Skinfaxi - 01.04.1970, Blaðsíða 21
RÆÐUM
ÞJÓÐFÉLAGSMÁLIN
Um síðustu aldamót barst hingáð til
til lands hugsjón ungs fólks, sem hafði
það að markmiði að vinna að ræktun
lands og lýðs. Á þeim tíma var sízt van-
þörf á slíku, og sú þörf er vissulega fyrir
hendi enn í dag. Á okkar tímum er ekki
síður þörf fyrir ræktunaráhuga og þjóðleg
hugsjónafélög en um aldamótin, þótt þá
steðjuðu ýmsir erfiðleikar að íslenzku
þjóðfélagi, sem nú eru yfirstignir .
Ungmennafélögin voru vettvangur
þjóðmálabaráttu, byggðri á þjóðlegri
hugsjón og ennfremur á framsýni og
dugnaði. Stjórnmál hafa víst verið og eru
eins konar bannorð innan samtakanna.
Er það vel, þegar haft er í huga, hvernig
þeir halda á málum, sem lagt hafa fyrir
sig stjórnmálastarfsemi. Margir stjórn-
málamenn eyða tima sínum í skæting
hver í annars garð í stað málefnalegrar
umræðu. En hvenær hefur þörfin fvrir
umræðu og umhugsun þjóðfélagslegra
málefna verið meiri en nú á tímum, þeg-
ar vandamálin eru að færa mannkynið í
kaf. Æskan á heimtingu á að innan sam-
taka hennar séu viðhafðar umræður, er
varða þjóðfélagið. Slíkar umræður eiga
að geta verið þannig, að þar gæti sem
minnst og helzt alls ekki stjórnmála-
legrar hlutdrægni. Sá misskilningur virð-
ist vera til staðar hjá sumum, að þjóðfé-
lagsmál og stjórnmál séu það sama í einu
og öllu. Stjórnmálin eru að vísu mál, er
varða þjóðfélagið, en aðeins lítill hluti
þeirra.
Á síðari tímum hefur starfsemi ung-
mennafélaganna einkum beinst að
ákveðnum þætti ræktunar lýðs, það er
að segja ræktun líkamans og vöðva hans.
Starfsemin hefur miðast við linnulaus
íþróttamót, mannlegar dyggðir mældar í
stökklengdum og öruggasta leiðin til at-
hyglivakningar virðist vera sú að komast
sekúndubroti á undan náunganum yf-
ir eitthvert endamark tilskilinnar hlaupa-
brautar. Þó að ég hafi þetta sagt, vil ég
á engan hátt kasta íýrð á íþróttastarf-
semi ungmennafélaganna og það má
enginn skilja orð mín svo. En það er
ekki nóg að hafa stælta vöðva og geta
hampað einhverjum verðlaunagrip, sem
samtökin hafa keypt dýrum dómum. Það
verður líka að þjálfa sig á fleiri sviðum
en að hugsa um sentimetrann og sek-
úndubrotið. Ungmennafélögin mega
aldrei láta hjá Hða að hafa á stefnuskrá
SKINFAXI
21