanda 2007 sem
félagið stóð nýverið fyrir. „Þetta er
bæklingur sem skýrir hvers vegna
þessi nöfn hafa verið valin í þessu
hverfi og síðan er hver gata tekin
fyrir sig og sagt frá því goði sem hún
er kennd við,“ segir Þorvaldur. Í
bæklingnum kemur m.a. fram að
fyrstu goðanöfnin séu frá árinu
1906, Óðinsgata og Óðinstorg, en
þau síðustu hafi verið gefin árið
1929. Milli þessara ára hafi hverfið
að verulegu leyti byggst upp og því
verið að fullu lokið á kreppuárunum.
Bæklingurinn kemur, að sögn
Þorvalds, út í um 15 þúsund eintök-
um á bæði íslensku, dönsku og
ensku. Að sögn Þorvalds er bækling-
urinn gefinn út í samvinnu við Höf-
uðborgarstofu, sem annast mun
dreifingu bæklingsins til erlendra
ferðamanna. „Bæklingurinn er ætl-
aður öllum sem hafa áhuga á borg-
inni,“ segir Þorvaldur. Segir hann
að síðar í vetur sé stefnt að útgáfu
sams konar bæklings um söguhverf-
ið norðan Skólavörðustígs þar sem
götur bera nöfn sögupersóna Íslend-
ingasagnanna.
Goðahverf-
ið í máli og
myndum
TENGLAR
..............................................
norden.is
FORSVARSMENN útgerðar-
félagsins Brims segja stöðugan
áróður formanns Sjómannafélags
Eyjafjarðar meiri ógn við byggð-
ina og fólkið í vinnslunni en nokk-
uð annað. Brim leggi sig í fram-
króka við að skapa arðbæran
rekstur, enda sé það ekki hlutverk
útgerðarinnar að leysa byggða-
vandann.
Brim lítur á Ísland sem eitt at-
vinnusvæði, segir í yfirlýsingu sem
birt er á heimasíðu fyrirtækisins,
„í kjölfar endurtekinna hrópa um
starfsemi Brims á Akureyri,“ eins
og það er orðað en Konráð Al-
freðsson, formaður SE, hefur
gagnrýnt Brim að undanförnu í
staðarblaðinu Vikudegi, m.a. ítrek-
að þá skoðun sína að Guðmundur
Kristjánsson hafi keypt ÚA í þeim
tilgangi að fara með það í burtu.
„Skip í eigu Brims höfðu landað
um land allt áður en ÚA kom inn í
fyrirtækið. Sjómenn Brims koma
alls staðar að af landinu og kvóta-
skipulag Brims lýtur landslögum
eins og aðrar útgerðir. Kvótinn og
tengsl hans við byggðirnar hefur
breyst og er hann yfirleitt skráður
þar sem útgerðinni er stjórnað,“
segir í yfirlýsingunni.
„Brim hf. hefur lagt sig í fram-
króka við að sinna því hlutverki
sem útgerðarmönnum níunda ára-
tugar síðustu aldar var á hendur
lagt ... að skapa arðbæran rekstur
í atvinnugrein sem stóð höllum
fæti. Þetta stangast á við þá kröfu
að útgerðin eigi að leysa byggða-
vandann og það er brýnt að menn
endurskoði þá afstöðu og opni aug-
un fyrir þeirri staðreynd að útgerð
Íslendinga getur ekki varið rétt
sinn eða tilveru með öðru en því að
standa undir sér og skapa arð eins
og hver annar rekstur. Raunar má
líta svo á að ný hugsun muni á
endanum skila meiri arði til
byggðanna og styðja við nýsköpun
og úrræði í atvinnumálum landsins
frekar en barlómurinn sem heyrist
hæstur og á rætur í heimsmynd
sem er sífellt að breytast.“
Forsvarsmenn Brims segja að
nýleg ákvörðun ríkisstjórnarinnar
um skerðingu á þorskkvóta breyti
öllum áherslum í sjávarútvegi og
valdi því að stærð og styrkur
byggðanna um land allt raskist.
Fiskvinnsla Brims á Akureyri
verði fyrir áhrifum af því eins og
aðrar, en bent er á að heildarfram-
leiðsla landvinnslunnar á Akureyri
hafi verið nær sú sama frá 1998 til
2006, með óverulegum frávikum.
Síðar segir: „Í þau fjögur ár sem
liðin eru frá því þeir Snæfellingar
sem keyptu ÚA hafa rekið ein-
inguna á Akureyri, hefur örðugast
reynst að hafa sæmilegan vinnu-
frið til starfans. Stöðugur áróður
formanns Sjómannafélags Eyja-
fjarðar er þegar hingað er komið,
meiri ógn við byggðina og fólkið í
vinnslunni en nokkuð annað og
hörmulegt að fjölmiðlar taki undir
og ali á þeim ímyndaða kvíðboga
sem slíkur málflutningur óneitan-
lega hefur í för með sér. Við hljót-
um að velta vöngum yfir því hvað
heimamönnum gengur til með
þessum upphrópunum, við höfum
skilning á viðhorfum eldri kynslóð-
arinnar um heimastað kvótans en
eigum illmögulegt með að skilja
hvers vegna slík óvissa er sköpuð
fólkinu í fyrirtækinu. Í þau ár sem
Brim hefur starfað og á þeim
stöðvum sem Brim hefur verið,
hefur hvergi neitt þessu líkt sést
eða heyrst og reikna má með því
að hér sé um einsdæmi að ræða.
Samskipti við önnur sjómanna-
félög eru undantekningalaust fag-
leg og í samræmi við heilbrigðar
starfsreglur sem settar eru milli
útgerðar og sjómannafélaga.“
Áróður formanns SE meiri ógn við byggðirnar og fólkið en nokkuð annað
Útgerðin á að skila arði en
ekki leysa byggðavandann
Morgunblaðið/Kristján
Deilur Forystumenn samtaka sjómanna hindra löndun úr einu skipa
Brims haustið 2004 vegna deilu félagsins og Sjómannasambandsins.
Í HNOTSKURN
»Þegar Brim keypti ÚA fyr-ir fjórum árum störfuðu 55
sjómenn hjá Brimi en 140 hjá
ÚA. Í dag starfa 170 sjómenn
hjá Brimi.
»Árið 2001 var unnið úr8.600 tonnum af fiski hjá
Brimi á Akureyri. 2006 var
unnið úr 9.000 t og fyrstu átta
mánuði þessa árs er búið að
vinna úr tæpum 6000 t í land-
vinnslunni á Akureyri.
»Þegar Brim keypti ÚA áttiÚA 5% af þorskkvótanum
sem gaf 9.000 tonn af þorski. Í
dag gefa þessi 5% 5.100 tonn af
þorski.
ÞEKKTUR sérfræðingur á sviði alþjóða-
samskipta og öryggismála norðursvæða,
dr. Lassi Heininen, talar um alþjóðastjórn-
mál, efnahagsþróun og bráðnandi norð-
urslóðir á Félagsvísindatorgi HA í stofu
L201 á Sólborg kl. 12 í dag.
Lassi Heininen á
Félagsvísindatorgi
BALDUR Guðnason og
fjölskylda hans hafa
ákveðið að gefa knatt-
spyrnudeild Þórs 5
milljónir króna til þess
að stofna knatt-
spyrnuakademíu
Íþróttafélagsins Þórs.
Þetta kemur fram á
heimasíðu félagsins og
að með framlaginu vilji
hann sýna þakklæti fé-
laginu, sem ól hann upp sem íþróttamann.
Baldur, sem er forstjóri Eimskips, lék
knattspyrnu hjá Þór frá barnsaldri og m.a.
3 ár í efstu deild með félaginu.
„Hjarta mitt hefur ávallt slegið með
Íþróttafélaginu Þór og á því hefur og mun
engin breyting verða,“ segir Baldur. Pen-
ingagjöfina segir hann þó fyrst og síðast
gefna til minningar um föður sinn Guðna
Jónsson og föðurbróður, Þórarin. Guðni
lék um árabil knattspyrnu með Þór og ÍBA
og hann lék með landsliði Íslands. Guðni
lést langt um aldur fram árið 1997, aðeins
54 ára. Þórarinn Jónsson lést af slysförum
í hörmulegu bílslysi við Sporhamra undir
Óshlíð árið 1951 er Þórsfélagar voru í
íþróttaferð um Vestfirði. Þórarinn var ein-
ungis 20 ára þegar hann lést.
Nú verður hafist handa við stofnun
knattspyrnuakademíu Þórs „sem og að fá
enn fleiri til þess að leggja til peninga sem
hlutafé vegna stofnunar akademíunnar,“
segir á heimasíðu félagsins.
Gaf Þór fimm
milljónir í knatt-
spyrnuakademíu
Baldur
Guðnason
AKUREYRI