Skinfaxi - 01.08.1974, Page 19

tók til starfa, eins og námskeið á vegum
Búnaðarfélags Borgarfjarðar og Bænda-
skólans á Hvanneyri um búfræði, trimm
karla og kvenna, íþróttaæfingar, dans-
kennsla, leikstarfsemi o. fl., þá beitti
nefndin sér að þessu sinni fyrir námskeiði
í bókfærslu og félagsmálafræðslu.
Rétt er að undirstrika það, að hér fer
að sjálfsögðu fram mikil og góð fræðslu-
starfsemi, en ekki síður metum við mikils
|rá kynningu og félagslegu uppbyggingu
sem fylgir í kjölfar allrar þessarar starf-
semi.
Trimmkonur og trimmkarlar hittast í
kvöld, sýna hvort öðru leikfimi, keppa í
blaki og skvetta úr sér í sundlauginni á
eftir. Allir þátttakendur hafa boðið með
sér gesti til að horfa á og kynna þannig
starfsemina og að loknu sundi er öllum
boðið til veislu og ríkir þar virkileg
kátína.
Nemendur á félagsmálanámskeiði hafa
ekki getað stöðvað sig og halda nú fundi
um ýmis stórmál samfélagsins og með-
limir í leikstarfinu lialda hópinn, fara
gjarnan saman að sjá aðra leika og hyggj-
asc halda áfram næsta haust.
Ágætu ungmennafélagar. Ég ræði þessi
mál hér í málgagni okkar vegna þess að
mér finnst tími til kominn að einhverjir
sinni almennri fræðslustarfsemi í dreif-
býlinu. Til hverra á að leita frekar en
einmitt ungmennafélaganna. Ungmenna-
félögin hafa í svo mörgu riðið á vaðið
og framkvæmt stórvirki, og hér álít ég að
ástæðu fvrir þau að takast á við virkileg
áhugavekjandi verkefni, þ. e. að hafa
forustu um fræðslustarf fyrir fullorðna
í dreifbýlinu.
Sigurður R. Guðmundsson.
Leirárskóla 4/4 1974.
Forkeppni í knattleikjum
15. landsmóts UMFÍ
í Handknattleik voru skráð 10 lið og
var þeim skipt í þrjá riðla þannig:
1. riðill — UMSS — UMSE — HSÞ — UÍA
2. riðill UMFN — UMFK — HSK
3. riðill — UMSK — HSH — HVÍ
Flestum leikjum er lokið en þar sem
ekki hafa borist skýrslur yfir þá alla bíð-
um við einnig með að birta tölur um
handknattleikina til næsta blaðs
f Knattspyrnunni var liðunum skipt í
þrjá riðla samkvæmt reglugerð lands-
mótsins og var riðlaskiptingin sem hér
segir:
1. riðill UMFK, UMSK, UMFG og USVS
2. riðill UMSS, USAH, HSK, HSH, UMSB
3. riðill UÍA, HSÞ, UNÞ og UMSE
Þegar þetta er skrifað liggja úrslit ekki
fyrir í riðlunum og verðum við því að
biða með fréttir af úrslitum leikja, til
næsta blaðs.
SKINFAXI
19