Skinfaxi - 01.07.1968, Síða 10

Ekki verða allir verðlaunamenn, en
landsmótin eiga að gera sem flesta
þátttakendur sína að heilbrigðari ein-
staklingum og að sem beztum þegnum.
Upphafsmaður heimsleikja nútímans
í íþróttum hefur sagt, að 5 afreksmenn
þurfi fyrir hvern 100 manna hóp lík-
amsræktarmanna, þeim til hvatning-
ar.
Ekki skal það dregið í efa, en af-
reksmaðurinn á einnig nokkuð undir
fjölda iðkendaxma. Vissulega þarf hann
síns hundraðs við ,eins og hæstu fjöll-
in hvíla á grundvelli landsins, snævi
hulins.
Ástundun sem flestra — andans
ræktar og líkamans og landsins, er við
byggjum, og þess máls og þeirra menn-
ingar, sem við eigum, er aðalatriðið.
Keppnir einstaklinga og hópa skipta
máli og benda til þess markmiðs, að
heildin þarfnast þess, að hver og einn
leggi sig fram á leikvangi og í sínum
verkahring.
En mót, sem þetta, hefur einnig hóp-
sýningargildi fyrir þjóð okkar, er auk-
inn vandi steðjar að.
Átak lítillar þjóðar getur orðið stórt
sé hún einhuga og keppi að göfugu
marki sem flestum til heilla.
Keppnin sé byggð á heilbrigðri hugs-
un að duga þjóð okkar sameiginlega.
Eitt sinn, er til blóðugs ófriðar horfði
á Alþingi skáru íþróttamenn úr, er þeir
deildu Norðanmenn og Sunnlendingar,
og málin stóðu milli Jóns Arasonar og
Ögmundar Pálssonar. Bróðurhöndin
ein fær bjargað og verður þá keppnin
fegurst, er hún ræður.
Það er þjóðarnauðsyn, að landsmót
okkar fari vel fram, þá eflir það trú
okkar á framtíðina, þótt nokkuð syrti
í álinn um sinn. Fyrirheit verði það
og heilstrenging.
Á leið okkar sumra hingað gat að
líta margan kalblettiim. Einn völlur
var grænn, svo að af bar. Hofmanna-
flöt undir Meyjasæti.
Hún kom án kals undan vetrinum.
Islenzkt kjarngresi vex þar og sagan
segir, að æskan hafi til forna háð þar
leika.
Blessun fylgir leikvangi æsku hvers
tíma. Ræki hún leika sína af þreki og
drengskap og heillir munu af hljótast
landi og lýð um ókomin ár.
Ungmennafélagshreyfingin byggist á
hugsjón landræktar og persónulegs
þroska. Keppnishugur og félagslegur
andi verða að haldast í hendur, þrek og
þegnskapur verða að fylgjast að.
Við slit Laugarvatnsmótsins virtist
mér að svanir flygju í norðurátt yfir
höfðum okkar.
Ég tel, að þeir hafi lagt leið sína
austur til Eiða.
Gifta landsmótanna fyrri sé með
okkur þessa daga hér á Eiðum. Þakkir
séu fluttar Eiðamönnum og þeim öll-
um, er unnið hafa að undirbúningi
þessa móts hér á staðnum og heima í
samböndum og félögum. Guð blessi
Austurland og megi hvers kyns heillir
hlotnast æsku þess og íslenzkum æsku-
lýð allra landshluta. Megi keppnin og
samhjálpin bæta og græða mein ætt-
lands og þjóðar.
Vinnum á þessu móti okkar og á-
vallt þjóð okkar allt gagn er við meig-
um.
Munum sæmd feðra, mæðra og fjöl-
skyldna okkar, byggðarlaga og lands-
heildar.
13. landsmót UMFÍ er sett.
íslandi allt.
10
SKINFAXI