Skinfaxi - 01.10.1970, Blaðsíða 15
sem eftir eru, vera tímabundnar við 10
mín. Sé lotunum ekki lokið innan þess
tíma, hefst höggatalning að nýju.
Þegar dómarinn lætur velja í upphafi
leiks, hefur sá, sem vinnur hlutkestið, um
eftirfarandi 4 möguleika að velja: að
hefja uppgjöf, að láta mótherjann hefja
uppgjöfina, að velja hvar hann vill standa
við borðið í upphafi eða að láta mótherj-
ann velja fyrst.
Sá, sem byrjar uppgjöf fær að gefa
upp fimm sinnum, fimm knetti, og stigin
skiptast á milli leikmanna eftir því hvor
vinnur knettina. Eftir þessa fimm knetti
verður hann móttakari, en sá, sem tók á
móti í upphafi, gefur upp 5 sinnum. Þessi
skipting á uppgefanda á sér stað eftir
hverja 5 knetti leikna allt upp í stöðuna
20 — 20. Ef þessi staða kemur upp í leik
er skipt um uppgefara eftir hvern knött.
Sá, sem er uppgefari í byrjun fyrri lotu,
er móttakari í byrjun 2. lotu. Að lokinni
hverri lotu skipta leikmenn um leikvang
— borðshelming —. Venjulega er leikið
þannig að sá sigrar, sem fyrstur vinnur 2
eða 3 lotur (2 af 3 eða 3 af 5). Ef leika
þarf úrslitalotu, þá 3ju eða 5tu, er skipt
um hlið við borðið strax og annar hvor
leikmaðurinn hefur unnið 10 stig.
Uppgjöfin byrjar með því að knöttur-
inn er látinn hvíla á lófa lausu handar-
innar og er síðan kastað beint upp og
án þess að nota fingurna til að koma
snúningi á knöttinn. Eigi má heldur
velta knettinum af hendinni. Beint upp
og án snúnings skal knettinum kastað af
lausu hendinni. Knötturihn er síðan sleg-
inn þannig, að hann komi fyrst á borðs-
hehning þess, sem gefur upp, hoppi yfir
netið án þess að snerta það og komi niður
á borðshelming mótherjans, sem slær
PENNAGRIPIÐ, sem
varð sigursælt á heims-
meistaramótinu 1952.
Þetta grip nota flestir
Asíu-búar og er það
því oft nefnt Asíu-
gripið. Fingrunum
þrem á bakhliðinni er
oft haldið þétt saman.
knöttinn til baka yfir netið niður á borðs-
helming þess, sem gaf upp.
Lausa höndin verður að vera opin,
flöt og knötturinn að Hggja kyrr á henni,
þegar upp er gefið. A því augnabliki,
þegar spaðinn snertir knöttinn í uppgjöf-
inni, verður knötturinn að vera aftan við
hvítu línuna á enda borðsins. Það er þvi
ekki leyfilegt að halla sér fram yfir borð-
ið í uppgjöf. Ef leikmaður hittir ekki
knöttinn í uppgjöf, telst það vera tapað
stig fyrir hann. Knöttur, sem sleginn er
í uppgjöf eða í leik, verður að fara yfir
eða utan við netið inn á leikvöll mótherj-
ans til þess að vera áfram í leik. Ef knött-
urinn er skrúfaður svo mikið að hann
hoppi til baka yfir netið af vallarhelm-
ingi mótherjans, þá hefur mótherjinn
heimild til að elta knöttinn og slá beint
á réttan vallarhelming. Ef knötturinn er
sleginn í netstólpann og hrekkur af hon-
um inn á borðið á réttan borðshelming,
er svo álitið, að hann hafi farið beint og
er hann því í leik.
Uppgjöf skal endurtekin og stig reikn-
SKINFAXI
15