Morgunblaðið - 03.10.2007, Side 19

MORGUNBLAÐIÐ MIÐVIKUDAGUR 3. OKTÓBER 2007 19
LANDIÐ
Morgunhreyfing með Rakel úr söngdúettnum Hara, bingó skoðunarferðir, danskennsla o.m.fl.
Dagskrárstjóri er hinn rómaði Gunnar Þorláksson.
Verð 29.800 kr. á mann.
Innifalið:
Gisting í tveggja manna herbergi
Morgunverður af hlaðborði
Þriggja rétta kvöldverður alla daga
Glæsileg og fjölbreytt dagskrá dagskrá
Upplýsingar og bókanir í síma 483 4700
Eftir Helga Bjarnason
helgi@mbl.is
Blönduós | Ekki eru líkur á því að
bæjarstjórn Blönduóss verði að
þeirri ósk sinni að gengið verði til
sameiningar allra sveitarfélaganna
í Austur-Húnavatnssýslu í eitt.
Sameining er ekki á dagskrá hjá
meirihluta hreppsnefndar Húna-
vatnshrepps og yfirgnæfandi
meirihluti íbúa Skagastrandar
hafnaði sameiningu við Blönduós
fyrir tveimur árum.
Bæjarstjórn Blönduósbæjar
samþykkti á aukafundi í fyrrakvöld
að segja upp samningum við hin
sveitarfélögin um héraðsnefnd
Austur-Húnavatnssýslu og að
stofnuð yrði samstarfsnefnd um
sameiningu sveitarfélaganna. Á
þessum sama fundi var leitt til
lykta mál sem ágreiningur hefur
verið um, bygging sundlaugar. Þá
lagði Jóna Fanney Friðriksdóttir
bæjarstjóri fram bréf um uppsögn
sína undir lok fundarins. Jóna
Fanney hefur verið bæjarstjóri sl.
sex ár og við síðustu kosningar var
hún bæjarstjóraefni E-listans sem
náði meirihluta. Uppsögn hennar
var óvænt. Félagar hennar í meiri-
hlutanum munu ekki hafa vitað af
henni fyrr en á fundardaginn og
fulltrúar minnihlutans ekki fyrr en
hún var lögð fram. Uppsögn bæj-
arstjórans tengist ekki þeim mál-
um sem til umræðu voru á fund-
inum, að sögn Valgarðs
Hilmarssonar, forseta bæjar-
stjórnar, enda kom fram hjá henni
að hún væri að hverfa til annarra
starfa. Ekki náðist í Jónu Fann-
eyju í gær en hún sagði við frétta-
vefinn mbl.is eftir fundinn að hún
gæti ekki greint frá nýju starfi sínu
að svo stöddu. Hún myndi þó sitja í
bæjarstjórninni áfram, á meðan
hún hefði lögheimili í sveitarfé-
laginu.
Valgarður Hilmarsson segir að
eftir sé að semja um það hvenær
Jóna Fanney láti af störfum. Hann
segir að fulltrúar meirihlutans hafi
ekki náð að hittast til að ræða ráðn-
ingu nýs bæjarstjóra.
Flókið stjórnkerfi
Fjögur sveitarfélög eru nú í
Austur-Húnavatnssýslu og mynda
með sér héraðsnefnd um fram-
kvæmd tiltekinna verkefna. Sveit-
arfélögin eru Blönduósbær, Skaga-
strönd, Húnavatnshreppur og
Skagabyggð. Húnavatnshreppur
varð til með sameiningu fimm
sveitahreppa í lok árs 2005.
Héraðsnefndin annast rekstur
tónlistarskóla, öldrunarmála og
skólaþjónustu. Viðræður hafa ver-
ið um að fela henni einnig rekstur
félagsþjónustu, embættis bygging-
arfulltrúa og slökkviliðs og voru
komin drög að samningi um það.
Bæjarstjórn Blönduóss hafnaði
þeim á fundinum í fyrradag og
ákvað um leið að segja upp samn-
ingum um núverandi verkefni hér-
aðsnefndarinnar. Boðið var upp á
samninga um stofnun byggðasam-
laga um einstök verkefni.
Valgarður Hilmarsson, forseti
bæjarstjórnar, sem jafnframt er
framkvæmdastjóri héraðsnefndar-
innar, sagði að stjórnkerfið væri of
þungt í vöfum með héraðsnefnd
sem millistig. Bæjarstjórnin vildi
frekar færa verkefnin til sveitarfé-
laganna. En hann lýsir jafnframt
þeirri skoðun sinni að sveitarfélög-
in ættu að sameinast til að vera
betur í stakk búin til að taka þessi
verkefni að sér.
Sameining nýlega felld
Adolf H. Berndsen, oddviti á
Skagaströnd og formaður héraðs-
nefndarinnar, segir að lengi hafi
verið rætt um fyrirkomulag sam-
starfs sveitarfélaganna. Byggða-
samlög eins og nefnd séu í sam-
þykkt bæjarstjórnar Blönduóss
séu vissulega einn kosturinn sem
til greina komi. Það sé þó aðeins
spurning um nafn og fyrirkomulag.
Björn Magnússon, oddviti Húna-
vatnshrepps, segir að ákvörðun
bæjarstjórnar Blönduóss valdi
vonbrigðum enda hafi samstarf
verið gott í héraðsnefndinni.
Sameining sveitarfélaga í Aust-
ur-Húnavatnssýslu, utan Húna-
vatnshrepps, var felld í atkvæða-
greiðslu íbúanna fyrir tveimur
árum. Meirihluti var á móti sam-
einingu annars staðar en á Blöndu-
ósi. Þannig voru yfir 90% þeirra
sem þátt tóku á Skagaströnd á
móti. Adolf segist aðspurður ekki
sjá neinar vísbendingar um stór-
fellda viðhorfsbreytingu íbúanna
til sameiningar. Björn Magnússon
segist ekki sjá tilefni til þess af
hálfu Húnavatnshrepps að fara í
sameiningarviðræður. Nýlega sé
búið að sameina þessa fimm
hreppa og frekari sameining sé
ekki á dagskrá þar.
Samkvæmt þessu er ekki útlit
fyrir að sú ósk forseta bæjarstjórn-
ar á Blönduósi, að nágrannarnir
sjái sig um hönd í þessu máli, ræt-
ist.
Sameining ekki á dagskrá
Blönduós segir
upp samstarfi um
héraðsnefnd
Morgunblaðið/Jón Sigurðsson
Miðstöð Hátt í helmingur íbúa Austur-Húnavatnssýslu, 900 af tæplega
2.000 íbúum, býr á Blönduósi sem er miðstöð héraðsins. Tálknafjörður | Stóra-Laugardalssókn hélt
upp á 100 ára afmæli kirkjunnar í Stóra-
Laugardal við athöfn síðastliðinn laug-
ardag.
Í tilefni dagsins predikaði Agnes M. Sig-
urðardóttir, prófastur Vestfjarða-
umdæmis, og núverandi og fyrrverandi
sóknarprestar, núverandi sóknarprestur
Sveinn Valgeirsson og Karl V. Matthías-
son þjónuðu fyrir altari. Vel var mætt í
messuna.
Við athöfnina mátti sjá nýja viðhafn-
arstóla sem smíðaðir eru af Grétari Árna-
syni. Minningarsjóður Jóns Guðmunds-
sonar gaf stólanna en hann er mikill
velunnari kirkjunnar.
Að lokinni messu var boðið uppá veit-
ingar, sem kvenfélagið Harpa sá um.
Þar þakkaði sóknarprestur Tálkna-
fjarðar, Sveinn Valgeirsson, Björgvini
Sigurbjörnssyni fyrir störf hans í sam-
bandi við að koma kirkjuorgelinu í við-
gerð og annast fjáröflun fyrir það. Ísólfur
Pálsson smíðaði orgelið á sínum tíma.
Sparisjóður Vestfirðinga færði kirkjunni
gjafir, fallega ljósmynd af kirkjunni ásamt
gjafabréfi að upphæð 100 þúsund krónur.
Nýir viðhafnar-
stólar á aldaraf-
mæli kirkjunnar
Messa Fjölmenni var við hátíðarguð-
sþjónustu í Stóru-Laugardalskirkju.
SUÐURNES
Eftir Helga Bjarnason
helgi@mbl.is
Reykjanesbær | „Þetta er alltaf jafn
gaman. Menn sem byrja í kórnum
hætta ógjarnan. Við erum til dæmis
með menn sem hafa starfað með frá
upphafi,“ segir Guðjón Sigurbjörns-
son, formaður Karlakórs Keflavíkur.
Kórinn æfir þessa dagana framlag
sitt á tónleikum Sinfóníuhljómsveit-
ar Íslands og heimafólks, sem Tón-
listarfélag Reykjanesbæjar stendur
fyrir í tilefni þess að hálf öld er liðin
frá því tónlistarkennsla hófst í
Reykjanesbæ.
Sinfóníuhljómsveit Íslands leikur
á stórtónleikunum ásamt Karlakór
Keflavíkur, lúðrasveit Tónlistar-
skóla Reykjanesbæjar, Sigurði
Flosasyni saxófónleikara og Davíð
Ólafssyni söngvara. Stjórnandi er
Rumon Gamba. Verk heimamanna
eru áberandi á efnisskránni, allt frá
útsetningum á nokkrum af frægustu
dægurperlum landsins yfir í frum-
flutning á þætti úr saxófónkonsert
Veigars Margeirssonar. Tónleikarn-
ir verða í Íþróttahúsinu við Sunnu-
braut nk. föstudag og hefjast klukk-
an 19.30. Miðasala er á sinfonia.is.
Kór í uppsveiflu
„Það er alltaf tilhlökkunarefni og
mikið í lagt þegar Sinfóníuhljóm-
sveitin kemur hingað suðureftir. Það
er ákveðin viðurkenning að vera boð-
ið að vera með á tónleikunum,“ sagði
Guðlaugur Viktorsson kórstjóri þeg-
ar blaðamaður leit við á æfingu.
Karlakór Keflavíkur hefur verið í
ákveðinni endurnýjun og uppsveiflu.
Tónleikar kórsins sl. vor, þegar
sungin voru og leikin dægurlög
poppara úr Reykjanesbæ vöktu at-
hygli og gaf kórnum byr í seglin.
Með því að létta dagskrá sína, taka
dægurlög í stað hefðbundinna karla-
kóralaga, er kórinn að reyna að
höfða til breiðari hóps áheyranda og
efla kórinn og gera hann áhugaverð-
ari fyrir söngfólk, að sögn stjórnand-
ans. Hvort tveggja hefur tekist.
Þannig segir Páll Hilmarsson kór-
félagi að fimm eða sex nýir söng-
menn hafi bæst í hópinn í fyrra og nú
séu fleiri að bætast við.
Karlakórinn kemur víða við í dag-
skrá tónleikanna. Hann syngur þrjú
lög og syngur auk þess sem óperu-
kór með Davíð Ólafssyni einsöngv-
ara í tveimur aríum. Um fjörutíu
karlakórsfélagar taka þátt.
Taka upp plötu
Páll segir að mikil verkefni séu
framundan í vetur hjá karlakórnum.
Verið sé að undirbúa útgáfu á plötu
sem verði fylgt eftir með tónleikum í
Reykjanesbæ og væntanlega einnig í
Reykjavík. Undirbúningur að þess-
um verkefnum tekur við að loknum
stórtónleikunum á föstudagskvöld.
Kórinn syngur vinsæl
lög með sinfóníunni
Morgunblaðið/Helgi Bjarnason
Hitað upp Guðlaugur Viktorsson gefur tóninn í upphafi æfingar hjá Karla-
kór Keflavíkur. Mikil verkefni eru framundan hjá kórfélögum.
Fagna afmæli
tónlistarkennslu
Í HNOTSKURN
»Þekktar dægurperlur eftirGunnar Þórðarson, Jó-
hann Helgason og Magnús
Kjartansson verða fluttar af
sinfóníuhljómsveit og karla-
kór á stórtónleikum í Reykja-
nesbæ. Lúðrasveit, einsöngv-
ari og einleikari koma einnig
mikið við sögu.