Morgunblaðið - 15.04.2008, Page 6

6 ÞRIÐJUDAGUR 15. APRÍL 2008 MORGUNBLAÐIÐ
FRÉTTIR
„BÆJARSTJÓRN Vestmanna-
eyja hefur á öllum tímum verið al-
veg samstiga um að 30 mínútna
sigling milli lands og Eyja sé næst-
besti kosturinn á eftir jarð-
göngum,“ segir Elliði Vignisson
bæjarstjóri í Vestmannaeyjum um
afstöðu bæjarstjórnar til ferjusigl-
ingar milli lands og Eyja og bygg-
ingar hafnar á Landeyjarsandi.
„Það var einróma niðurstaða
okkar að jarðgöng væru langbesti
kosturinn, en eftir að þau voru
slegin út af borðinu, illu heilli, þá
vildum við frekar horfa til þess að
sigla í 30 mínútur frekar en 2 tíma
og 45 mínútur.“
Elliði sagði að Vestmanna-
eyingar væru orðnir mjög lang-
þreyttir á stöðu samgöngumála.
Hann sagðist að nokkru leyti líta á
undirskriftasöfnun gegn Land-
eyjahöfn sem
mótmæli við
hvernig haldið
hefur verið á
samgöngu-
málum Eyja-
manna. Þarna
fyndi fólk far-
veg fyrir
óánægjuna.
Jafnframt
mætti líta á þetta sem stuðning-
yfirlýsingu við jarðgöng.
Rangfærslur hjá þeim
sem mótmæla höfninni
Elliði sagði að sér þætti miður
að sjá þær rangfærslur sem kæmu
fram hjá þeim sem stæðu fyrir
söfnuninni og þær drægju að
nokkuð úr trúverðugleika hennar.
„Því er haldið fram að það taki 40
mínútur að sigla milli lands og
Eyja, en það tekur 30 mínútur. Því
er haldið fram að það verði ófært
stóran hluta úr árinu, en niður-
staða Siglingastofnunar er að frá-
tafir í Landeyjarhöfn verði sam-
bærilegar og í Þorlákshöfn. Svo er
því haldið fram að Suðurlands-
vegur að Selfossi sé með hættuleg-
ustu vegum á Íslandi, en það er
fjarri. Þetta er beinn og breiður
vegur en fólk sleppur ekki við
Hellisheiði og Þrengslin þó það
fari um Þorlákshöfn.“
Hann sagði að í söfnunina væri
blandað ósk um stórskipahöfn í
Vestmannaeyjum, sem væri óháð
þessu máli. Hann sagðist sjálfur
eindregið getað tekið undir þá
kröfu.
Ný höfn næstbesti kosturinn
Bæjarstjórinn seg-
ir að Eyjamenn
hefðu viljað göng
Morgunblaðið/Ásdís
Höfn Siglingastofnun hefur rannsakað aðstæður á Langeyjarsandi.
Elliði Vignisson
Eftir Sunnu Ósk Logadóttur
sunna@mbl.is
„ÁSTANDIÐ er hið sama, það er
ekkert að gerast,“ segir Þórdís
Borgþórsdóttir, trúnaðarmaður
svæfingahjúkrunarfræðinga á
Landspítalanum við Hringbraut.
96 hjúkrunarfræðingar af gjör-
gæslu-, skurð- og svæfingasviði
hætta að óbreyttu 1. maí nk. Ein-
hverjir eru þegar komnir með aðra
vinnu. Þórdís segir fulla alvöru í
uppsögnunum og að þær standi.
Hún veit ekki til þess að neinir
hjúkrunarfræðingar hafi dregið
uppsagnir sínar til baka.
Engir fundir hafa verið milli
hjúkrunarfræðinganna og yfir-
stjórnenda LSH síðan 1. apríl sl. og
engir fundir verið boðaðir á næst-
unni. „Þetta er algjör pattstaða,“
segir Þórdís. Ekkert heyrist frá
stjórnendum. „Þeir halda sínu til
streitu líka,“ segir hún. Á síðasta
fundi hafi stjórnendur lagt fram til-
lögur sem Þórdís segir hjúkrunar-
fræðinga ekki hafa getað sætt sig
við.
Fara í önnur störf
Fundur sem fulltrúar geisla-
fræðinga á myndgreiningadeild
Landspítala áttu með yfirstjórn
spítalans nýverið skilaði ekki held-
ur árangri. Ætlar stjórn spítalans
nú í vikunni að ræða einslega við
hvern og einn geislafræðing. 30-40
geislafræðingar hafa sagt upp
störfum, eða yfir 90% þeirra sem
starfa á myndgreiningardeild
LSH. Líta þeir svo á að uppsagn-
irnar taki gildi 1. maí nk. en stjórn-
endur spítalans telja hins vegar að
þær muni ekki taka gildi fyrr en 1.
júní nk.
Katrín Sigurðardóttir geisla-
fræðingur veit ekki til þess að nein-
ar uppsagnir hafi verið dregnar til
baka. „Geislafræðingar eru svo lágt
launaðir að þeir munu ekki endi-
lega fara í störf á sínu sviði hætti
þeir hér störfum,“ segir Katrín.
„Miðað við kjörin fara þeir annað,
þeir fá hærri laun í ósérhæfðum
störfum úti í bæ.“
Hún segir geislafræðingana sem
sögðu upp þegar vera farna að leita
sér að annarri vinnu. „Það er lítill
tími til stefnu og lítið hefur gengið í
viðræðum [við spítalann],“ segir
Katrín.
Geislafræðingar á LSH eru
ósáttir við breytingu sem gerð var
á þeirra vinnutíma nýverið. „Við
höfum lægstu grunnlaun háskóla-
menntaðra stétta sem var réttlætt
með því að við hefðum kost á eft-
irvinnu. En nú á að draga úr öllu
slíku og þá duga þessi laun ekki
lengur fyrir fólk. Það er í raun verið
að biðja um meira vinnuframlag en
að fólk fái minna fyrir sinn snúð.“
96 hjúkrunarfræðingar og 30-40 geislafræðingar hætta 1. maí að öllu óbreyttu
Algjör pattstaða – engir
fundir og uppsagnir standa
Í HNOTSKURN
»Breyta á dagvinnufyrir-komulagi hjá hjúkrunar-
fræðingum á deildum Land-
spítala og taka upp vakta-
vinnufyrirkomulag.
»Auk þess að skerða veru-lega heildarlaun telja
hjúkrunarfræðingar að breyt-
ingarnar muni gera mönnun
erfiðari og vinnuskilyrði lak-
ari.
INNLENDUR bjór
er stöðugt að auka
markaðshlutdeild
sína í samkeppni við
innfluttan bjór. Á
síðast ári var 66% af
öllum bjór sem
ÁTVR seldi inn-
lendur, en þetta
hlutfall var 64% árið
2006 og 52% árið
1998. Þetta kemur fram í ársskýrslu
ÁTVR fyrir árið 2007.
Í fyrra seldi ÁTVR 19.555 lítra af áfengi
sem er aukning um 5,9% milli ára. Þetta er
haldur minni aukning en árin á undan
þegar áfengissala jókst árlega um 7-8%.
Bjór er um 78% af áfengissölu ÁTVR.
Sterkt áfengi er tæplega 5% af sölunni, en
sala á því jókst hins vegar mikið á síðasta
ári og mun meira en sala á bjór og léttu
áfengi.
Tekjur ríkissjóðs af áfengi námu sam-
tals 15,3 milljörðum í fyrra, sem er aukn-
ing um tæplega einn milljarð milli ára.
Áfengisgjaldið skilaði 6,5 milljörðum,
virðisaukaskattur 4,7 milljörðum, magn-
gjald tóbaks 3,9 milljörðum og arður í rík-
issjóð nam 152 milljónum.
Stöðugt meira
selst af inn-
lendum bjór
„ÉG held að það hafi
enginn áhuga á löngum
samningi eins og staðan
er í dag,“ segir Signý
Jóhannesdóttir, for-
maður samninga-
nefndar Starfsgreina-
sambandsins (SGS), sem
semur við ríkið. Samn-
ingur sambandsins við
ríkið rann út um síðustu
mánaðamót.
Samninganefnd SGS á fund með samn-
inganefnd ríkisins nk. fimmtudag. Samn-
ingamenn ríkisins hafa undanfarna daga
verið að taka á móti kröfum frá opinber-
um starfsmönnum, en samningar þeirra
renna út eftir tvær vikur.
Að nokkru leyti eru félagsmenn í SGS
að vinna sambærileg störf og hópur fé-
lagsmanna í BSRB. Signý sagði að SGS
vildi að sjálfsögðu fylgjast með því sem
gerðist hjá BSRB, en ekki væri um neitt
samráð milli aðila að ræða líkt og var þeg-
ar landssamböndin innan ASÍ sömdu 17.
febrúar sl.
Signý sagði að í samningunum 17. febr-
úar hefði verið lögð áhersla á að bæta hag
þeirra sem væru eingöngu á töxtum og
setið hefðu eftir. Félagsmenn SGS sem
störfuðu hjá ríkinu væru nánast allir á
töxtum og það væri því brýnt að bæta kjör
þeirra.
Enginn áhugi á
löngum samningi
Signý
Jóhannesdóttir
SIGURÐUR Grétarsson, forstöðumaður
hafnarsviðs Siglingastofnunar, segir
reiknað með að fella þurfi niður ferðir
Herjólfs 5-9 daga á ári vegna veðurs eftir
að Landeyjarhöfn hafi verið tekin í notk-
un. Truflun geti orðið á siglingum 10-15
daga á ári. Þetta sé svipað og er í dag þeg-
ar siglt er til Þorlákshafnar.
Sigurður segir að áður en rannsóknir á
þessu hafnarstæði hófust hafi verið efa-
semdir innan Siglingastofnunar um að
hægt væri að gera höfn á Landeyjarsandi.
Ítarlegar rannsóknir hafi hins leitt í ljós
að þetta sé vel framkvæmanlegt. Varðandi
áhyggjur af sandburði inn í höfnina bendir
Sigurður á að Vestmannaeyjar veiti skjól
af ríkjandi suðvestanöldu og því séu sand-
flutningar á þessum stað í lágmarki. Hann
viðurkennir að það kunni að þurfa að dæla
sandi úr höfninni en það verði vel viðráð-
anlegt.
Sigurður vísar á bug fullyrðingum
Magnúsar Kristinssonar, útgerðarmanns í
Eyjum, að annmarkar séu á rannsóknum á
ölduhæð.
Næstkomandi fimmtudag verða opnuð
tilboð í smíði og rekstur ferju sem ætlað er
að sigla milli Vestmannaeyja og Landeyj-
arhafnar.
Ferðir falla niður
í 5-9 daga á ári
NETVARI Símans er ókeypis net-
vörn sem Síminn hefur ákveðið
að bjóða ADSL-viðskiptavinum á
einstaklingsmarkaði. Netvarinn
er talinn geta varið börn og ung-
linga gegn viðsjárverðu efni á
netinu og þannig stuðlað að
öruggri og jákvæðri netnotkun
þeirra. SAFT, sem er netverkefni
Heimilis og skóla, fagnar þessari
auknu þjónustu Símans og telur
að netvörn á borð við þessa sé
stórt skref í átt til verndar barna
og unglinga sem nota netið.
Netvörn Símans er af gerðinni
Websense og þykir ein besta net-
vörn sem völ er á. Síminn mun
setja Netvarann á allar ADSL-
tengingar einstaklinga í við-
skiptum við fyrirtækið þeim að
kostnaðarlausu.
Netvarinn verður einnig í boði
fyrir fyrirtæki, en þá gegn gjaldi.
Notendur Netvarans geta síðan
stýrt því sjálfir hve mikið hann sí-
ar út af efni. Það er gert með því
að fara á þjónustusíður Símans
27% af ásettu ráði. Af þeim sem
notuðu spjallrásir sögðust 41%
hafa kynnst fólki á Netinu sem
bað þau að hitta sig augliti til
auglitis. Þar af höfðu 21% barna
sem fara á spjallrásir hitt ein-
hvern sem þau kynntust á Netinu.
vinnu Símans og SAFT og með
honum stigið skrefi lengra en áð-
ur til að verja börn sem vafra um
netheima. Samkvæmt nýlegri
könnun SAFT á netnotkun barna
og unglinga höfðu 49% barna
heimsótt klámsíður af slysni og
og merkja við lokunarmöguleika.
Þannig er m.a. hægt að loka á
síður sem innihalda klámfengið
efni, síður með fjárhættuspilum
eða spjallsíður sem þykja óæski-
legar.
Netvarinn er afrakstur sam-
Netvari Símans getur varið börn og unglinga fyrir óæskilegu efni
Morgunblaðið/Golli
Afrakstur samvinnu Síminn og SAFT, netverkefni Heimilis og skóla, kynntu Netvarann.
SAFT
fagnar Net-
varanum