Morgunblaðið - 30.11.2007, Side 12

12 FÖSTUDAGUR 30. NÓVEMBER 2007 MORGUNBLAÐIÐ
FRÉTTIR
Eftir Helga Bjarnason
helgi@mbl.is
MEIRI óánægja er nú innan sjávar-
útvegsins en verið hefur um langa
hríð. Kom það fram í ræðu Árna
Bjarnasonar, forseta Farmanna- og
fiskimannasambands Íslands, við
setningu þings sambandsins í gær-
morgun. Nefndi hann niðurskurð
aflaheimilda í þorski og hávaxta-
stefnu sem héldi gengi íslensku krón-
unnar háu.
Árni rifjaði upp orð sín á formanna-
ráðstefnu FFSÍ sl. haust þar sem
hann lýsti þeirri skoðun sinni að af-
koma sjávarútvegsins væri með því
besta sem verið hefði um langa hríð.
Það hefði breyst. Í stað hóflegrar
bjartsýni og ánægju með þróun mála
ríki nú innan greinarinnar meiri
óánægja en verið hafi um langa hríð.
Kasta ekki trolli fyrir þorsk
Árni sagði að þriðjungs niður-
skurður aflaheimilda í þorski hafi leitt
til aðstæðna sem að sögn margra
starfandi skipstjórnarmanna væru
vægast sagt mjög erfiðar. Menn væru
á flótta undan þorski og margir skip-
stjórnarmenn á togskipum teldu að
þeir myndu ekki kasta trolli fyrir
þorsk þetta fiskveiðiárið. Árni vitnaði
í umsögn FFSÍ um þingsályktunartil-
lögu Frjálslynda flokksins um aukn-
ingu þorskveiðiheimilda, þar sem
þeirri spurningu er varpað fram hvort
ekki sé með þessum mikla niður-
skurði, án ásetnings, verið að auka
líkur á að upp komi staða þar sem
veruleg verðmæti glatist án þess að
þorskstofninn njóti aukinnar friðunar
í raun. „Þetta er nákvæmlega það
sem ég heyri að menn óttist að muni
eiga sér stað við þær aðstæður sem
nú eru uppi,“ sagði Árni.
Forseti FFSÍ sagði að fyrir utan
þorskniðurskurðinn hefði hávaxta-
stefna í peningamálum haft verst
áhrif á þá sem tengjast sjávarútveg-
inum. Gengi krónunnar hafi verið
haldið svo háu að ef ekki hefðu komið
til verulegar afurðaverðshækkanir í
erlendri mynt væri sjávarútvegurinn
mun verr staddur en raun ber vitni.
Hvatti Árni til þess að dregið yrði úr
þenslunni í þjóðfélaginu með aðgerð-
um í opinberum fjármálum og pen-
ingamálum. Stefna langtíma jafn-
vægis væri áhrifaríkari mótvægis-
aðgerð til handa sjómönnum en
annað sem nefnt hefði verið.
Búið að ráðstafa 645 milljónum
Einar K. Guðfinnsson sjávarút-
vegsráðherra fór í ávarpi sínu við
setningu þings FFSÍ yfir aðgerðir
ríkisstjórnarinnar í kjölfar kvótanið-
urskurðarins, þær sem beinlínis snúa
að sjávarútvegsráðuneytinu. Kom
fram að þegar hefur verið ráðstafað
645 milljónum kr. til ýmissa verkefna.
Meðal aðgerða er efling togararalls
Hafrannsóknastofnunarinnar. Búið
er að skipa starfshóp hagsmunaaðila
til að fara yfir hvernig það verði best
gert.
Þá fór ráðherrann yfir breytingar
sem gerðar hafa verið til að auka að-
gengi sjómanna að ýsu og fleiri teg-
undum, meðal annars eftir ábendingu
forseta Farmanna- og fiskimanna-
sambandsins. „Með þessum aðgerð-
um vildi ég koma til móts við vel rök-
studdan málflutning forystumanna
ykkar og margra skipstjórnarmanna
sem ég hef rætt við á umliðnum mán-
uðum í kjölfar niðurskurðar aflaheim-
ilda. Mér er ljóst að við verðum að
gera allt sem unnt er til að það takist
að gera sem mest verðmæti úr því
sem veitt er og tryggja aðgengi að
þeim fisktegundum sem við viljum
ná,“ sagði Einar.
Aðstæður vægast sagt erfiðar
Morgunblaðið/Brynjar Gauti
Afmæli Árni Bjarnason, forseti FFSÍ, setur þingið á Grandhótel Reykjavík.
Í HNOTSKURN
»Farmanna- og fiskimanna-samband Íslands er sam-
band stéttarfélaga skipstjórn-
armanna á Íslandi, bæði á
fiskiskipum og farskipum.
»FFSÍ var stofnað 1937 ogfagnar því sjötíu ára af-
mæli sínu í ár. Tímamótanna
er minnst á yfirstandandi árs-
þingi.
» Í tilefni afmælisins er ver-ið að kanna möguleika
þess að láta skanna inn og
hýsa alla árganga Sjómanna-
blaðsins Víkings frá upphafi,
1939. Það eru hátt í 30 þúsund
blaðsíður.
Deilt um málfrelsi
Hart var deilt um nýtt þingskapa-
frumvarp í upphafi þingfundar í gær
en forseti Alþingis leggur frumvarpið
fram ásamt þingflokksformönnum
allra flokka nema Vinstri grænna.
Þingmenn VG gagnrýndu frumvarpið
harðlega og voru ósáttir við forseta
þingsins að ná ekki samkomulagi við
alla flokka.
Framsóknarmennirnir Bjarni Harð-
arson og Höskuldur Þór Þórhallsson
tóku undir það að svona mál ættu að
vera lögð fram í samstöðu en að
öðru leyti gáfu þingmenn lítið fyrir
ásaknir VG um að með frumvarpinu
væri verið að selja málfrelsið fyrir
annars löngu tímabærar úrbætur á
starfsaðstöðu þingmanna.
Kristinn H. Gunnarsson, Frjáls-
lyndum, vísaði ásökunum um óvönd-
uð vinnubrögð forseta á bug: „Það
sem hefur komið mér mest á óvart
eru óvönduð vinnubrögð hæstvirtra
forystumanna Vinstri grænna sem
hafa talið sig geta og viljað stjórna
störfum þingsins.“
Allir í endurmenntun?
Lúðvík Bergvinsson var ekki á því að
tvær langar ræðu væru „meira mál-
frelsi“ en margar stuttar en sam-
kvæmt frumvarp-
inu mega
þingmenn taka til
máls eins oft og
þeir vilja við aðra
og þriðju um-
ræðu, en ekki
eins lengi og þeir
vilja. Flokksbróðir
hans, Helgi Hjörv-
ar tók undir það:
„Langar og leið-
inlegar ræður eins og við höldum
stundum hér í þinginu eru hvorki for-
senda málfrelsis né lýðræðis í land-
inu. Þvert á móti, sá sem ekki getur
sagt skoðun sína á máli á 15 mín-
útum á að vera á endurmennt-
unarnámskeiði en ekki Alþingi Ís-
lendinga.“
Hefði tekið átta tíma
Til gamans má geta þess að hefði
fjárlagaumræða gærdagsins, sem
stóð fram á nótt, farið fram eftir
reglum frumvarpsins þá hefði henni
lokið talsvert fyrr. Að vísu má ætla að
þingmenn hefðu tekið oftar til máls
en hefði mælendaskrá verið eins og
hún var í gær hefði umræðan tekið í
kringum átta eða níu klukkustundir
og fundi því lokið á aðeins kristilegri
tíma.
Helgi Hjörvar
Magnús Stefánsson 28. nóvember
Vindhanapólitík
Ég hef tekið eftir því
að í umfjöllun fjölmiðla
um þessa niðurstöðu
SÞ koma einstakir
ráðherrar Samfylk-
ingar fram og mæra
niðurstöðuna. Þeir eru þar með að
taka undir það sem við héldum fram
fyrir síðustu kosningar.
Hvað sagði Samfylkingin þá? Því var
haldið fram að hér væri allt að fara
norður og niður, velferðarkerfið
komið að fótum fram, allt í kaldakoli!
Það er annað hljóð í þeim nú en þá,
enda sagði einn þingmanna Sam-
fylkingarinnar í sumar að það væri
ekkert að marka það sem Samfylk-
ingin sagði fyrir kosningar vegna
þess að nú væri hún komin í rík-
isstjórn. Þetta kallast vindhana-
pólitík. Nú hins vegar er brjálað að
gera hjá Samfylkingunni við að
skreyta sig með stolnum fjöðrum!
Meira: www.magnuss.is
Eftir Höllu Gunnarsdóttur
halla@mbl.is
STJÓRNARANDSTAÐAN gagn-
rýndi harðlega forsendur fjár-
lagafrumvarps fyrir árið 2008 í
annarri umræðu um það á Alþingi
í gær. M.a. kom fram að óvissu-
þættir væru of miklir og áætlanir
um minnkandi verðbólgu ekki
trúverðugar.
Umræðan fór um víðan völl og
var ekki lokið þegar Morgunblað-
ið fór í prentun laust fyrir mið-
nætti í gærkvöld.
Gunnar Svavarsson, formaður
fjárlaganefndar, sagði nefndina
hafa haldið 31 fund og átt viðtöl
við hundruð aðila við afgreiðslu
frumvarpsins en gagnrýndi jafn-
framt það vinnulag að nefndin
væri að hitta aðila vítt og breitt
um landið vegna einstakra verk-
efna á þessum árstíma. Það mætti
gera á öðrum tímum.
Þá ítrekaði Gunnar þær hug-
myndir sínar að þingið ætti að
sinna betur eftirlitsskyldu sinni
með fjárlögum. „Síðustu mánuð-
ina hefur nefndin breytt verulega
um vinnulag og hefur fjallað
ítrekað um framkvæmd fjárlaga,“
sagði Gunnar.
Illa unnið frumvarp
Tveir nefndarmenn í minni-
hluta fjárlaganefndar, Jón
Bjarnason, þingmaður Vinstri
grænna, og Guðjón A. Kristjáns-
son, þingmaður Frjálslyndra,
sendu frá sér sérálit á frumvarp-
inu og það sama gerði fulltrúi
Framsóknarflokksins í nefndinni,
Bjarni Harðarson.
Jón og Guðjón sögðu óvissu-
þætti í forsendum fyrir frumvarp-
inu alltof stóra, m.a. vegna stór-
iðjuframkvæmda, gengis íslensku
krónunnar og komandi kjara-
samninga. „Ég minnist þess ekki
að hafa fengið jafnilla unnið fjár-
lagafrumvarp frá fjármálaráð-
herra eins og þetta er,“ sagði Jón
í umræðum um frumvarpið.
Jón sagði jafnframt að þess
sæjust lítil merki að ný ríkisstjórn
hefði tekið við völdum. Engin
stefnubreyting væri í fjárlaga-
áherslum, forgangsröðunin væri
sú sama og þess sæi ekki stað að
núverandi ríkisstjórn hygðist efna
umfangsmikil kosningaloforð.
Bjarni Harðarson taldi forsend-
ur frumvarpsins einnig ótrúverð-
ugar og að fátt benti til þess að
verðbólga minnkaði um 3,3,% árið
2008 eins og gert væri ráð fyrir.
Bjarni sagði svigrúm ríkissjóðs
vera of lítið og hagstjórnarmögu-
leika þ.a.l. litla. „Það er einfaldlega
í hagkerfinu eins og í lífinu, að það
þarf sterk bein til að þola góða
daga,“ sagði Bjarni og bætti við að
með frumvarpinu væri einfaldlega
verið að eyða of miklum peningum.
Ósátt við forsendur
fjárlagafrumvarps
Morgunblaðið/Ómar
Aldrei verra Jón Bjarnason sagðist aldrei hafa séð eins illa unnið fjárlaga-
frumvarp og það sem nú er til meðferðar á þingi.
Í HNOTSKURN
» Önnur umræða um fjár-lagafrumvarp fyrir 2008
fór fram á Alþingi í gær.
» Breytingartillögur fjár-laganefndar nema tæpum
1,3 milljörðum króna.
» M.a. fara tæpar 100 millj-ónir í bætta starfsaðstöðu
þingmanna, s.s. ráðningu að-
stoðarmanna fyrir formenn
stjórnarandstöðuflokkanna.
» Þá fær Mannréttinda-skrifstofa 10 milljónir
króna en hún hefur ekki feng-
ið fjárheimildir með fjárlögum
undanfarin ár.
Slæmt að nefndin sé á fundum um allt land á þessum tíma
ÞETTA HELST …
ÞINGMENN BLOGGA
ÚR VERINU
STÓRAUKIÐ
samstarf milli
Íslands, Færeyja
og Grænlands er
efni fimm þings-
ályktunartillagna
sem sex þing-
menn hafa lagt
fram á Alþingi.
Tillögurnar
fela allar í sér
samkomulag við
landsstjórnir Færeyja og Græn-
lands, m.a. um stofnun norræns
lýðháskóla, gerð skyldunámsefnis
fyrir unglinga um ólík kjör og
hlutskipti kvenna á norðurslóð-
um og mannréttindi og aukna
samvinnu um rannsóknir á helstu
nytjastofnum sjávar.
Tillögurnar eru allar settar
fram á grundvelli ályktunar
Vestnorræna ráðsins sem voru
samþykktar á fundi í Nuuk á
Grænlandi í fyrra en flutnings-
menn eru: Karl V. Matthíasson,
Árni Johnsen, Guðbjartur Hann-
esson, Guðjón A. Kristjánsson,
Guðni Ágústsson og Jón Gunn-
arsson.
Lýðháskóli
og námsefni
um konur
Karl V.
Matthíasson