Skinfaxi - 01.02.1974, Síða 9

Tryggvason frá Búvörudeild SÍS erindi
urn efnið, og urðu hinar líflegustu um-
ræður um erindið. Laugardagskvöldinu
var síðan eytt á kvöldvöku og dansleik
í félagsheimilinu Brún í boði skólanna
á Hvanneyri og Varmalandi. Kvöldvakan
tókst með miklum ágæturn og þar var
m.a. á dagskrá íslensk glírna, leikþáttur,
kórsöngur og rímnakveðskapur.
Á sunnudag hófst dagskráin með því
að fjallað var um undirstöðu og grund-
völl landbúnaðarins í hverju landanna.
Málinu var fylgt úr hlaði með framsögu-
ræðum frá hverju landi og síðan fjallað
um það í starfshópum sem fyrr og að
lokum í almennum umræðum. Þessi
vinnutilhögun þótti gefast vel, ná til
allra ráðstefnugesta og draga fram hin
ýmsu sjónarmið. Framsögu af íslands
hálfu hafði Ingi Tryggvason blaðafulltmi
Stéttarsambands bænda. Seinni hluta
sunnudagsins flutti Guðmundur Sigur-
þórsson erindi um stöðu landbúnaðarins
í íslensku þjóðfélagi.
Erindið var yfirgripsmikið og fróðlegt
og spunnust urn það miklar umræður og
fyrirspurnir. Er þeim umræðum var lokið
flutti Sigurður Geirdal stutt erindi um
störf og stefnu Ungmennafélags Islands.
Um kvöldið var síðan brugðið á leik
og sett upp kvöldýaka þar sem ráðstefnu-
gestir lögðu sjálfir til flest skemmtiat-
riðin, en auk þeirra sýndi Hafsteinn Þor-
valdsson kvikmynd Ásgeirs Long um
jarðeldana í Heimaey og vakti hún mikla
athygli hinna erlendu gesta.
Árdegis á mánudag var farið í heimsókn
að Bændaskólanum á Hvanneyri þar sem
hlýtt var á erindi Magnúsar Jónssonar
skólastjóra um skólann og menntunar-
möguleika íslenskra bænda. Hádegis-
verður var snæddur í boði skólans, og
eiga Hvanneyringar miklar þakkir skyld-
ar fyrir þann áhuga og velvild sem þeir
sýndu ráðstefnunni. Frá Hvanneyri var
síðan haldið í skoðunarferð um Borgar-
fjörðinn undir leiðsögu Bjarna Arasonar
frá Búnaðarsambandi Borgarfjarðar. Var
Ráðstefnan að
störfum í Leirár-
skóla.
SKINFAXI
9