Skinfaxi - 01.12.1971, Blaðsíða 4
FORSÍÐUMYNDIN
er tekin í keppnisferðalagi íslenzku ung-
mennafélaganna i Danmörku s.l. sumar.
Myndin er tekin í keppni í 5000 metra
hlaupi, sem háð var i Óðinsvéum. Fremst-
ur er hinn góðkunni hlaupagarpur Jón
Sigurðsson, sem sigraði i þessari keppni,
en þriðji er Einar Óskarsson, sem varð
fjórði í þessari keppni. í næsta hefti Skin-
faxa kemur síðari hluti frásagnarinnar
af þessari eftirminnilegu ferð, en fyrri
hlutinn birtist i siðasta hefti.
HELGI DANÍELSSON
hinn gamalkunni knattspyrnukappi tók
hinar ágætu íþróttamyndir frá 14. lands-
mótinu, sem birtust í síðasta hefti Skin-
faxa og ekki voru auðkenndar. Meðal
þeirra er forsiðumynd blaðsins. Helgi tók
myndir fyrir Morgunblaðið á mótinu, og
sáu margir Reykvikingar sýnishorn af
myndum hans, er sýndar voru í glugga
blaðsins í Aðalstræti.
SIGURÐUR R. GUÐMUNDSSON
ritari UMFÍ er höfundur leiðara blaðsins
í síðasta hefti, en hann fjallaði um er-
lend samskipti ungmennafélaga.
Skúli Þorsteinsson.
NÝR HEIÐURSFÉLAGI
Á 27. sambandsþingi UMFÍ var til-
kynnt að stjórn UMFÍ liefði kjörið Skúla
Þorsteinsson námsstjóróa heiðursfélaga
Ungmennafélags íslands. Þingheimur
fagnaði þessari ákvörðun og sendi þingið
Skúla árnaðaróskir og þakkir, en vegna
veikinda gat hann ekki komið því við að
sækja þetta þing og veita heiðursfélags-
merki sínu viðtöku.
Skúli er öllum ungmennafélögum að
góðu kunnur. Hann sat um langt árabil
í stjórn UMFÍ og var lengi framkvæmda-
stjóri samtakanna. Á yngri árum var
Skúli formaður Ungmenna- og íþrótta-
sambands Austurlands. Hann hefur því
allt frá æskuárum verið ötull og farsæll
ungmennafélagi og er enn vökull og
áhugasamur.
Skinfaxi óskar Skúla til hamingju og
þakkar honum mikið og óeigingjarnt starf
í þágu ungmennafélagshreyfingarinnar.
4
SKINFAXI