Fréttablaðið - 22.04.2009, Qupperneq 31

MIÐVIKUDAGUR 22. apríl 2009 3
Minjasafnið á Akureyri slær á
morgun upp fjölskylduhátíð í
tilefni sumardagsins fyrsta, sem
bæjarbúar jafnt sem aðkomu-
fólk ætti að geta notið.
„Við ætlum að fagna sumar-
komunni, en kannski hefur
aldrei verið meiri þörf á því en
eftir þennan erfiða vetur,“ segir
Haraldur Þór Egilsson, safnstjóri
Minjasafnsins á Akureyri, þar
sem sannkölluð fjölskyldustemn-
ing mun ríkja á morgun, sumar-
daginn fyrsta. Blásarasveit Tón-
listarskólans á Akureyri blæs
sumarið inn með lúðraþyt og bæj-
arstjórinn, Sigrún Björk Jakobs-
dóttir, veitir fyrirtækinu Rafeyri
sérstakar þakkir fyrir hjartalaga
tákn í Vaðlaheiðinni, sem hefur
yljað bæjarbúum um hjartarætur
í vetur.
„Þá ætlum við að veita börnum
færi á því að ganga til kosninga.
Öll gögn verða fyrir hendi og tvær
kjördeildir á staðnum, fyrir sjö ára
börn og yngri og átta til sautján
ára,“ segir Haraldur og bætir
hlæjandi við að ekki sé þó um hefð-
bundnar kosningar að ræða; þær
snúist ekki um stjórnmál heldur
verði kosið um yfirskrift á sumar-
sýningu safnsins sem helguð er lífi
barna.
Þá munu útileikir skipa vegleg-
an sess á hátíðinni og að auki gefst
börnum færi á að fara í hestvagna-
ferð og mála sjálfsmyndir, sem
verða síðan settar upp á safninu í
tilefni af deginum. Lummuangan
og kakóilmur munu fylla vit gesta
og gangandi og verða veitingarn-
ar reiddar fram í boði Stoðvina
safnsins.
Dagskráin hefst klukkan 14 og
stendur til klukkan 16. Nánar á
www.akureyri.is. - rve
ÍT Ferðir býður upp á ferð
á Knattspyrnuskóla Bobby
Charlton í Englandi 31. júlí til 10.
ágúst.
„Þegar hafa 75 ungmenni skráð sig
í ferðina og því um tuttugu sæti
laus,“ segir Hörður Hilmarsson,
framkvæmdastjóri ÍT Ferða, og
bætir við að slíkar ferðir séu vin-
sælar fermingargjafir.
„Nú þegar fótboltaliðin ferðast
minna hefur orðið meira um að
einstaklingar og vinahópar taki sig
saman og fari í slíka ferð,“ segir
Hörður. ÍT Ferðir hafa boðið upp
á þessar ferðir frá árinu 2001 en
íslensk ungmenni hafa sótt þessi
námskeið frá árinu 1994.
„Krakkarnir æfa þarna fótbolta
tvisvar til þrisvar á dag við bestu
aðstæður. Svo fara þau að skoða
einhvern af völlum stóru félag-
anna, Anfield eða Old Trafford, og
fara á einn fótboltaleik,“ útskýrir
Hörður en krakkarnir fá að auki
fræðslu um mataræði og sálfræði
íþróttanna.
Hörður segir ferðina bæði henta
fyrir stráka og stelpur enda sé
hlutfall kynjanna nokkuð jafnt
meðal þeirra ungmenna sem þegar
hafa skráð sig.
Ferðin á vegum ÍT Ferða verður
farin dagana 31. júlí til 10. ágúst
en námskeiðið er fyrir stelpur og
stráka á aldrinum þrettán til sautj-
án ára.
Líkt og undanfarin ár verða
tvær „fótboltamömmur“ með í
för. Þær Anna og Hanna sem fylgt
hafa hópunum við góðan orðstír.
Nánari upplýsingar um ferðirn-
ar er að finna á vefsíðunni www.
itferdir.is. - sg
Fótboltaskóli fyrir
stelpur og stráka
Krakkarnir fá að æfa fótbolta við bestu aðstæður og að auki fræðslu um matarræði
og sálfræði íþróttanna. MYND/ÚR EINKASAFNI
Börnum gefinn
kostur á að kjósa
Víst er ástæða fyrir orðinu far-
angur þar sem þungar tösk-
ur geta svo sannarlega angrað
mann. Hér á eftir fara nokk-
ur góð ráð til að pakka létt og
rétt.
Sniðugt er að breiða úr öllu
sem taka skal með í ferðina á
rúmið eða stofugólfið. Þannig
fæst góð yfirsýn yfir hlutina
og auðveldara verður að tína
í burtu óþarfa. Hugsaðu um
hvers þú getur verið án í stað
þess að hugsa um hvað gæti
komið sér vel.
Veltu líka fyrir þér hvaða
vörur þú getur keypt á ferða-
laginu. Svitalyktareyðir og hár-
sápa fást til dæmis víða.
Pakkið fyrir bestu hugsanlegu
aðstæður, ekki þær verstu. Yfir-
leitt má redda sér ef eitthvað
kemur upp á. Sniðugt getur verið
að pakka fatnaði í lofttæmdar
umbúðir sem fást til dæmis í Rúm-
fatalagernum og þannig verður
umfang
þeirra mun
minna auk þess sem
þau blotna ekki á leiðinni
og krumpast síður. Ef farið er á
framandi slóðir getur myndast
raki í ferðatöskunni sem bleytir
innihaldið.
Annars er gott að hafa sem
minnst af fatnaði meðferðis og
þvo þá frekar á leiðinni. Gott er að
velja dökkan og léttan fatnað sem
þornar auðveldlega og heldur sér
vel. Á ferðamannatímanum er víða
umburðarlyndi gagnvart afslapp-
aðri klæðaburði, til dæmis á tón-
leikum og sýningum. Ef þið kaup-
ið fatnað eða aðra hluti á ferðum
ykkar má oft minnka umfangið
með því að henda umbúðum og
merkimiðum.
Ef ferðast er með bakpoka
er sniðugt að fylla hann ein-
ungis að tveimur
þriðju svo að pláss
sé fyrir nesti og
minjagripi. Síðan
er ágætis ráð að
prófa að ganga
með pokann og sjá
hvort hann sé nokkuð of þungur.
hrefna@frettabladid.is
Að pakka létt og rétt
Á ferðalögum er síst til góða að burðast með þungar og fyrirferðarmiklar töskur. Fínn mælikvarði á hversu
vant fólk er að ferðast er hversu vel því tekst að komast af með sem minnstan og léttastan farangur.
Ekki borgar sig að
ferðast með of
mikinn farangur
þar sem það getur
verið lýjandi.
Ýmislegt verður í boði fyrir fjölskyldur á hátíð Minjasafnsins á Akureyri á morgun:
Hestvagnaferðir, listsköpun, útileikir og margt fleira. MYND/ÚR EINKASAFNI
Í Saltfisksetrinu, Hafnargötu 12a Grindavík,
sumardaginn fyrsta 23. apríl frá kl. 15-17
Stefán Hrafn Magnússon, hreindýrabóndi á Grænlandi fjallar um hreindýr á
Grænlandi og í Noregi. Stefán er mikill ævintýramaður. Hann hefur búið á
Grænlandi í mörg ár og rekur þar stórt hreindýrabú. Hér er því um einstakt
tækifæri að fræðast um hreindýr og hreindýrabúskap.
Kristján Pálsson, formaður Ferðamálasamtaka Suðurnesja mun fjalla um sögu
hreindýra á Reykjanesskaga. Hugmyndir eru um að koma upp hreindýrastofni á
Reykjanesskaga.
Vonandi verða fjörugar umræður á eftir. Heitt verður á könnunni og allir
velkomnir.
Í Salthúsinu, veitingahúsi er boðið upp á hreindýrasteik á góðu verði, sjá
www.salthusid.is
Þjóðháttakynningin er liður í menningar- og viðburðadagskrá Saltfisksetursins og
Grindavíkurbæjar ´09. Athugið að um breytta dagsetningu er að ræða 23. apríl
í stað 2. maí sjá viðburðadagskrá á www.grindavik.is
Nánari upplýsingar gefur
Sigrún Jónsd. Franklín, verkefnastjóri • gsm 6918828 • sjf@internet.is
www.sjfmenningarmidlun.is
Þjóðháttakynning,
hreindýrabúskapur
Njótum góðra stunda... Grindavík... góður bær!Aug
l.
-
S
ta
p
a
p
re
n
t