Morgunblaðið - 06.10.2008, Blaðsíða 6

6 MÁNUDAGUR 6. OKTÓBER 2008 MORGUNBLAÐIÐ
Efnahagur í óvissu
Eftir Önund Pál Ragnarsson
onundur@mbl.is
FUNDAHÖLD stóðu sleitulaust alla
helgina, þar sem reynt var að finna
vopn Íslands gegn yfirstandandi
bankakreppu. Samráðið var víðtækt,
sem sýndi sig á tíðum mannaferðum
til og frá ráðherrabústaðnum í Tjarn-
argötu í gær og fyrradag. Þátttak-
endur í fundahöldunum voru ríkis-
stjórnin, fulltrúar Seðlabanka
Íslands, atvinnurekendur, verkalýðs-
hreyfingin, fulltrúar viðskiptabank-
anna þriggja, fjármálaeftirlitsins og
lífeyrissjóðanna, auk aðkomu ýmissa
fræðimanna og ráðgjafa.
Fulltrúar ASÍ og SA funduðu
snemma morguns á laugardag í húsa-
kynnum ASÍ og héldu svo til móts við
ríkisstjórnina í ráðherrabústaðnum.
Landssamtök lífeyrissjóða og stærstu
lífeyrissjóðir landsins funduðu sömu-
leiðis og mótuðu sameiginlega af-
stöðu. Eftir hádegið kynntu þeir af-
stöðu sína fyrir formönnum og
framkvæmdastjórum annarra lífeyr-
issjóða, sem að sögn héldu sérstaka
stjórnarfundi í gærdag.
Geir H. Haarde forsætisráðherra
sat fundi frá því klukkan níu í gær-
morgun. Snemma morguns kom Jón
Sigurðsson, stjórnarformaður Fjár-
málaeftirlitsins, til fundar og nokkrir
hagfræðingar. Þar á meðal var Jón
Steinsson, dósent við Columbia-há-
skóla í Bandaríkjunum. Þá tíndust
ráðherrar þangað einn af öðrum um
hádegisbilið, auk Sturlu Böðvarsson-
ar, forseta Alþingis, og Arnbjargar
Sveinsdóttur, þingflokksformanns
Sjálfstæðisflokksins. Skömmu síðar
héldu þeir aftur á braut einn af öðrum
og véku sér undan spurningum.
Frágengnar aðgerðir
fyrir opnun markaða
Um fimmleytið komu yfirmenn við-
skiptabankanna þriggja í ráðherrabú-
staðinn. Björgólfur Thor Björgólfs-
son, Sigurjón Þ. Árnason og Halldór
J. Kristjánsson frá Landsbankanum,
Þorsteinn Már Baldvinsson og Lárus
Welding frá Glitni auk Óskars Magn-
ússonar og Sigurður Einarsson og
Hreiðar Már Sigurðsson frá Kaup-
þingi. Líklega hafa hátt í hundrað
manns komið og farið frá ráðherrabú-
staðnum frá því á föstudag. Geir gaf
sér fyrst tíma til að ræða við frétta-
menn um sexleytið. Þá sagðist hann
hafa rætt við aðila vinnumarkaðarins
um hugsanlega framlengingu kjara-
samninga, sem hann sagði æskilega.
Hann sagði að hluti þeirra aðgerða,
sem hafa verið í undirbúningi, þyrfti
að vera frágenginn áður en fjármála-
markaðir yrðu opnaðir í dag, annað
mætti bíða.
Ekki lengur þörf á aðgerðum
Þá biðu hans kvöldfundir. Fulltrú-
ar ASÍ og SA mættu aftur á fund um
áttaleytið, auk Eiríks Jónssonar, for-
manns KÍ, og Ögmundar Jónassonar,
varaformanns lífeyrissjóðs ríkis-
starfsmanna. Sá fundur stóð í um
klukkustund. Þá mættu fulltrúar
Glitnis og Landsbankans aftur, auk
Ingimundar Friðrikssonar seðla-
bankastjóra. Fundað var með fulltrú-
um bankanna hvorum í sínu lagi, en
að sögn sat Ingimundur báða þá
fundi.
Þegar Geir gekk svo út úr ráð-
herrabústaðnum rétt eftir ellefu í
gærkvöldi svaraði hann því ekki hvort
samningar hefðu náðst við erlenda
seðlabanka. „Þessi helgi hefur skilað
því að við teljum núna ekki lengur
nauðsynlegt að vera með sérstakan
pakka með aðgerðum,“ sagði hann þá.
Fundur með stjórnarandstöðunni
er ráðgerður klukkan hálftíu í dag. Þá
eru fundir áætlaðir með lífeyrissjóð-
um klukkan ellefu.
Morgunblaðið/Brynjar Gauti
Kl 17.00 Björgólfur Thor Björgólfsson og bankastjórar Landsbankans. Björgólfur þótti óvenjulega frár á fæti.
Kl. 15:30 Gylfi Arnbjörnsson og Grétar Þorsteinsson mættu til fundar í
ráðherrabústaðnum á laugardag. Fátt var um svör við spurningum.
Kl. 14:00 Jón Sigurðsson, formaður stjórnar Fjármálaeftirlitsins, þegar
hann mætti til fundar öðru sinni í gærdag. Hann var þá einn á ferð.
Kl. 16:00 ASÍ og SA funduðu með ríkisstjórn. Kjarasamninga bar á góma
en erlendar eignir lífeyrissjóða voru líklega fyrirferðarmikið umræðuefni.
Kl. 16:00 Ráðherrar komu og fóru úr ráðherrabústaðnum í allan gærdag.
Össur Skarphéðinsson var þögull sem gröfin, spurður um framgang mála.
Leitað að vopnum
gegn bankakreppu
Kl. 18:00 Geir sagði yfirstandandi bankakreppu í heiminum hugsanlega
þá mestu síðan 1914, alvarlegri en kreppuna á fjórða áratug síðustu aldar.
Eftir Þorbjörn Þórðarson
thorbjorn@mbl.is
„KAUPHÖLLIN verður opin á
morgun [í dag] eins og venjulega, það
hefur ekki verið tekin ákvörðun í aðra
veru,“ segir Þórður Friðjónsson, for-
stjóri Kauphallarinnar, en hann var
staddur í Bandaríkjunum þegar blað-
ið náði tali af honum í gær.
Að sögn Þórðar kemur lokun
Kauphallarinnar ekki til greina nema
í algjörum neyðartilvikum. Í gær var
athugaður sá möguleiki að hafa Kaup-
höllina lokaða í dag vegna aðstæðna á
mörkuðum. Þórður útilokaði þó ekki
að Kauphöllin yrði lokuð. Hann sagði
að aðrir kostir í stöðunni væru t.d. að
stöðva viðskipti með ákveðin félög í
Kauphöllinni til að tryggja jafnræði
meðal fjárfesta á markaði.
„Ef það eru einhver félög þar sem
er hætta á ójafnræði meðal fjárfesta
þá kemur það vissulega til skoðunar
að stöðva viðskipti með bréf þessara
félaga,“ segir Þórður. „Fjárfestar
eiga að hafa það val eins lengi og
mögulegt er að ráða því hvort þeir
kaupa eða selja hlutabréf,“ segir
Þórður. Hann bendir á að forsvars-
mönnum Kauphallarinnar finnist það
ekki léttvæg ákvörðun að loka mark-
aðnum og ef það gerist verði það gert
af illri nauðsyn.
Forstjóri útilokaði ekki
lokun Kauphallarinnar
Morgunblaðið/Kristinn
Kauphöllin Forstjóri útilokar ekki lokun vegna markaðsaðstæðna.
GEIR H. Haarde sagði samstöðu
ríkja um að íslenskir bankar
þyrftu að minnka við sig í út-
löndum.
„Það er mjög góður vilji hjá
bönkunum til að selja eignir í
útlöndum og ég tel að það sé
nauðsynlegt.“
Hann kvaðst mjög ánægður
með viðbrögð aðila vinnumark-
aðarins við því sem rætt hefði
verið um helgina.
Samstaða banka