Morgunblaðið - 24.10.2007, Blaðsíða 4

4 MIÐVIKUDAGUR 24. OKTÓBER 2007 MORGUNBLAÐIÐ
FRÉTTIR
52 birtinga á fjórum vöktum.
„Þetta var hrikaleg veiði. Við feng-
um fimmtán á hverri vakt, þær
þrjár fyrstu og sjö á síðustu,“ sagði
einn veiðimannanna sem blaðamað-
ur hitti á leið úr fljótinu. „Þetta var
mikið rígvænn fiskur og fjórtán
punda þeir stærstu.“ Félagi hans
hafði einnig veitt í hollinu á undan;
þá komu 33 á land.
„Það er búið að vera fínt hjá okk-
ur síðustu vikurnar, mikið af fiski,“
sagði Þórarinn Kristinsson í
Tungulæk síðasta veiðidaginn en
hann var þá nýbúinn að koma
bjartri 14 punda hrygnu í klak-
kistu. Birtingurinn gekk þá í læk-
inn af kappi.
LAXVEIÐINNI lauk um helgina en
leyft er að veiða í Rangánum til 20.
október. Var veiðin í ánum frábær
fram á síðasta dag og á drjúgan
hlut í því að þetta er þriðja besta
laxveiðisumarið á landinu frá upp-
hafi talninga. Áætlar Veiðimála-
stofnun að veiðin verði alls um
50.000 laxar.
Rúmlega 7.500 laxar veiddust í
Eystri-Rangá, sem er met í ís-
lenskri á, en 6.377 laxar í Ytri-
Rangá sem einnig er frábær árang-
ur. Jóhannes Hinriksson, veiðivörð-
ur við Ytri-Rangá, sagði 30 til 40
laxa hafa verið að veiðast á dag
undir þar síðasta og stundum mun
betur. „Síðustu dagarnir voru rosa-
legir. Einn daginn í vikunni veidd-
ust 49 laxar á fjórar stangir.“
Mörg svæðin í Ytri-Rangá gáfu
vel af sér í sumar. Veiðisvæðið sem
kennt er við Gutlfossbreiðu og er
ofan við Árbæjarfoss, gaf yfir 600
laxa á aðeins tvær stangir. Þar var
iðulega mok.
Hollið fékk 52 sjóbirtinga
Sjóbirtingsveiðinni lauk einnig
um helgina. Birtingurinn var seinn
til í ár en síðustu hollin veiddu víða
vel. Þannig fékk eitt af lokaholl-
unum í Tungufljóti í Skaftártungu
„Hrikaleg veiði – við fengum
fimmtán á hverri vakt“
Morgunblaðið/Einar Falur
Haustlitaveiði Guðmundur Guðjónsson glímir við átta punda sjóbirting í Geirlandsá á dögunum.
Einar Falur Ingólfsson
efi@mbl.is
Eftir Rúnar Pálmason
runarp@mbl.is
ÞAÐ álit lögreglunnar að framboð á
e-töflum sé að aukast byggist annars
vegar á því gríðarlega magni af e-
töflum og e-töfludufti sem var hald-
lagt í Pólstjörnumálinu svokallaða á
Fáskrúðsfirði og hins vegar á e-
töflum sem lögreglan á höfuðborg-
arsvæðinu hefur lagt hald á undan-
farna daga og vikur. Bæði þessi at-
riði hafa síðan styrkt þann orðróm
og þær upplýsingar sem lögreglunni
hafa borist um að framboðið hafi
aukist.
Þetta kom fram í máli Karls Stein-
ars Valssonar, yfirmanns fíkniefna-
deildar lögreglunnar á höfuðborgar-
svæðinu, á blaðamannafundi sem
lögreglan boðaði til í gær.
Í Pólstjörnumálinu fundust um
1.800 e-töflur og um 14 kíló af e-
töfludufti. Karl Steinar sagði að eftir
hefði verið að þrykkja töflur úr duft-
inu og að enn væri óljóst hversu
margar töflur fengjust með því móti.
Það væri þó ljóst að búa mætti til
tugþúsundir taflna úr duftinu og
smyglararnir augljóslega talið að
markaður væri fyrir hendi.
Á árunum 1995-1996 var talað um
e-töflufaraldur en eftir það dró tíma-
bundið úr neyslunni. Að sögn Karls
Steinars eru nú teikn á lofti um að
neyslan sé að taka annan kipp og
ekki væri ástæða til að bíða með við-
varanir. „Við teljum að reynslan af
e-töflunni sé með þeim hætti að við
teljum fulla ástæðu til að vara við
neyslu,“ sagði hann. Þá hvatti hann
fólk til að hafa samband við lögreglu
í gegnum Fíkniefnasímann, 800-
5005, viti það um fíkniefnamál.
E-taflan er með hættulegustu
fíkniefnum og þótt það sé ekki ýkja
algengt getur ein tafla valdið dauða.
Matthías Halldórsson landlæknir
benti á að fyrir hina sem lifa væru
áhrifin hættuleg, t.a.m. fylgdi dep-
urð og þunglyndi gjarnan neyslu á e-
töflum.
Fíkniefnamál styðja upplýsingar
um aukið framboð á e-töflum
Ljósmynd/Lögreglan
Sölumennska E-töflur sem lögreglan á höfuðborgarsvæðinu hefur lagt hald á undanfarið hafa einkum verið af
þessum tveimur gerðum. Þeir sem gleypa óþverrann komast í lífshættu, fyllast depurð, þunglyndi og kvíða.
Lögreglan á höfuð-
borgarsvæðinu telur
vísbendingar um aukið
framboð á e-töflum.
Markhópurinn er ungt
fólk, einkum á aldr-
inum 16-20 ára.
LÖGREGLUMENN hafa töluverðar
áhyggjur af því sem fram fer í svo-
nefndum salapartíum sem hafa rutt
sér til rúms að undanförnu og líkja
þeim við svokölluð „rave“ en það voru
samkomur sem voru spyrtar saman
við mikla e-töfluneyslu á síðasta ára-
tug.
Eiður Eiðsson, lögreglufulltrúi í
forvarnardeild, sagði að í menntaskól-
um væri rætt um að salapartíin hefðu
leyst rave-partíin af hólmi og að þeim
væri að fjölga.
Salapartí nefnist það þegar ung-
menni leigja sal, gjarnan með ein-
hvern fullorðinn sem lepp og plata
leigusalann með því að segja að til
standi að fagna afmæli. Síðan sé hald-
ið unglingapartí og rukkað inn, oft
einungis til að hafa upp í leigu á saln-
um. „Síðan er bara skemmt sér á
fullu,“ sagði Eiður. Ómögulegt væri
að segja til um hvort fíkniefnaneysla
væri meiri á slíkum samkomum en
öðrum en það væri hins vegar ljóst að
markhópur þeirra sem selja e-töflur
sækti hin eftirlitslausu salapartí.
Fíkniefnaþurrð
Erfitt er að segja til um ástæður
þess að e-töfluneysla fari vaxandi og
það er t.a.m. ekki raunin í Kaup-
mannahöfn, að því er Karl Steinar
Valsson, yfirmaður fíkniefnadeildar-
innar, sagði á blaðamannafundinum í
gær. Þá sagði hann að framboð á
fíkniefnum hefði ekki verið mikið
undanfarna mánuði. „Það er búin að
vera þurrð á flestum efnum nema
kannski marijúana frá því í sumar.“
Salapartí,
rave-partí
nútímans?
Þurrð á flestum fíkni-
efnum frá því í sumar
MEST af þeim e-töflum sem lögreglan á höfuðborgar-
svæðinu hefur lagt hald á undanfarið er af tveimur
gerðum. Annars vegar er um að ræða ryðrauðar töflur
sem broskall hefur verið þrykktur í. Töflurnar eru illa
gerðar, lausar í sér og minna um margt á gostöflur.
Hins vegar hefur lögreglan lagt hald á hvítar töflur
með merkinu 007 sem er eins og allir vita dulnefni
njósnarans James Bond. Karl Steinar Valsson, yfirmað-
ur fíkniefnadeildarinnar, segir að þessar merkingar
séu einkum hugsaðar til að auðvelda sölu og setja töfl-
urnar í jákvætt ljós. Þær séu ekki boðnar sem e-töflur
heldur sé t.d. spurt: „Viltu kaupa bros eða spæjara?“
„Viltu kaupa bros eða spæjara?“
Eftir Örlyg Stein Sigurjónsson
orsi@mbl.is
LÆKNAMISTÖK á læknastofum
utan veggja Landspítalans eru ekki á
ábyrgð hans, þótt í hlut eigi læknar
sem einnig starfa á spítalanum, að
mati Magnúsar Péturssonar, for-
stjóra Landspítalans, vegna máls
Jens Kjartanssonar, yfirlæknis lýta-
lækningadeildar, sem dæmdur var til
greiðslu skaðabóta fyrir læknamistök
í Héraðsdómi Reykjavíkur í desem-
ber síðastliðnum ásamt Valdimar
Hansen svæfingarlækni. Málið sner-
ist um konu sem fór í brjóstastækk-
unaraðgerð en varð fyrir heilsutjóni,
m.a. alvarlegum heilaskaða, þegar
hjarta hennar stöðvaðist í miðri að-
gerð með þeim afleiðingum að súrefn-
isflutningur til heila hætti. Héraðs-
dómur Reykjavíkur komst að þeirri
niðurstöðu að mistök hefðu verið gerð
við svæfingu og endurlífgun og voru
konunni dæmdar 23 milljónir krónur í
bætur. Forstjóri Landspítalans hefur
fengið bréf þar sem þeirri skoðun er
lýst að það sé ábyrgð Jens og stjórn-
enda spítalans að hann láti af störfum
sem yfirlæknir.
Dómi unað en sök
ekki viðurkennd
Málinu var ekki áfrýjað til Hæsta-
réttar af hálfu Sjóvár-Almennra sem
fór með forræði málsins fyrir dómi
sem tryggingafélag Jens. Að sögn
Þóru Hallgrímsdóttur, aðallögfræð-
ings félagsins, var málið stórt og erf-
itt. Ákveðið hafi verið að una dómi
héraðsdóms og greiða bæturnar, án
þess þó að viðurkennd væri sök Jens
og skaðabótaábyrgð hans. Þá mat fé-
lagið það svo að erfitt yrði að sækja
málið fyrir Hæstarétti, sérstaklega
með tilliti til þess að í héraðsdómi
voru sérfróðir meðdómsmenn sem
tóku afstöðu gegn stefndu.
Magnús Pétursson tekur sérstak-
lega fram að fyrrnefnt bréf sé ekki
undirritað og sé það af þeim sökum
vafasamt, en bréfið er undirritað af
velunnurum LSH. Telur Magnús þar
að auki að læknamistökin séu ekki
spítalanum viðkomandi og þau séu
ekki á ábyrgð spítalans.
Um stöðu læknisins og þá spurn-
ingu hvort gott sé fyrir spítalann að
vera með lækna sem hafa verið
dæmdir fyrir mistök, segir hann spít-
alann ekki hafa neinar almennar línur
í slíkum málum, þótt hann segist eigi
að síður hugsi vegna málsins. „Það
hlýtur að rýra mannorð þeirra
[lækna], en spítalinn getur ekki dæmt
menn á forsendum annarra. Við hljót-
um að dæma menn á okkar forsend-
um og um það eru dæmi. En ég mun
skoða þetta bréf.“
Félag lýtalækna hélt fund í gær þar
sem málið kom til umræðu. Nýtur
Jens fyllsta traust félagsins sam-
kvæmt upplýsingum Morgunblaðs-
ins.
Staða læknisins
óbreytt á LSP
Mistökin koma spítalanum ekki við
Í HNOTSKURN
»Í lýtaaðgerðinni sem gerðvar 2001 í Læknahúsinu hf. í
Domus Medica varð konan fyrir
alvarlegum súrefnisskorti í svæf-
ingu með þeim afleiðingum að
hún varð fyrir heilsutjóni.
»Heilsutjón konunnar var rak-ið til mistaka við svæfingu
hennar og endurlífgun sem
fylgdi í kjölfarið.
»Sjóvá-Almennar voru meðforræði með málarekstrinum
og ákvað að áfrýja ekki til
Hæstaréttar.