Fréttablaðið - 22.04.2009, Page 41

MARKAÐURINN 7MIÐVIKUDAGUR 22. APRÍL 2009
H É Ð A N O G Þ A Ð A N
Hugbúnaðarfyrirtækið Applicon
hefur verið útnefnt besti sam-
starfsaðili hugbúnaðarrisans SAP
á Norðurlöndum. Um er að ræða
innra val SAP sem er í samstarfi
við fjölda fyrirtækja.
Applicon er í eigu Nýherja en
starfsmenn fyrirtækisins eru
um 220 talsins í fimm löndum.
Stærstu starfstöðvarnar eru á Ís-
landi og í Danmörku og starfa um
80 manns í hvoru landi. Þá starfar
á þriðja tug starfsmanna hjá App-
licon í Svíþjóð og 10 í Bretlandi.
Yfirlýst markmið Applicon er
að verða eitt öflugasta ráðgjafar-
fyrirtæki Norður-Evrópu á sviði
SAP-hugbúnaðar, en SAP var
stofnað árið 1972 og hefur verið
leiðandi í þróun á samþættum
viðskiptahugbúnaði. Fyrirtækið
er eitt umsvifamesta fyrirtæki
heims þegar kemur að viðskipta-
hugbúnaðarlausnum og þriðji
stærsti sjálfstæði hugbúnaðar-
framleiðandinn í heiminum. Um
37 þúsund manns starfa hjá SAP
í yfir 50 löndum. - óká
SAP hampar
Applicon
FRÁ GULLVOTTUN 2007 Frá
staðfestingu á „gullvottun“ Applicon sem
samstarfsaðili SAP árið 2007. Per Falck
Jensen, frá Applicon A/S, Jens Bager,
framkvæmdastjóri hjá SAP A/S, og Kristján
Jóhannsson, framkvæmdastjóri Applicon.
Frumtak hefur keypt hlut í
birgðastýringarfyrirtækinu
AGR - Aðgerðagreiningu fyrir
hundrað milljónir króna.
Þetta er önnur fjárfesting
sjóðsins í sprotafyrirtæki á
árinu. Ekki liggur fyrir hversu
stór hluturinn er en hann er ár-
angurstengdur. Hin fjárfesting
Frumtaks fyrir jafn háa upp-
hæð var í hugbúnaðarfyrirtæk-
inu Trackwell í febrúar.
AGR var stofnað árið 1998 í
framhaldi af rannsóknarverkefn-
um við verkfræðideild Háskóla
Íslands og hefur undanfarin ár
þróað aðferðir og hugbúnað fyrir
alþjóðlegan markað.
Helsta afurð AGR er AGR In-
ventory Optimiser sem innleitt
hefur verið hjá yfir 50 fyrir-
tækjum í ellefu löndum. Þróunar-
vinna félagsins hefur alfarið
farið fram hérlendis í samstarfi
við fyrirtæki í vörudreifingu,
framleiðslu og verslun.
Helstu markaðssvæði AGR eru
í Evrópu. Fyrirtækið rekur tvær
skrifstofur undir merkjum AGR
í Bretlandi og Danmörku.
„Sjóðurinn hefur nú sett veru-
legar fjárhæðir í tvö fyrirtæki
sem eru að vinna að markaðs-
setningu erlendis og eiga að
skila árangri innan þriggja til
fimm ára. Fjárfesting í litlum
og meðalstórum fyrirtækjum
sem þessum flýtir fyrir endur-
reisn okkar ef allt gengur eftir,“
segir dr. Eggert Claessen, fram-
kvæmdastjóri Frumtaks, sem
fjárfestir í sprotafyrirtækjum
sem vænleg þykja til vaxtar og
útrásar.
- jab
EGGERT CLAESSEN Framkvæmdastjóri Frumtaks segist vænta mikils af þeim
fyrirtækjum sem sjóðurinn fjárfestir í. MARKAÐURINN/ANTON
Frumtak fjárfestir í AGR
100 milljóna króna fjárfesting fyrir hlut sem ekki er vitað hvað verður stór.
Þrjú fyrirtæki úr Viðskiptasmiðj-
unni – hraðbraut nýrra fyrir-
tækja, sem Klak – Nýsköpunar-
miðju atvinnulífsins rekur í sam-
starfi við Háskólann í Reykjavík
og fleiri, voru verðlaunuð á aðal-
fundi félagsins á föstudaginn var.
Dagurinn markaði jafnframt lok
annarar annar fyrirtækjanna í
Viðskiptasmiðjunni.
Fyrirtækið E-label, sem sér-
hæfir sig í klæðnaði og vörum
fyrir nútímakonur, hlaut verð-
laun fyrir besta árangurinn á
fyrstu önn en fyrirtækið hefur á
námstímanum gjörbreytt starf-
semi sinni, opnað heildsölu í
London í Bretlandi og á í samn-
ingaviðræðum við stóran dreif-
ingaraðila þar í landi. Þá hlaut
hugbúnaðarfyrirtækið Trackwell
verðlaun fyrir góðan árangur á
annarri önn og In Spirit of Ice-
land hvatningarverðlaun fyrir
framúrskarandi viðskiptaáætl-
un og spennandi verkefni. Fyrir-
tækið hjálpar einstaklingum að
ná hámarksárangri í lífinu og
jafnvægi milli líkama, hugar og
anda. - jab
Þrjú fyrirtæki
verðlaunuð