Skinfaxi - 01.12.1971, Blaðsíða 11

og kennslubækur fyrir börn og ungl-
inga.
b) að halda námskeið fyrir starfandi
kennara, svo sem gert er í öðmm
námsgreinum.
c) að setja inn í námsskrá kennaraskól-
anna námsefni um félagsmál.
Greinargerð:
I gildandi námsskrá segir svo: „Þeir
(nemendur) eiga að geta lesið upphátt
bundið mál og óbundið eftir efni með
eðlilegum framburði. Þeir eiga að geta
sagt munnlega og skriflega frá því, sem
þeir hafa lesið og á sama hátt gert grein
fyrir hugsunum sínum og skoðunum.“
Ennfremur segir: „Munnlegar æfingar
sem hefjast með talæfingum í neðstu
bekkjum barnaskólans eiga smám saman
að stuðla að því, að nemendur kunni að
gera grein fyrir hugsunum sínum i á-
heyrn annarra svo að við lok skyldu-
náms séu þeir færir um að standa frammi
fvrir skólafélögum sínum og kennurum
og tala eðlilega og feimnislaust," og „frá
fyrstu skólaárum má láta nemendur fást
við að búa lesefni í samtalsform — leik-
rit.“ Ennfremur: „Nemendur séu hvattir
til að iðka kórsöng,“ og að lokum, „kenna
skal söngdansa, vikivaka, þjóðdansa og
algengustu dansspor."
Eins og fram kemur í fyrrgreindum
köflum gefur námsskráin fullt tilefni til
að málfundir séu teknir inn í fræðsluna.
Þeir gefa æfingu í stjórnun, fundafsköp-
um, framsögn og upplestri.
Einnig kemur fram að æskilegt sé að
nemendur tjái sig í leikformi, sem leiðir
til að æfa eigi og setja á svið smá leik-
þætti og samtöl, sem lengjast og verða
viðameiri eftir því sem þjálfun eykst. Þá
er rætt um nauðsyn þess að glæða söng-
mennt nemenda og t. d. minnst á kór-
söng og kenna skal dans. Allir þessir
þættir gefa tilefni til að þeir séu settir í
fast form, til þeirra séu ætlaðar stundir
innan móðurmáls-, íþrótta- og tónlistar-
kennslunnar.
Benda má á til athugunar:
1. Tvær kennslustundir í mánuði ætti að
nota til málfunda, þar sem tekin eru
fyrir ákveðin verkefni til umræðna.
2. Tvær kennslustundir í mánuði mætti
nota til upplestra, framsagnar og sam-
tala.
3. Tvær kennslustundir í mánuði þyrfti
að nota til flutnings á leikþáttum,
söng og leikjum í kvöldvökuformi.
4. Tvær stundir í mánuði þyrfti svo að
nota til danskennslu.
Nauðsynlegt er að allur þessi tími sé
látinn falla inn í núverandi stundarskrá
svo það sé ljóst nemendum, að þetta er
skylda og að hægt sé að krefjast vinnu
við undirbúning allra þessara þátta. Til
þess að þetta virki sem tilbreyting fyrir
nemendur og geri þá vandvirkari og á-
bvrgari er nauðsynlegt að fella saman
tvo eða fleiri bekki eftir stærð skóla
þegar þessar stundir eru framkvæmdar.
Lokaorð:
Undanfarin tvö ár hefur núverandi
stjórn U.M.F.Í. lagt á það sérstaka á-
herzlu að sækja ársþing og fundi héraðs-
sambanda og ungmennafélaga um land
allt. A jíessum fundum hefur það komið
áþreifanlega fram, hve þýðingarmikið
mál er hér á ferðinni. Félagsleg upp-
fræðsla í landinu, sem er einn veigamesti
þáttur uppeldisins, er algjörlega í mol-
um og án nokkurrar skipulagningar. Er
ekki úr vegi að álvkta að ýmis alvarleg
SKINFAXI
11