Morgunblaðið - 03.05.2008, Page 8

8 LAUGARDAGUR 3. MAÍ 2008 MORGUNBLAÐIÐ
FRÉTTIR
HÓPUR skólastarfsfólks af erlend-
um uppruna útskrifaðist nýlega úr
starfstengdu íslenskunámi. Þetta
eru starfsmenn leikskóla, grunn-
skóla og frístundaheimila borg-
arinnar. Þeir hafa í vetur verið á
námskeiðum á vinnutíma, tvo daga
í viku í eina og hálfa klukkustund í
senn. Kennslan var á vegum Al-
þjóðahúss.
Allir náðu þeir góðum árangri og
ríkti gleði í hópnum yfir að hafa
náð þessum áfanga, segir í tilkynn-
ingu. Við útskriftina hélt sérhver
nemandi stutta ræðu á íslensku og
var borgaryfirvöldum þakkað fyrir
að auðvelda fólki af erlendum upp-
runa að stunda námið á vinnutíma.
Í fréttatilkynningu kemur fram
að nemendur sem rætt var við voru
sammála um að forsenda þess að ná
árangri í íslenskunámi væri að geta
stundað það í tengslum við störf og
daglegt líf. Fleiri námskeið eru á
döfinni fyrir skólastarfsfólk af er-
lendu bergi brotið, í maí verður t.d.
boðið upp á lestrar- og framburð-
arnámskeið.
Starfshópur á vegum borg-
arinnar vinnur að tillögum um
hvernig megi betur standa að ís-
lenskukennslu fyrir þá starfsmenn
borgarinnar sem ekki hafa íslensku
að móðurmáli. Hópurinn mun skila
tillögum sínum til mannauðsstjóra
Reykjavíkurborgar nú í byrjun maí.
Námskeið Stoltur hópur skólastarfsfólks af erlendum uppruna útskrifað-
ist í dag úr starfstengdu íslenskunámi. Kennslan var á vegum Alþjóðahúss.
Erlendir skólastarfsmenn héldu
ræðu á íslensku við skólaslitin
ALÞJÓÐLEGI hláturdagurinn
verður samkvæmt venju haldinn
hátíðlegur um allan heim fyrsta
sunnudaginn í maí, hinn 4. maí.
Í fréttatilkynningu kemur fram
að þetta sé í sjötta sinn sem haldið
verður upp á hláturdaginn á Ís-
landi. Upphafsmaður hláturjóga-
aðferðarinnar, indverski læknirinn
dr. Madan Kataria, stofnaði sinn
fyrsta hláturklúbb árið 1995 eftir
að hafa rannsakað heilsubætandi
áhrif þess að hlæja.
Í Reykjavík verður haldið upp á
daginn með hláturgöngu um Laug-
ardalinn. Farið verður frá gömlu
þvottalaugunum kl. 13 og gengið
inn í dalinn. Hláturjógaæfingar
verða teknar á leiðinni og allir
komi með nestisböggul. Ásta Valdi-
marsdóttir hláturjógakennari og
Kristján Helgason hláturjógaleið-
beinandi stjórna.
Hláturdagurinn verður haldinn í
fyrsta sinn á Suðurnesjum í Reykja-
neshöllinni kl. 14.
Hlátur Þessi glaðlegi bangsi verður
tæpast í Laugardalnum á sunnudag.
Hláturganga
í Laugardal
ACTAVIS í Bandaríkjunum hefur innkallað hjarta-
lyfið Digitek (Digoxin) þar í landi. Þetta er gert í ör-
yggisskyni. Lyfið er eingöngu selt undir merkjum
Bertek sem er félag í eigu Mylan Pharmaceuticals
Inc. og undir merkjum UDL Laboratories. Ein af
verksmiðjum Actavis í Bandaríkjunum framleiðir lyf-
ið fyrir þessi fyrirtæki.
Innköllunin er að frumkvæði Actavis og er í fullu
samstarfi við bandarísku Matvæla- og lyfjastofn-
unina. Ástæðan er sú að við gæðaeftirlit félagsins
fannst ein tafla af tvöfaldri þykkt. Þar sem ekki var
hægt að staðfesta með fullri vissu að engin slík tafla
hefði farið í umferð var talið öruggast að innkalla lyf-
ið.
Lyfið getur valdið veikindum eða jafnvel dauða sé
það tekið í of stórum skömmtum. Actavis í Bandaríkj-
unum fékk 11 tilkynningar um aukaverkanir af völd-
um lyfsins á seinasta ári. Verið er að fara yfir þær all-
ar en ekki er talið að þær tengist innkölluninni nú.
Actavis innkallar hjartalyf
Úr lyfjaverslun.
STUTT
FRÉTTASKÝRING
Eftir Andra Karl
andri@mbl.is
TAKMARKAÐ framboð á lánsfé
kemur illa við bílasölur og hefur
ásamt hækkandi verði vegna geng-
isbreytinga valdið samdráttarskeiði
sem ekki sér fyrir endann á. Aðeins
eitt bílaumboð jók sölu sína á nýjum
bílum í aprílmánuði miðað við sama
mánuð á síðasta ári. Forsvarsmenn
þeirra bílaumboða sem Morgunblað-
ið ræddi við voru þó bjartsýnir, enda
vanir sveiflum á markaði.
„Árið í ár verður þrátt fyrir allt
ekki jafnslæmt og árið 2001. Við vit-
um hvað þarf til, hvernig við eigum
að vinna í þessu árferði,“ segir Andr-
és Jónsson, kynningarstjóri B&L.
Hjá B&L líkt og annars staðar var
reiknað með að salan drægist saman.
„Við byrjuðum að bregðast við með
því að draga úr pöntunum strax í
janúar. Við erum því vel undir þetta
búin þó að auðvitað sé skemmtilegra
þegar meira er að gera.“
Sammála um orsökina
Viðmælendur voru sammála þeg-
ar kom að orsökum samdráttar.
Framboð á lánsfé hefur verið tak-
markað og einstaklingum oftar neit-
að um lán. „Það er hvað erfiðast í
þessu öllu saman, að fólk fær ekki
lán til bílakaupa. Sá utanaðkomandi
þáttur spilar gríðarmikla rullu,“ seg-
ir Özur Lárusson, framkvæmda-
stjóri Bílgreinasambandsins.
Ekki er lengur í boði að taka bíla-
lán í erlendri mynt og hámarkslán
80% af kaupverði, en algengast er að
fólk taki 70% lán. Þá gengið út frá
svonefndri sjö ára reglu, það er að
aldur bíls og lánstími fari ekki yfir
sjö ár.
„Þegar bílarnir hækkuðu minnk-
aði salan ekki. Það var ekki fyrr en
það kom algjört stopp í lánum í er-
lendri mynt. Salan stoppaði þegar
lánin gerðu það,“ segir Knútur G.
Hauksson, forstjóri Heklu, en fyrir-
tæki hans brá á það ráð að lækka
verð nýverið. „Þar erum við í sam-
starfi við Lýsingu um allt að 80% lán,
og þá er þetta raunhæft að nýju.“
Hann segir meira hafa verið að gera
í gær en í marga daga á undan.
30-40% samdráttur í ár?
Búið er að selja rúmlega 4.600 nýj-
ar bifreiðar það sem af er ári en á
sama tíma í fyrra höfðu rúmlega
5.000 bílar selst. Ef bornir eru sam-
an apríl í ár og í fyrra kemur í ljós að
sala nýrra bíla dróst saman um 44%.
„Ég yrði ekki hissa ef sala drægist
saman um 30-40% í ár miðað við
síðasta ár,“ segir Egill Jóhannsson,
forstjóri Brimborgar og stjórnarfor-
maður Bílgreinasambandsins. „Ef-
laust sjáum við svona samdráttartöl-
ur í maí og júní og ég tel að það verði
svipuð sala í ár og á því næsta.“
Egill telur jafnframt að verulega
muni draga úr innflutningi bíla. „Í
fyrra voru það um sextán þúsund
bílar, þ.e. nýir bílar, en þeir verða
líklega um ellefu þúsund í ár.“ Það
eru tíu þúsund færri bílar en árið
2005, sem var metár.
Brimborg var eina bílaumboðið
sem jók sölu sína á nýjum bílum í
aprílmánuði, en þar eru þó þegar
hafnar aðgerðir gegn samdrættin-
um. „Við vorum byrjaðir að draga
verulega úr pöntunum þannig að lag-
erinn hjá okkur er þokkalegur. En
við þurfum samt að draga meira úr.“
Bílasalar berjast nú við að laða til
sín viðskiptavini. Hafa ýmis tilboð
verið sett fram og verðlækkanir og
eiga viðmælendur von á slíkt haldi
áfram. „Við eigum von á spennandi
tímum. Sum umboðanna eru með
stóran lager sem þau verða að losna
við. Ég tel að flestir muni svara með
tilboðum,“ segir Andrés Jónsson.
Takmörkun lánsfjár
olli samdrætti í bílasölu
Bílaumboðin laða
til sín viðskiptavini
með tilboðum
Morgunblaðið/G. Rúnar
Framboð Mikið framboð er af bílum og bjóða bílasölur ýmis tilboð.