Morgunblaðið - 03.10.2007, Page 28

28 MIÐVIKUDAGUR 3. OKTÓBER 2007 MORGUNBLAÐIÐ
MINNINGAR
✝ Helga Kristins-dóttir fæddist á
Öngulsstöðum í
Eyjafjarðarsveit 10.
apríl 1918. Hún lést
þann 18. september
síðastliðinn á Hjúkr-
unarheimilinu
Sunnuhlíð í Kópa-
vogi.
Foreldrar hennar
voru Kristinn Sigur-
geirsson, bóndi á
Öngulsstöðum, f.
18.4. 1890, d. 14.11.
1966, og kona hans
Guðný Teitsdóttir, f. 30.9. 1892 á
Lambleiksstöðum á Mýrum í Aust-
ur-Skaftafellssýslu, d. 20.6. 1979.
Helga átti 7 systkini, þau eru
Sigríður, f. 9.5. 1920, d. 8.12. 2006,
Haraldur, f. 4.4. 1923, d. 13.9.
1997, Ásta, f. 14.11. 1925, Guðrún
f. 29.1. 1928, Þórdís, f. 26.4. 1930,
Regína, f. 19.2. 1934, og Baldur, f.
19.2. 1934.
Barnsfaðir Helgu
var Jón Pálmi
Karlsson, f. 9.1.
1922, d. 25.7. 2004.
Dóttir þeirra er
Guðný Kristín, f.
17.12. 1948, maki
Karl Gunter Frehs-
mann, f. 12.3. 1946.
Þau eiga tvær dæt-
ur: a) Helgu Maríu,
f. 2.9. 1968, maki
Páll Þór Leifsson, f.
7.8. 1966, börn
þeirra eru Elva
Björk, f. 8.6. 1998, og Daníel Þór,
f. 1.6. 2002, og b) Sonju Björk, f.
10.12. 1979, maki Arnar Freyr
Reynisson, f. 3.4. 1979, börn
þeirra eru Kristófer Dagur, f.
5.12. 2004, og Jónatan Guðni, f.
9.2. 2007.
Útför Helgu fer fram frá Foss-
vogskapellu kl. 15 í dag.
Kveðja til móður
Ó heita og margreynda móðurást
milda og sterka, sem aldrei brást
er drottins vors dýrasta gjöfin.
Hve lík er hún elsku lausnarans
er leiðarstjarna hvers einasta manns
er lýsir um hauður og höfin.
Hún hugsar ekki um sinn eigin hag
en öllu fórnar nótt og dag
ég veit að hún vakir og biður.
Hún heyrir barnanna hjartaslátt
og hlustar og telur hvern andardrátt
hún beygir sig bljúg að þeim niður.
Hún kyssir þau vaggar þeim blítt í blund
hún brosir og grætur á sömu stund,
að brjósti sér viðkvæm þau vefur
og veitir þeim af sínu lífi líf
er ljós þeirra vernd og besta hlíf.
Hún er engill sem guð oss gefur.
Guð blessi þig móðir í gleði og þraut,
og geislar frá himins stjörnu braut
þér lýsi um ófarin árin.
Og sál þín gleðjist við hjarta hans
vors hjartkæra góða frelsarans
er skilur best tregann og tárin.
(Sumarliði Halldórsson.)
Með þessu ljóði vil ég kveðja þig,
elsku mamma, sem veittir mér
ómælda ást og umhyggju.
Þín dóttir,
Guðný.
Farin ertu Fóstra mín
í fegri sálar heima.
Alltaf mun ég atlot þín
innst í huga geyma.
Sæl ert þú nú systir mín
að sofa í grafar friði.
Oftast stóðust orðin þín
ávallt varst að liði.
Guðs á vegum gengin er
gamla konan lúna.
Uns ég kem á eftir þér
uni ég við trúna.
Ég votta Guðnýju og Gunter,
Helgu og Sonju og fjölskyldum
þeirra innilega samúð.
Regína Kristinsdóttir
Ég varð þeirrar gæfu aðnjótandi
að verja öllum mínum æskusumrum í
sveitinni hjá ömmu, Siggu frænku og
tveimur bræðrum þeirra. Á hverju
sumri í 15 ár tók amma á móti mér
með opinn faðm og dekraði við mig
sumarlangt. Það kom í hennar hlut að
kenna mér góða siði og virðingu fyrir
dýrunum en amma var mikill dýra-
vinur. Hún naut þess að umgangast
dýrin, hvort sem það var Kópur,
kindurnar, kýrnar eða hænurnar.
Hún hafði sérstaklega gaman af
sauðburðinum, það var hennar tími.
Amma var mikill snillingur í
bakstri, hún bjó til dæmis til ljómandi
lummur, ljúffengar pönnukökur og
frábært flatbrauð og svo steikti hún
heimsins bestu kleinur, sem oft hurfu
jafnóðum og þær voru tilbúnar. Á
kvöldin þegar ég var komin upp í rúm
færði hún mér kleinur og mjólk svo
að ég færi nú ekki svöng að sofa. Þeg-
ar ég var í samræmdu prófunum í
Víghólaskóla þá vaknaði hún á undan
mér og bjó til eggjaköku handa mér í
morgunmat og svo nokkrum árum
síðar þegar stúdentsprófin voru þá
gisti ég hjá henni í sveitinni svo að ég
gæti lesið og lært og hún dekraði við
mig eins og hún hafði gert áður. Það
var ömmu líkt að passa vel upp á mig
og þá sem í kringum hana voru enda
sá hún um veika móður sína og seinna
sjúkan bróður sinn.
En amma hefði mátt hugsa meira
um sig og fara betur með sig í stað
þess að hafa aðra í fyrirrúmi, en
svona var amma mín. Amma var mik-
il prjónakona og prjónaði listavel ull-
arvettlinga og sokka sem hún gaf svo
öllum í kringum sig. Á mínu heimili
eru þau ótalmörg pörin í öllum stærð-
um sem hún gaf okkur og þetta hlýjar
okkur að innan sem utan sem er svo
lýsandi fyrir ömmu. Amma var sér-
staklega hrifin af Palla, eiginmanni
mínum, sem ég skil auðvitað fullkom-
lega, en stundum þótti mér nóg um
því aðdáunin á honum og öllu sem
hann gerði var ótrúleg. En ég veit að
hún var auðvitað svo alsæl að ég
skyldi finna svona góðan mann.
Börnunum okkar, Elvu og Daníel,
var hún mjög góð og hún ljómaði allt-
af þegar við komum í heimsókn til
hennar og var alltaf jafnþakklát fyrir
innlitin. Amma er ein af þeim konum
sem gerðu heiminn einfaldlega betri.
Með góðmennsku sinni og skilyrðis-
lausri ást gaf hún af sér endalausa
hlýju og kærleik.
Það er eiginlega ekki hægt að
hugsa um ömmu öðruvísi en að hugsa
líka um mömmu því að milli þeirra
var einstaklega náið og gott samband
og árin sem hún var í Sunnuhlíð kom
mamma daglega og oft tvisvar á dag
til hennar. Síðustu dagana hennar
ömmu sá ég enn betur en áður ástina
sem stafaði frá mömmu til hennar.
Ég veit að þó að allir hafi misst mikið
sem þekktu ömmu, þá missti enginn
jafnmikið og mamma.
Söknuðurinn og sorgin eru mér
erfið en ég reyni að hugga mig við að
nú líði ömmu betur, hún sé komin í
sína paradís þar sem er kleinulykt.
Helga María Fressmann.
Elsku hjartans amma mín.
Það er svo erfitt að hugsa til þess
að ég eigi aldrei eftir að geta spjallað
við þig né faðmað þig aftur. Allar
stundir okkar saman hlýja mér um
hjartarætur. Það var alltaf svo gam-
an að koma til þín í sveitina og eyða
tíma með þér þar. Þú leyfðir mér að
fara með þér í fjósið og gefa dýrunum
og það fannst okkur báðum yndislegt.
Það var líka alltaf svo mikið til-
hlökkunarefni að fá þig hingað suður
í heimsókn. Ég man svo vel eftir því
þegar við mamma biðum eftir þér á
flugvellinum og þú steigst út úr flug-
vélinni með bros á vör í gráu kápunni
þinni, með húfuna þína og litlu ferða-
töskuna. Það fyrsta sem þú gerðir
þegar heim var komið var svo að
draga fram spilastokkinn og spila
heillengi við mig. Þú kenndir mér að
prjóna og varst svo þolinmóð við litlu
dömuna sem ekkert kunni. Þú hafðir
alltaf tíma fyrir mig og varst mér allt-
af svo hlý og góð.
Sögustundirnar þínar voru engu
líkar og svo notalegt að fá að kúra hjá
þér og hlusta á þig þylja upp hvert
ævintýrið á fætur öðru. Ekki var
heldur leiðinlegt að borða kleinurnar
þínar og allar góðu smákökurnar sem
þú töfraðir fram. Við áttum margar
skemmtilegar stundir á kvöldin áður
en þú fórst að sofa og ég viðurkenni
alveg að stundum átti ég það nú til að
stríða þér en þú hlóst bara að vitleys-
unni í mér.
Við fjölskyldan vorum ótrúlega
heppin að hafa getað átt þig að svona
lengi. Það að hafa fengið að hafa þig
hjá okkur þín síðustu ár var verð-
mætara en þú nokkurn tímann munt
vita. Þú gafst okkur öllum svo mikið
og sérstaklega henni mömmu. Þú
geislaðir af góðmennsku og yfirvegun
alla tíð. Þú vildir öllum alltaf það
besta og varst sannarlega óeigingjar-
nasta manneskja sem ég þekki.
Elsku, elsku amma mín, ég vil að þú
vitir að þú varst mér svo mikils virði
og varst besta amma sem nokkur
getur hugsað sér. Ég mun aldrei
gleyma stundunum okkar saman,
góðu kleinulyktinni af þér og hvað
hálsinn þinn var silkimjúkur.
Þegar ég klæði litlu drengina mína
í hlýju ullarvettlingana og sokkana
sem þú prjónaðir mun ég alltaf fá tár
í augun af söknuði til þín. Takk fyrir
allan þann kærleik sem þú gafst mér
og minningarnar með. Ég vona að ég
komist einhvern tímann í hálfkvisti
með að verða jafn góð manneskja og
þú varst.
Þín elskandi
Sonja.
Helga Kristinsdóttir
✝ FinnbogaKristjáns-
dóttir fæddist á
Siglufirði 22. 6.
1941. Hún lést á
heimili sínu í
Bandaríkjunum
17. september
sl.
Foreldrar
hennar voru Kristján Kjartansson,
f. 15. 10. 1899, d. 21. 11. 1955 og
Ólína Kristjánsdóttir f. 9. 1. 1909,
d. 19. 6.1986.
Systkini Finnbogu eru Eiríka f.
3. 11. 1927, d. 21. 2. 2007, Margrét
f. 11. 6. 1930, Elísabet f. 31. 7.
1931, Bera f. 1. 4. 1934, Ingibjörg
f. 22. 3. 1936, Kristján f. 27. 8.
1939, Unnur f. 19. 10. 1942 og
Kristjana 29. 10. 1949.
Finnboga giftist Sigurði Ingva
Ólafssyni f. 28. 2. 1929. Foreldrar
hans voru Ólafur Pálsson Ólafsson
f. 3. 1. 1897, d. 22. 4. 1965 og
Helga P. Sigurðardóttir f. 7. 9.
1901, d. 13. 5. 1987. Börn Sig-
urðar og Finnbogu eru: 1) Helga
Pálína f. 20. 10. 1960. Börn henn-
ar eru Þórdís Sjöfn og Sigurður
Ben. 2) Þórdís Dröfn f. 14. 12.
1961. Eiginmaður hennar er Einar
Ásgeirsson og börn þeirra eru Ás-
geir Ingi, Kristján Ingvi og Eydís
Inga. 3) Inga Hrefna f. 2. 4. 1963.
Eiginmaður hennar er Jeffery
Bobbin og börn þeirra eru Can-
dice Marie, Jeffery Paul og Je-
remy Scott. 4) Kristján f. 21. maí
1965. Eiginkona hans er Karol
Olafsson og börn þeirra eru Alex-
andra og Kristjan Jonas. Finn-
boga eignaðist sitt fyrsta
barnabarnabarn á árinu en hann
heitir Mateo Finn. Fyrir átti Sig-
urður soninn Ólaf, f. 13. 11. 1955.
Eiginkona hans er Berglind Sig-
urðardóttir og börn þeirra eru Ás-
dís Gígja, Guðrún Tinna, Margrét
Yrsa og Jón Friðrik.
Í BLAÐINU í gær birtust minningargreinar um Finnbogu Öldu Kristjáns-
dóttur en hún var jarðsungin í gær frá Fossvogskirkju. Formálinn að grein-
unum, eða svokallað æviágrip, var ekki sem skyldi og er það því birt hér aftur.
Finnboga Alda
Kristjánsdóttir
✝
Elskulegur eiginmaður minn, faðir, tengdafaðir, afi,
langafi og langalangafi,
AÐALSTEINN ÞÓRÓLFSSON,
Melateig 33,
Akureyri,
er lést þriðjudaginn 25. september, verður
jarðsunginn frá Akureyrarkirkju föstudaginn
5. október kl. 13.30.
Margrét Þorvaldsdóttir,
Þorvaldur Aðalsteinsson, Aðalheiður Ingólfsdóttir,
Auður Aðalsteinsdóttir, Þráinn Pálsson,
Þórey Aðalsteinsdóttir, Stefán Jóhannsson,
Þórólfur Aðalsteinsson,
Signý Aðalsteinsdóttir, Jóhann Austfjörð
og afabörn.
✝
Maðurinn minn,
AÐALSTEINN HELGASON
húsgagnasmíðameistari,
andaðist sunnudaginn 30. september á dvalar- og
hjúkrunarheimilinu Grund.
Jarðarförin verður auglýst síðar.
Signý Þ. Óskarsdóttir.
✝
Elskuleg móðir okkar, tengdmóðir, amma, lang-
amma og langalangamma,
DAÐEY STEINUNN EINARSDÓTTIR,
Grundarstíg 3,
Bolungarvík,
andaðist föstudaginn 28. september á Sjúkrahúsi
Bolungarvíkur. Útförin fer fram frá Hólskirkju í
Bolungarvík laugardaginn 6. október kl. 14.00.
Einar Guðmundsson, Ásdís Svava Hrólfsdóttir,
Þorgeir Guðmundsson,
Daði Guðmundsson,
Hálfdán Daðason, Kristín Skúladóttir,
barnabörn, barnabarnabörn og barnabarnabarnabörn.
✝
Elskuleg móðir okkar, tengdamóðir, amma og
langamma,
ERLA KRISTJÁNSDÓTTIR,
hjúkrunarheimilinu Skógarbæ,
áður til heimilis
að Einholti 7,
Reykjavík,
lést á hjúkrunarheimilinu Skógarbæ mánudaginn
1. október.
Jarðaförin verður auglýst síðar.
Guðrún Gunnarsdóttir,
Eyvör Gunnarsdóttir, Björgvin R. Leifsson,
Hreinn Gunnarsson,
Benjamín Gunnarsson, Dagbjört Þórhallsdóttir,
barnabörn og barnabarnabörn.
✝
Eiginmaður minn,
JÓNAS GUÐMUNDSSON,
Langholti 20,
Akureyri,
lést að heimili sínu föstudaginn 28. september.
Jarðsungið verður frá Glerárkirkju fimmtudaginn 4. október kl. 14.00.
Jenný Ólöf Valsteinsdóttir.
✝
Eiginmaður minn,
KRISTJÁN ÞORSTEINSSON
Háteigi,
Borgarfirði eystra,
lést á sjúkrahúsinu Egilsstöðum laugardaginn
29. september.
Útförin fer fram frá Bakkagerðiskirkju laugardaginn
6. október kl.14.00.
Fyrir hönd aðstandenda,
Ásta Jónsdóttir.