Skinfaxi - 01.04.1970, Blaðsíða 11
náttúruvemdar í umhverfi starfsstöðva
sinna eða styrki slíka starfsemi á öðmm
svæðum. Lýsir fundurinn ánægju sinni
yfir þeim landgræðsluframkvæmdum,
sem Landsvirkjun hefur staðið fyrir í
Þjórsárdal og þar með gefið öðrum gott
fordæmi.
Ályktun um landgræðslumál.
Fulltrúaráðsfundur Landgræðslu- og
náttúruverndarsamtaka Islands haldinn í
Norræna húsinu 4. apríl 1970 telur, að
eitt alvarlegasta vandamál lands og þjóð-
ar sé hin hraðfara eyðing gróðurs og
jarðvegs, sem hér á sér stað.
Landgræðslu- og náttúruvedndarsam-
tök fslands eru stofnuð í þeim tilgangi
að sameina alþjóð til baráttu gegn þess-
um vanda.
Markmið samtakanna á sviði Iand-
græðslu er fyrst og fremst hefting gróð-
ur- og jarðvegseyðingar og græðsla ör-
foka og lítt gróins lands.
Samtökin vinna að því að skipuleggja
og sjá um þátttöku almennings í land-
græðslu, við sáningu, gróðursetningu,
áburðardreifingu og önnur skyld störf.
Samtökin leggja áherzlu á, að skilyrði
þess að landgræðslustarfið beri árangur,
er, að gróður sé vemdaður og ekki nýtt-
ur umfram það, sem hann þolir, eins og
nú á sér víða stað.
Þetta vandamál verður ekki leyst nema
landsmenn leggist á eitt til varnar og
sóknar.
Mótaskrá
Eins og skýrt var frá í 4. hefti síðasta
árs hefur verið gerð fjölrituð skrá um hér-
aðsmót og millihéraðakeppni í frjálsum
íþróttum og sundi. Leitað var til aðildar-
sambandanna um úrslit slíkra móta og sum-
ir aðilar sendu skrárnar áður en beðið var
um þær. Er það góð regla að sambands-
aðilar sendi skrifstofu UMFÍ úrslit í slík-
um mótum í öllum íþróttagreinum.
Þótt ýmislegt kunni að vanta í þá skrá,
sem gerð hefur verið, er hún góð heimild
og gefui' gott yfirlit um stöðu hinna ýmsu
sambanda í þessum tveim íþróttagreinum.
Skráin hefur verið send sambandsaðilum og
fleirum, sem óskað hafa eftir henni. Kaup-
endum Skinfaxa skal bent á, að þeir geta
fengið þessa skrá senda endurgjaldslaust,
með því að panta hana hjá skrifstofu UMFÍ,
Klapparstíg 16, Rvík.
Þá eru allir sambandsaðilar hvattir til að
senda skrifstofunni úrslit héraðsmóta og
annarra stærri móta í öllum íþróttagrein-
um. Ætlunin er að gefa slíka skrá út árlega
og fjölga þeim íþróttagreinum, sem gerð
eru skil í henni.
KVEÐJUR
I sambandi við heimsóknir fulltrúa
UMFI á héraðsþingin fljúga stundum
stökur. Eftirfarandi stöku kastaði Sig-
urður Geirdal fram að loknu þingi HSÞ:
Þakin snæ er þingeysk grund,
þróttur vors er falinn.
Kært við þökkum kynni og fund
og kveðjum Bárðardalinn.
SKINFAXI
11