Morgunblaðið - 03.05.2008, Blaðsíða 15

MORGUNBLAÐIÐ LAUGARDAGUR 3. MAÍ 2008 15
STOFNUÐ hefur verið Rann-
sóknamiðstöð um alþjóðaviðskipti
við Háskóla Íslands. Markmiðið
með miðstöðinni er að formfesta
þá rannsóknavirkni sem verið
hefur á alþjóðaviðskiptum innan
skólans og skapa grundvöll fyrir
frekari rannsóknir á sviðinu. Mið-
stöðinni er ætlað að verða vett-
vangur rannsókna- og þróunar-
starfs á sviði alþjóðaviðskipta,
eins og fram kemur í tilkynningu
frá háskólanum.
Meðal hlutverka miðstöðvar-
innar verður að stunda rann-
sóknir á sviði alþjóðaviðskipta í
sterkum tengslum við atvinnulífið
og kynna þær, vera bakland
kennslu í alþjóðaviðskiptum og
eiga þátt í þjálfun meistara- og
doktorsnema í rannsóknum á
sviðinu. Þá er miðstöðinni einnig
ætlað að sinna tengslum og efla
samstarf við innlenda og erlenda
rannsóknaraðila á sviði alþjóða-
viðskipta, svo og að standa að
viðburðum er varða alþjóða-
viðskipti.
Rannsóknamiðstöð
um alþjóðaviðskipti
Rannsóknir Stjórnin saman komin, f.v. Hermann Ottósson, Útflutnings-
ráði, Ingjaldur Hannibalsson, prófessor við HÍ, Þórhallur Guðlaugsson,
dósent við HÍ, Snjólfur Ólafsson, prófessor við HÍ, Ragnhildur Geirsdóttir,
forstjóri Promens, og Árni Oddur Þórðarson, forstjóri Eyris Invest.
TAP af rekstri deCode Genetics,
móðurfélags Íslenskrar erfðagrein-
ingar, á fyrsta fjórðungi þessa árs
nam 26,7 milljónum Bandaríkjadoll-
ara, eða um 2,0 milljörðum íslenskra
króna á núverandi gengi. Þetta er
aukning frá sama tímabili á síðasta
ári en þá var tapið 22,6 milljónir doll-
ara. Þetta kemur fram í tilkynningu
frá félaginu.
Tekjur deCode jukust milli ára, en
þær námu 15,0 milljónum dollara í ár
samanborið við 8,6 milljónum dollara
í fyrra. Handbært fé félagsins í lok
mars á þessu ári var 69,5 milljónir
dollara en var á áramótum 94,1 millj-
ón dollara og 135 milljónir dollara í
lok mars í fyrra.
Jafnhárri fjárhæð var varið til
rannsóknar- og þróunarstarfsemi
deCode á fyrsta fjórðungi þessa árs
og á sama tímabili í fyrra, eða um
12,7 milljónum dollara.
Haft er eftir Kára Stefánssyni for-
stjóra deCODE í tilkynningunni að
félagið hafi frá byrjun þessa árs
skerpt áherslur á þá möguleika sem
erfðagreining á DNA til að meta
hættu á algengum sjúkdómum gef-
ur, sem og á erfðagreiningarprófið
deCODEme.
Aukið tap
hjá deCode
STJÓRN Flaga Group fór í gær þess
á leit við kauphöll Nasdaq OMX á Ís-
landi að hlutir félagsins yrðu teknir
úr viðskiptum af aðalmarkaði. Þetta
kemur fram í tilkynningu kauphall-
arinnar. Í kjölfarið hafa hlutabréf
Flögu verið sett á athugunarlista
kauphallarinnar.
Með því yrði Flaga fimmta félagið
til að fara út úr kauphöllinni á þessu
ári. Þann 9. maí nk. mun stjórn FL
Group leggja fyrir hluthafatillögu
um afskráningu úr kauphöllinni.
Vinnslustöðin verður skráð af mark-
aði fyrir árslok, hluthafar Icelandic
Group hafa samþykkt afskráningu
og afskráning Skipta er væntanleg.
Flaga verði
afskráð
VINNSLUSTÖÐIN hf. í Vest-
mannaeyjum var rekin með 1.153
milljóna króna tapi á fyrsta fjórðungi
ársins. Á sama tíma í fyrra var 765
milljóna króna hagnaður, en skýr-
inganna er skv. tilkynningu helst að
leita í fjármagnsliðum félagins sem
voru neikvæðir um 1.470 milljónir.
Framlegð dróst saman um 37,5%
frá fyrra ári, mest vegna minni
loðnuveiða. Þá nam gengistap lang-
tímaskulda 1,5 milljörðum. Heildar-
skuldir félagsins í marslok voru tæp-
ir 7,8 milljarðar króna.
Í tilkynningu Vinnslustöðvarinnar
segir að rekstrarhorfur á árinu séu
óvissar. Lítill loðnukvóti muni hafa
mikil áhrif á afkomuna, sem og nið-
urskurður á þorskheimildum. Fisk-
verð á erlendum mörkuðum og lækk-
andi gengi krónunnar séu þó jákvæð.
Tapaði 1,15
milljörðum
OLÍUFRAMLEIÐSLA Rússa nú í
aprílmánuði var sú minnsta í átján
mánuði. Undanfarið ár hefur fram-
leiðslan minnkað um 9,7 milljónir
tunna á dag, sem svarar til 0,8%
samdráttar frá því í apríl á síðasta
ári samkvæmt fréttavef Bloomberg.
Milli mánaða minnkaði framleiðslan
um 0,4%. Rússar eru annar stærsti
olíuframleiðandi heims á eftir Sádi-
Aröbum, en vaxandi áhyggjur eru af
samdrætti í framleiðslu þar í landi.
Verð á hráolíu er um 114 dollarar.
Minni olía
í Rússlandi
♦♦♦
♦♦♦
♦♦♦
Allra ve›ra von
Vi›arvörn er ekki fla› sama og vi›arvörn. Kjörvari er
sérstaklega flróa›ur fyrir íslenska ve›ráttu flar sem
mikilvægt er a› gæ›in séu í lagi.
Nota›u vi›arvörn sem flolir íslenskt ve›urfar
Ná›u flér í n‡ja Kjörvara litakorti›
Trygg›u vi›num bestu fáanlegu vörn.
Á Íslandi er allra ve›ra von.
Útsölusta›ir Málningar: Byko Kópavogi • Byko Hringbraut • Litaver Grensásvegi • Byko Hafnarfir›i • Málningarbú›in
Akranesi • Byko Akranesi • Axel fiórarinsson, málarameistari, Borgarnesi • Verslunin Hamrar, Grundarfir›i
• Litabú›in Ólafsvík • Núpur byggingavöruverslun Ísafir›i • Vilhelm Gu›bjartsson, málarameistari, Hvammstanga
• Verslunin Eyri, Sau›árkróki • Byko Akureyri • Verslunin Valberg, Ólafsfir›i • Byko Rey›arfir›i • Verslunin Vík,
Neskaupsta› • Byko Selfossi • Mi›stö›in Vestmannaeyjum • Byko Keflavík • Rúnar Sig. Sigurjónsson, málarameistari,
Grindavík • Fóðurblandan á Selfossi, Hvolsvelli og Egilsstöðum