Morgunblaðið - 03.11.2008, Page 6
6 FréttirINNLENT
MORGUNBLAÐIÐ MÁNUDAGUR 3. NÓVEMBER 2008
Nú býður SKB upp á tvær gerðir af jólakortum sem
hönnuð eru af Braga Einarssyni og listakonunni Mæju
Gleðjið ættingja, vini, samstarfsmenn og viðskiptavini
með fallegri jólakveðju og styðjið um leið við
krabbameinssjúk börn og fjölskyldur þeirra
Boðið er upp
á sérvalda
innáprentun með
texta og/eða merki
fyrirtækja
Jólakortin eru
tvöföld og fylgir
hvítt umslag hverju
korti.
Stærð:115x165
mm.
Jólakort Styrktarfélags
krabbameinssjúkra barna
Tekið er við pöntunum á heimasíðu
félagsins www.skb.is eða í síma 588 7555
Jólakortin eru einnig seld á skrifstofu félagsins í
Hlíðasmára 14 í Kópavogi og þar eru þau seld 10
saman í pakka og kostar pakkinn 1.000 krónur.
Eftir Önnu Sigríði Einarsdóttur
annaei@mbl.is
GANGI spáin sem sett hefur verið
fram um kreppuna á Íslandi eftir
gæti hún í besta falli orðið af svipaðri
stærðargráðu og finnska kreppan
1990-1994. Samsetningin er þó önnur
og skuldabyrði íslensku þjóðarinnar
meiri ógn. Þetta kom fram í máli
Stefáns Ólafssonar félagsfræðings á
fundi framtíðarhóps Samfylkingar-
innar í Iðnó á sunnudag.
Lausn Finna var þríþætt. Sótt var
um ESB-aðild, hlúð að velferðar-
kerfinu og ný atvinnustefna tekin upp
þar sem aukin áhersla var lögð á
þekkingarbúskap og nýsköpun at-
vinnulífs með öfluga samkeppnis-
hæfni. Sú atvinnustefna skilaði Finn-
um miklum árangri, en með því að
koma á fót þekkingarþyrpingum við
20 helstu háskóla landsins þar sem
lagt var upp með samstarf við þekk-
ingarfyrirtæki, frumkvöðlasetur og
sprotafyrirtæki tókst að mynda gott
stoðkerfi.
„Stóra lexían í þessu er sú að litlu
fyrirtækin eru verðmæt. Menn leysa
ekki kreppuvandamálin endilega með
örfáum risafyrirtækjum,“ segir Stef-
án og nefnir upplýsingatækni, raf-
eindatækni, umhverfistækni, líftækni
og orkutækni sem dæmi um finnsku
tæknisviðin. „Íslendingar eiga þegar
fótfestu á einhverjum þessara sviða
og gætu án efa gert heilmikið meira.“
Hægt að komast út úr hremm-
ingunum með mikinn styrk
Finnar völdu einnig að láta vel-
ferðarríkið milda áhrif kreppunnar á
almenning og skuldsettu sig að hluta
fyrir þeim kostnaði. Mikil vonbrigði
voru hins vegar hve hægt gekk að
draga úr atvinnuleysinu og sú fjölgun
súpueldhúsa sem fylgdi krappari
kjörum var erfið sjón í norrænu vel-
ferðarríki.
Evrópusambandsaðild var enn ein
leiðin til að sigrast á kreppunni. En
með aðildinni sóttu Finnar í stöðug-
leika, aukið traust og sýnileika
finnsks atvinnulífs. Minni viðskipta-
kostnaður, vaxtalækkun, stöðugra
gengi og lægra verðlag fyrir neytend-
ur voru einnig meðal ávinninganna.
Stefán segir reynslu Finna því
sýna að hægt sé að komast út úr
hremmingum á borð við banka-
kreppu með heilmikinn styrk. Finn-
land hafi enda verið komið á skrið aft-
ur strax árið 1995 með hagvöxt og
endurnýjun í atvinnulífinu. Slíkt
byggist hins vegar fyrst og fremst á
skynsamlegri stefnu.
„Við þurfum að reisa hér nýtt fjár-
málakerfi, nýjan gjaldmiðil og vinna
traust og viðskiptavild.“ Tvo síðar-
nefndu þættina telur hann Íslendinga
raunar þurfa að leggja höfuðáherslu á
næstunni, enda verði skuldir hér tvö
til þreföld þjóðarframleiðsla þegar
búið verði að taka neyðarlánin.
Ísland eigi því í raun enn meira er-
indi í Evrópusambandið en Finnar á
sínum tíma. „Við erum með ónýtt
fjármálakerfi, ónýtan gjaldmiðil og
erum að taka 700 milljarða að láni
með aðstoð Alþjóðagjaldeyrissjóðs-
ins. Ekki til að byggja álver. Ekki til
að aftra því að fólk missi heimili sín.
Ekki til að setja í velferðarkerfið. Nei
við erum að taka peninga að láni til að
setja brauðfætur undir íslensku krón-
una og það er bara ævintýraleg fjár-
festing sem er ekki einu sinni víst að
muni virka.“
Atvinnustefnan árangursrík
Morgunblaðið/Golli
Hátæknilausnir Íslendingar eiga þegar fótfestu á ýmsum sviðum þekking-
arbúskapar og gætu án efa gert heilmikið meira, segir Stefán Ólafsson.
Finnska lausnin þríþætt Sóttu um aðild að Evrópusambandinu Velferðarkerfið látið milda áhrif
kreppunnar Ný atvinnustefna tekin upp með aukinni áherslu á þekkingarbúskap og nýsköpun
» Þjóðarframleiðslan dróstsaman um 10% á tímabilinu.
» Kaupmáttur almennings rýrn-aði um 7-8%
» Atvinnuleysi fór úr 4% upp í17-18%
Íslenska kreppan
» Gert er ráð fyrir 10% sam-drætti í þjóðarframleiðslu.
» Kaupmáttur kann að rýrna umallt að 20%
» Atvinnuleysi gæti farið í 5-10%.
Finnska kreppan
PRESTSVÍGSLA fór fram í Dóm-
kirkjunni í Reykjavík í gær, á Allra
heilagra messu. Biskup Íslands,
Karl Sigurbjörnsson, vígði þá fjóra
kandídata í guðfræði til prestþjón-
ustu í Þjóðkirkjunni.
Þar á meðal er Hjörtur Pálsson,
sem er 67 ára gamall og þar með
elsti maður sem vígður hefur verið
í íslenskri kirkju, svo lengi sem
menn muna. Síðasta met sem vitað
var um var árið 1942 þegar Sig-
urbjörn Á. Gíslason vígðist sem
heimilisprestur elliheimilisins
Grundar, þá 66 ára gamall.
Hjörtur hefur nú slegið það met,
en hann hefur verið ráðinn sérþjón-
ustuprestur með sérstakar skyldur
við Hóladómkirkju.
Auk Hjartar voru vígð þau Elína
Hrund Kristjánsdóttir, sem sett hef-
ur verið sóknarprestur í Reykhóla-
prestakalli; Árni Svanur Daníelsson,
sem kallaður er til prestþjónustu á
Biskupsstofu að trúfræðslu á vefn-
um með sérstakar skyldur við Dóm-
kirkjuna, og Steinunn Arnþrúður
Björnsdóttir, sem kölluð er til prest-
þjónustu á Biskupsstofu að sam-
kirkjumálum með sérstakar skyldur
við Dómkirkjuna.
Við vígsluna söng Dómkórinn
undir stjórn Marteins H. Friðriks-
sonar. una@mbl.is
Vígð til prests á Allra heilagra messu Hjörtur Pálsson, Elína Hrund Krist-
jánsdóttir, Árni Svanur Daníelsson, og Steinunn Arnþrúður Björnsdóttir.
Sá elsti sem vígður er
til prests svo vitað sé
STAFSFÓLK Skógræktar ríkisins
á Norðurlandi hefur á und-
anförnum vikum unnið að hreinsun
í lerkireit í Ásbyrgi sem varð illa úti
í óveðri í september. Viðurinn hef-
ur verið keyrður út úr reitnum og
talið er að alls hafi fallið um 300 tré
í hvassviðrinu, eða u.þ.b. 70 rúm-
metrar. Viðurinn sem til fellur
verður nýttur í borðvið, eldivið,
staura og trjákurl.
Gróðursett var í þennan reit á ár-
unum 1951-1959 og er hann tæpur
einn hektari að flatarmáli. Um 50
metra breið geil myndaðist í gegn-
um reitinn í storminum, sem skall á
í kjölfar fellibylsins Ike. Flest trén
rifnuðu upp með rótum.
Hreinsað í
lerkireit
KJARAVIÐRÆÐUR sjómanna og
útvegsmanna ganga brösuglega
þrátt fyrir mikil fundarhöld að und-
anförnu. Kjarasamningar um 3.500
sjómanna hafa nú verið lausir í tæp-
lega fimm mánuði. Reiknað er með
næsta samningafundi í þessari viku.
Allt er undir í viðræðunum eins og
venjulega, að sögn Sævars Gunn-
arssonar, formanns Sjómanna-
sambands Íslands, og engin nið-
urstaða í sjónmáli.
Stífar kröfur um olíuna
,,Vandamálið er að þeir eru með
mjög stífar kröfur vegna olíunnar
og í sambandi við kostnað við
tryggingarnar. Við erum með kröf-
ur um lagfæringar í fiskverðsmál-
unum, sér í lagi í því sem ekki er
inn í úrskurðarnefndinni. Við erum
að leita leiða út úr því. Það eru eng-
in leiðindi í [viðræðunum] en það
hefur engin niðurstaða náðst. Við
erum ekki með kröfur uppi á borð-
inu um sérstakar breytingar á
launaliðum sem slíkum,“ segir Sæv-
ar um stöðuna. omfr@mbl.is
Bras en eng-
in leiðindi