Morgunblaðið - 15.04.2008, Page 4

4 ÞRIÐJUDAGUR 15. APRÍL 2008 MORGUNBLAÐIÐ
FRÉTTIR
„ÞAÐ er vilji Póstsins og okkar
skilningur á ábyrgð Póstsins að þeir
beri ábyrgð á því að póstur sé í
vörslu póstrekanda þar til hann er
borinn út til viðtakanda, “ segir
Hrafnkell V. Gíslason, forstjóri Póst-
og fjarskiptastofnunar (PFS), en
Friðrik Pétursson, lögfræðingur hjá
PFS, átti í gær fund með Tryggva
Þorsteinssyni, framkvæmdastjóra
framkvæmdasviðs Póstsins, þar sem
farið var yfir fréttir síðustu daga og
verklag póstsins.
Í Morgunblaðinu sl. sunnudag
kom fram að algengt vinnulag virðist
vera hjá Póstinum að póstburðar-
pokar séu keyrðir út og skildir eftir
án eftirlits utandyra eða í ólæstum
stigagöngum fjölbýlishúsa, þar til
póstburðarmaður á hverjum stað
nær í pokann.
Að sögn Hrafnkels var á fundinum
farið sérstaklega yfir þau atriði er
lúta að því í hvaða tilvikum pósturinn
er skilinn eftir án eftirlits og hvaða
aðgerða Pósturinn ætli að grípa til
nú þegar til að koma í veg fyrir slíkt.
Að sögn Hrafnkels er það aðeins í
undantekningartilvikum sem töskur
hafa verið skildar eftir með þessum
hætti. „Það er hins vegar algjörlega
óásættanlegt að póstburðartaska sé
skilin eftir í einn til tvo klukkutíma
án eftirlits eftir að hún er afhent á
einhverjum stað þangað til póstburð-
armaðurinn nær í hana. Um það er
enginn ágreiningur og alveg ljóst að
fyrir það þarf að taka nú þegar,“ seg-
ir Hrafnkell og bendir á að meðal
þeirra úrræða sem hægt sé að grípa
til sé að koma upp læstum geymslum
á afhendingarstað líkt og gert hafi
verið í Ísafjarðardjúpi. Að sögn
Hrafnkels hyggjast forsvarsmenn
PFS og Póstsins funda fljótlega um
málið aftur og fara yfir þær ráðstaf-
anir sem Pósturinn hafi þá þegar
gripið til vegna málsins.
Óásættanlegt að
skilja töskur eftir
SIÐANEFND Læknafélags Ís-
lands hefur sýknað Vilhjálm
Rafnsson, fyrrv. ritstjóra Lækna-
blaðsins, af kæru Kára Stefáns-
sonar, forstjóra Íslenskrar erfða-
greiningar. Kærði Kári þá
ákvörðun Vilhjálms að birta í
blaðinu grein eftir Jóhann Tóm-
asson lækni, en fullyrðingar í
greininni taldi Kári að brytu
gegn siðareglum lækna og einnig
gegn ákvæðum hegningarlaga
um meiðyrði. Taldi Kári að Vil-
hjálmur hefði brotið siðareglur
með því að birta greinina.
Ekki fór á milli mála
hver hinn brotlegi var
Siðanefndin hefur áður komist að
þeirri niðurstöðu í desember, að
ummæli í greininni brytu gegn
siðareglum lækna.
Greinin var merkt höfundi sín-
um með nafni og mynd. Því hafi
ekki farið á milli mála hver hinn
brotlegi sé.
Samkvæmt lögum beri höf-
undur refsi- og fébótaábyrgð á
efni rits, hafi hann nafngreint
sig. Þegar af þeirri ástæðu beri
að sýkna Vilhjálm af kærunni.
Ritstjórinn
sýknaður
Meistaranám í þroskaþjálfafræði
Tækifæri til að öðlast framúrskarandi
sérfræðiþekkingu og hæfni til að leiða
umbóta- og þróunarstarf í málefnum fatlaðra
MENNTAVÍSINDASVIÐ www.khi.is
Umsóknarfrestur er til 15. apríl / Skráning og upplýsingar á www.khi.is
Eftir Önund Pál Ragnarsson
onundur@mbl.is
GEIR H. Haarde forsætisráðherra
og Danny Williams, forsætisráð-
herra Nýfundnalands og Labrador,
undirrituðu samkomulag um tvíhliða
samstarf í St. John’s, höfuðborg
fylkisins, í gær. Samkomulaginu er
ætlað að greiða fyrir samráði og
upplýsingaskiptum, greiningu á
sameiginlegum hagsmunum og leit
að hagnýtum samstarfsverkefnum.
Hafa áhuga á Íslendingum
Með samkomulaginu er sér-
staklega stefnt að samstarfi á sviði
menningar, mennta og lista, en hvað
fleira sér Geir fyrir sér? „Það eru
ótal möguleikar á sviði viðskipta, í
tengslum við ferðamennsku og
fleira. Ég tel að fríverslunarsamn-
ingurinn milli EFTA og Kanada
komi að gagni í því sambandi og
sömuleiðis loftferðasamningurinn
við Kanada,“ segir hann. „Við eigum
mikla og góða vini á þessum slóðum.
Þeir hafa áhuga á samskiptum við
Íslendinga og telja sig geta ýmislegt
af okkur lært.“ Þar vísar Geir ekki
síst til sjávarútvegsmála, en Jóhann
Sigurjónsson, forstjóri Hafrann-
sóknarstofnunar, er með honum í för
og hitta þeir þarlendan starfsbróður
Jóhanns að máli í ferðinni.
Í kvöld ávarpar Geir kennara og
nemendur Memorial-háskóla í St.
John’s. Efni fyrirlestrarins verður
„Lítið land, mikill árangur: Dæmið
af Íslandi.“ Þar lýsir hann vegferð
Íslendinga til bjargálna.
Þá heimsótti Geir Brandeis-
háskóla í Massachusettsríki Banda-
ríkjanna sl. föstudag og flutti þar há-
tíðarræðu. Geir nam sjálfur við skól-
ann á sínum tíma á svonefndum
Wien-námsstyrk, en verið var að
fagna hálfrar aldar afmæli þeirrar
stofnunar. Alls hafa tólf Íslendingar
hlotið þann styrk en einnig voru á
staðnum styrkþegarnir Hjálmar H.
Ragnarsson, rektor LHÍ, Guðrún
Edda Gunnarsdóttir tölvunarfræð-
ingur og dr. Ásta Sveinsdóttir.
Samstarf við
Kanadabúa
Ljósmynd/Forsætisráðuneytið
Vinaþjóðir Danny Williams og Geir H. Haarde skrifa undir. Geir flytur ávarp við háskóla í St. John’s í dag.
Eftir Elvu Björk Sverrisdóttur
elva@mbl.is
„ÞAÐ er reynt að brugga úr hverju
sem er. Það er jafnvel drukkin skó-
sverta,“ segir Jón Sigurðsson,
deildarstjóri á Litla-Hrauni. Tveir
fangar voru í Héraðsdómi Suður-
lands í síðustu viku dæmdir til refs-
ingar vegna hrottafenginnar lík-
amsárásar á samfanga í júlí í fyrra.
Í framburði ákærðu og vitna kom
fram að árásin átti sér stað í kjölfar
þess að nokkrir fangar sátu saman
að drykkju í klefa eins þeirra.
Fram kemur í dóminum að ákærði í
málinu hafi hafið áfengisneysluna
einn en síðan farið inn til með-
ákærða „og hefðu þeir setið saman
að drykkju í klefa meðákærða“.
Jón bendir á að föngunum sé
heimilt að fara milli klefa frá klukk-
an átta á morgnana og fram til
klukkan 22 á kvöldin.
Jón segir að í málinu sem dæmt
var í virðist sem mennirnir hafi
komið af stað bruggi úr svonefndu
hraðgeri, sem gerjast á skömmum
tíma. Slík mál komi afar sjaldan
upp. Hann segir að yfirleitt sé það
svo að lykt af brugginu finnist und-
ireins og það sé þá gert upptækt.
Oftast sé framleiðslan þannig að
menn verði veikir af því að neyta
hennar.
Þrír verðir og 55 fangar
Tveir fíkniefnaleitarhundar eru á
Litla-Hrauni og kom sá fyrri í fang-
elsið fyrir rúmu ári. Eftir það hafi
staðan í fíkniefnamálum batnað, en
um leið hafi viss hópur manna
reynt að sækja í aðra vímugjafa.
Að sögn Jóns hafa mjög margir
fanganna verið í neyslu áður en
þeir komu til afplánunar á Litla-
Hrauni. „En stór hluti þessa hóps
hér í fangelsinu tekur sig á,“ segir
hann. Dagleg eða vikuleg vandræði
vegna vímuefnaneyslu eigi við um
um það bil 10% fanganna.“
Mikið vinnuálag sé á fangavörð-
um á Litla-Hrauni. „Við erum með
þrjá menn þar sem eru 55 fangar á
fimm mismunandi deildum,“ segir
Jón. Ekki liggi fyrir fjárveiting til
þess að hafa fleiri fangaverði við
störf.
„Reynt að brugga
úr hverju sem er“
Morgunblaðið/RAX
KARL og kona, sem voru í sum-
arbústað í Þingvallasveit, þar
sem eldur kom upp aðfaranótt
sunnudags, voru handtekin eftir
að þau voru útskrifuð af sjúkra-
húsi en talið var að þau hefðu
fengið reykeitrun.
Karlmaðurinn er jafnframt tal-
inn hafa ráðist á konuna og veitt
henni áverka.
Bústaðurinn er í Miðfellslandi í
Þingvallasveit.
Tæknideild lögreglunnar á höf-
uðborgarsvæðinu rannsakaði
vettvang og segir lögreglan á
Selfossi að grunur leiki á að karl-
maðurinn hafi borið eld að hús-
inu sem konan mun hafa haft að-
gang að.
Málið er í rannsókn og munu
frekari yfirheyrslur fara fram
næstu daga en bæði karlinn og
konan hafa verið látin laus, að
sögn lögreglunnar á Selfossi.
Grunur um
íkveikju og
líkamsárás
ÚTGÁFU fríblaðsins BostonNOW
sem, eins og nafnið gefur til kynna,
kemur út í Boston-borg í Bandaríkj-
unum hefur verið hætt. Í Boston
Business Journal er því haldið fram
að aðaleigandi blaðsins, Baugur
Group, standi frammi fyrir fjárhags-
vanda og hafi því ákveðið að selja all-
ar eignir sem ekki lúta að smásölu. Í
tilkynningu frá BostonNOW segir að
heilbrigðum rekstri sé skyndilega
hætt vegna efnahagsaðstæðna á Ís-
landi.
Lokunin kom á óvart
Þórdís Sigurðardóttir, forstjóri
Stoða Invest, sagði í samtali við
fréttavef Morgunblaðsins í gær-
kvöldi, að sl. föstudag hafi verið
gengið frá samningi um að selja
framkvæmdastjórn bandaríska frí-
blaðsins BostonNOW hlut Stoða In-
vest í blaðinu. Lengi hafi staðið yfir
viðræður um að sameina Bost-
onNOW og önnur fríblöð í borginni
með það fyrir augum að styrkja
rekstrargrundvöllinn.
Þegar eignarhlutur Baugs Group í
fjölmiðlum og fjarskiptafélögum var
seldur til Stoða Invest fyrir
skemmstu, hafi verið ákveðið að end-
urskoða blaðaútgáfuna í Boston. Sl.
föstudag var Dagsbrun Media USA
Inc. selt til framkvæmdastjórnar
blaðsins með það að markmiði, að
framkvæmdastjórnin leiddi samein-
ingarviðræður við önnur blöð til lykta
og Stoðir Invest myndu e.t.v. eiga lít-
inn hlut í sameinuðu útgáfufélagi.
Þórdís segir, að það hafi því komið
mönnum í opna skjöldu þegar fréttist
í gær að blaðinu hefði verið lokað. Þá
séu skýringar Russells Pergaments,
framkvæmdastjóra blaðsins, að um
sé að kenna versnandi efnahags-
ástandi á Íslandi, út í hött.
Dagsbrun Media USA Inc. sem
stóð fyrir útgáfu BostonNOW, var
stofnað af Dagsbrun Media í Dan-
mörku, sem gefur út Nyhedsavisen.
Stoðir Invest eiga 49% hlut í danska
félaginu. BostonNOW kom fyrst út
17. apríl á síðasta ári og hafði vaxið
ört síðan en því var dreift um al-
menningssamgöngukerfi borg-
arinnar. Upplagið var upphaflega 59
þúsund eintök á dag en var orðið 119
þúsund eintök undir það síðasta.
BostonNOW
hættir útgáfu