Morgunblaðið - 30.11.2007, Blaðsíða 2

2 FÖSTUDAGUR 30. NÓVEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Andra Karl
andri@mbl.is
RÍKISENDURSKOÐUN leggur til að yfirvöld
kanni til hlítar möguleika á því að koma á fót
gagnagrunni yfir gjaldeyriskaup og fjármagns-
færslur milli landa. Stofnunin telur jafnframt eðli-
legt að lögreglu- og tollyfirvöld hefðu aðgang að
slíkum grunni. Er þetta ein af mörgum tillögum
sem stofnunin bendir á í stjórnsýsluúttekt á ráð-
stöfunum gegn innflutningi ólöglegra fíkniefna.
Markmið úttektarinnar var að svara því hvort
yfirvöld gætu gert meira til að koma í veg fyrir
fíkniefnasmygl og hvort þau viti hvaða áhrif eft-
irlit á landamærum hefur á umfang smyglsins.
Komst Ríkisendurskoðun að þeirri niðurstöðu að
yfirvöld viti ekki með vissu hvaða áhrif aðgerðir
þeirra hafa og telur stofnunin að nýta megi betur
þá fjármuni sem varið er til þessa verkefnis, s.s.
með bættum aðferðum við áhættustjórnun og
efldri samvinnu stofnana – aðallega tollyfirvalda
og lögreglu. Stofnunin telur þá að herða þurfi eft-
irlit með tilteknum flutningsleiðum, en ábending-
ar varðandi þann lið eru trúnaðarmál.
Þá er lagt til að gerð verði kostnaðargreining
vegna fíkniefnaeftirlits á landamærum.
Götuvirðið um fimm milljarðar króna
Í úttekt stofnunarinnar kemur fram að viðbún-
aður vegna fíkniefnasmygls sé að vissu leyti meiri
hér en víða annars staðar. Á árunum 2003-2006
komu yfirvöld upp um 493 tilraunir til fíkniefna-
innflutnings – samtals um 180 kg – og er götuvirði
haldlagðra fíkniefna á síðasta ári talið nema tæp-
lega fimm milljörðum króna.
Ekki er talið að hægt sé að koma í veg fyrir
fíkniefnasmygl en meðal þess sem lagt er til eru
frekari ráðstafanir til að minnka hættu á að þeir
sem starfa á tollvöru- og hafnarsvæðum taki þátt í
smygli, s.s. með því að löggæsluyfirvöld kanni
ávallt bakgrunn starfsmanna. Einnig að strangari
kröfur verði gerðar til flutningafyrirtækja.
Betur má nýta fjármagn til
aðgerða gegn fíkniefnasmygli
Stjórnvöld vita ekki hvaða áhrif aðgerðir þeirra hafa á umfang fíkniefnamarkaðar
LAGT er til í stjórnsýsluúttekt Ríkisendurskoð-
unar að reglugerð um Vaktstöð siglinga verði
breytt þannig að skipum sem koma erlendis frá
verði gert skylt að láta vita um komu sína inn í
landhelgi Íslands með sólarhrings fyrirvara.
Tilkynningaskyldan í dag er á þá leið að skip
þurfa að láta vita 24 klst. fyrir komu sína til
hafnar. Telur stofnunin að skip geti því komið
að landinu og lónað skammt frá ströndinni. Því
sé auðvelt að sigla báti að skipinu og sækja
þangað ólöglegan varning.
Einnig er lagt til að yfirvöldum verði heim-
ilað að sekta smærri skip sem ekki fara að
þessari reglu, og að fylgst verði sérstaklega
með skipum sem staðin verða að brotum á
henni.
Vill breyta reglum
um tilkynningaskyldu
MAÐURINN
sem lést í umferð-
arslysi á Suður-
landsvegi á mið-
vikudag hét
Eiríkur Sigurðs-
son, til heimilis á
Grundatjörn 6 á
Selfossi. Eiríkur
var fæddur 31.
janúar 1931. Hann lætur eftir sig
eiginkonu og fimm uppkomin börn.
Slysið átti sér stað skammt frá
Litlu kaffistofunni á öðrum tímanum
á miðvikudag. Tildrög þess eru enn
ókunn og til rannsóknar.
Banaslys það sem af er ári eru
fjórtán talsins, þar af fjögur á Suður-
landsvegi.
Lést í um-
ferðarslysi
Geðhjálp mun við ráðstöfun síns
hluta söfnunarfjárins einbeita sér
að ungu fólki á aldrinum 12-25 ára
sem á við geðraskanir að stríða.
Ætlunin er m.a. að efla, styrkja og
samþætta þau úrræði sem víða eru í
boði en eru ekki nægjanlega sýni-
KIWANISHREYFINGIN á Íslandi
afhenti í gær Geðhjálp, BUGL og
Forma 14 milljónir króna sem söfn-
uðust í landssöfnuninni Lykill að lífi
til styrktar geðsjúkum og aðstand-
endum þeirra.
Salan á K-lyklinum fór fram í
byrjun október. Kiwanisfélagar og
annað sölufólk gekk í hús og versl-
unarmiðstöðvar, auk þess sem
K-lykillinn var seldur í Bónusversl-
unum og á þjónustustöðvum Olís.
Sparisjóðirnir á Íslandi, Toyota,
Olís og Bónus voru bakhjarlar
verkefnisins. Sparisjóðirnir á Ís-
landi voru jafnframt fjárvörsluaðili
söfnunarinnar.
Kiwanishreyfingin á Íslandi hef-
ur allt frá árinu 1974 staðið fyrir
landssöfnun þriðja hvert ár með
sölu á K-lyklinum. Ágóðinn hefur
runnið til fjölda verkefna til hjálpar
geðsjúkum. Að þessu sinni var sjón-
um sérstaklega beint að ungu fólki
sem glímir við geðræn vandamál.
leg eða aðgengileg. BUGL hyggst
nýta sinn hluta söfnunarfjárins til
verkefna sem gera legudeildar-
sjúklingum kleift að fá þjálfun og
afþreyingu utan deildarinnar.
Forma mun nýta styrkinn til að efla
ráðgjafarstarfsemi sína um land
allt svo átröskunarsjúklingar eigi
auðveldara með að leita sér hjálp-
ar. Einnig verður komið á fót skipu-
legri forvarnafræðslu í 8. bekk
grunnskóla og 1. bekk framhalds-
skóla til að sporna við fjölgun át-
röskunarsjúklinga.
Gefið
til góðra
verka
Kiwanis afhenti afrakstur af sölu K-lykilsins, 14 milljónir króna
Morgunblaðið/Frikki
Afhending F.v. Svanur Kristjánsson, Eggert S. Sigurðsson, Guðrún B. Guðmundsdóttir, Linda Kristmundsdóttir,
Vilborg G. Guðnadóttir, Ósk Sigurðardóttir, Edda Ýrr Einarsdóttir, Gylfi Ingvarsson og Bernhard Jóhannesson.
♦♦♦
♦♦♦
AMERÍSKI tón-
listarmaðurinn
Rufus Wain-
wright heldur
tónleika í Há-
skólabíói 13. apr-
íl næstkomandi.
Það er Grímur
Atlason, tón-
leikahaldari og
bæjarstjóri á Bol-
ungarvík, sem stendur fyrir komu
Wainwrights til landsins.
„Ég heyrði í Wainwright fyrst
fyrir nokkrum árum og byrjaði að
reyna að fá hann til landsins fyrir
rúmlega tveimur árum, alveg síðan
ég flutti inn Antony and the John-
sons. Ég sá hann líka á Hróars-
keldu-tónlistarhátíðinni í fyrra og
finnst hann algjör snillingur,“ segir
Grímur. „Tónleikarnir hér á landi
eru partur af Evróputúr hans sem
verður tilkynnt um á morgun.“
Aðeins verða þessir einu tón-
leikar í boði 13. apríl og kemur
Wainwright þar einn fram með
píanó og gítar.
Miðasala hefst 6. desember og að-
eins verða um 900 miðar í boði.
Rufus Wainwright
Rufus Wain-
wright kemur
ALLS fær Mannréttindaskrifstofa
Íslands eyrnamerktar tíu milljónir
kr. í nefndaráliti meirihluta fjárlaga-
nefndar. Í Fjárlögum fyrir árið 2008
var hins vegar gert ráð fyrir að átta
milljónum kr. yrði varið til mannrétt-
inda, líkt og undanfarin ár.
„Við höfum verið að berjast fyrir
því að fá aftur eyrnamerkt fé og
þetta er mikið gleðiefni,“ segir Guð-
rún Dögg Guðmundsdóttir, fram-
kvæmdastjóri Mannréttindaskrif-
stofu, en frá árinu 1996 til 2005 var
gert ráð fyrir fé til skrifstofunnar. Í
Fjárlögum fyrir árið 2005 var hins
vegar horfið frá því að eyrnamerkja
stofnuninni fé og í stað þess var gert
ráð fyrir fjármunum til mannrétt-
indamála og Mannréttindaskrifstof-
an þurfti að sækja um styrki til að fá
hluta af þeirri upphæð.
Hún segir að ef tillaga meirihluta
fjárlaganefndar gangi eftir verði
hægt að stórefla starfsemi stofnunar-
innar, þannig að hún komist í ásætt-
anlegt horf. „Við höfum t.a.m. aðeins
haft einn starfsmann sem er algjör-
lega óviðunandi,“ segir hún. Fé til
rekstrar og launakostnaðar hafi setið
á hakanum. „En þetta tryggir sjálf-
stæði okkar sem var ekki áður.“
Sjálfstæði
Mannrétt-
indaskrif-
stofu tryggt
„MÉR finnst þetta mjög góð hugmynd og líst vel á
þessa útfærslu,“ segir Þórólfur Þórlindsson, for-
stjóri Lýðheilsustöðvar, en borgarráð samþykkti í
gær tillögu borgarstjóra um að
100 milljónum króna verði ár-
lega næstu þrjú árin varið til
hverfistengdra verkefna á sviði
forvarna.
Stofnaður verður 300 millj-
óna króna sjóður, Forvarna-
og framfarasjóður Reykjavík-
urborgar, sem úthlutað verður
úr tvisvar á ári. Einstök verk-
efni geta varað frá þremur
mánuðum til þriggja ára og
verða árangursmetin a.m.k. árlega. Forvarnasjóð-
ur Reykjavíkurborgar, sem heyrir undir velferð-
arráð, hefur fram til þessa úthlutað 10 milljónum
króna á ári. Í upplýsingum frá borginni kemur
fram að markmiðið sé að efla starfsemi hverfaráða
verulega, en gert er ráð fyrir því að hverfaráð aug-
lýsi eftir hugmyndum að verkefnum eða hafi frum-
kvæði að þeim í samvinnu við þjónustumiðstöðvar
sem bera ábyrgð á samhæfingu forvarnastarfs í
hverfum samkvæmt forvarnastefnu Reykjavíkur-
borgar.
Eflir nærsamfélagið og eykur félagsauð
„Ég tel að þetta sé mjög mikilvæg breyting á
forvarnastefnu Reykjavíkurborgar. Þarna er ekki
bara verið að auka fjármagnið heldur á að úthluta
þessu fjármagni mjög skynsamlega, þ.e. úthlutað
er í tengslum við stefnu sem þegar liggur fyrir,
auk þess sem árangursmeta á öll verkefni. Jafn-
framt er verið að efla nærsamfélagið og auka fé-
lagsauð í hverfunum,“ segir Þórólfur og tekur
fram að með svona stórauknu átaki náist líka fram
ákveðin samlegðaráhrif þar sem hin ólíku verkefni
muni efalaust skarast og þannig styrkja hvert
annað. Bendir hann á að þannig nýtist fjármun-
irnir sem settir séu í málaflokkinn mun betur en
ella.
Fé til forvarna stóraukið
 Borgin setur 100 milljónir árlega næstu þrjú árin í eflingu forvarna  Forstjóri
Lýðheilsustöðvar fagnar hugmyndinni  Jákvætt að árangurstengja verkefnin
Morgunblaðið/Sverrir
Forvarnastefna Reykjavíkurborg stefnir að því
að efla verulega starfsemi hverfaráða.
Þórólfur
Þórlindsson