Skinfaxi - 01.06.1972, Síða 13

ir tveimur meginhátíðum í samvinnu við
aðra aðila. Önnur er svokallaður bænda-
dagur Eyfirðinga, haldinn í samvinnu
við búnaðarsambandið síðustu helgi í
júlí. Þetta er almenn héraðshátíð og
jafnan vel sótt. Hin er bindindismótið í
Vaglaskógi um verzlunarmannahelgina,
sem verður að teljast merkur þáttur í
starfseminni. Síðan þetta mót komst á
fót árið 1964 hefur skemmtanahald um
þessa helgi gjörbreytt um svip til hins
betra hér um slóðir. Aðgangseyri er
mjög stillt í hóf á þessu móti, og það er
hægt vegna mikillar sjálfboðavinnu við
mótið. HSÞ og fleiri samtök eiga líka
a^ild að þessu móti.
— Hvernig er fjárhagur sambands-
ins?
— Reynslan hefur sýnt að með því
að hafa starfsmann tekst að halda fjár-
málunum í sæmilegu horfi, þótt f járhag-
urinn sé jafnan mjög takmarkaður.
UMSE fær fjárstyrk frá sýslu og flest-
um sveitarfélögum á sambandssvæðinu
og einnig frá menningarsjóði KEA. Við
öflum fjár á ýmsa vegu, t. d. með áður-
nefndum sumarhátíðum, þá eru nokkrar
tekjur af útgáfu ársrits, jólakortaútgáfu,
happdrætti o. fl. Þá má geta þess að
bæði sýslan og KEA heiðruðu héraðs-
sambandið með rausnarlegum fjárgjöf-
um á afmælinu.
— Hvernig minnizt þið afmælisins?
— Héraðssambandið hélt í vetur
samkomur á þremur stöðum í héraðinu,
þar sem ungmennafélögin sáu um dag-
skrána að verulegum hluta. Auk þess
var haldið afmælishóf á Dalvík. í ár
verður svo héraðsmótið með sérstökum
hátíðarbrag vegna afmælisins. Þá verð-
ur einnig gefið út sérstakt afmælisrit
sambandsins.
— Hvernig lízt þér á framtíðina?
— Eg er sannfærður um að það er
hægt að byggja upp öflugt starf í ung-
mennafélögunum, ef það er skipulagt á
réttan hátt, en þá þarf margt að athuga.
Á sumum þéttbýlisstöðum eru orðin of
mörg félög af ýmsu tæi, t. d. stúkur,
ýmsir klúbbar, skógræktarfélög o. s. frv.
Þetta verður til þess að ákaflega lítið
verður úr starfi hvers og eins, og ég
held að það sé misskilningur að dreifa
félagskröftunum á þennan hátt, ekki
sízt vegna þess að það skapar óæski-
legt bil milli kynslóða, en slíkt bil hafa
ungmennafélögin alltaf leitazt við að
bnia.
Sigvaldi Júliusson er einn þeirra íþrótta-
manna, sem haldið hafa uppi heiðri Eyfirð-
inga á siðustu árum. Hann sigraði m. a. í
1500 m. hlaupi á síðasta landsmóti UMFÍ.
SKINFAXI
13