Skinfaxi - 01.12.1974, Blaðsíða 7

ustu árum. Bókband hefur Prentsmiðjan
Edda hf. í Reykjavík annast.
Stjóm UMFÍ hefur sótt um fjárstyrk
til menntamálaráðuneytisins vegna söng-
bókarútgáfunnar og fengið jákvæðar
undirtektir. Dreifing og sala bókarinnar
verður öll á vegum ungmennafélaganna,
og er ætlunin að þau hljóti þóknun fvrir.
Það er von okkar sem að útgáfunni
stöndum, að hér sé aðeins um upphaf að
fjölbreyttri söngbókarútgáfu á vegum
UMFÍ að ræða. Komið hafa fram hug-
myndir um útgáfu sönglagasafns fyrir
hljóðfæraleikara, sérútgáfu íslenskra
þjóðlaga, sérútgáfa léttra dægurlaga,
söngbókarútgáfu með gítargripum og svo
mætti lengi telja. Það er von undirritaðs,
að Jónas Ingimundarson geti í framtíð-
inni séð sér fært að aðstoða okkur við
frekari útfærslu þessa veigamikla þáttar
í félagsstarfseminni. Jónas hefur þegar
getið sér orð sem óþreytandi boðberi
tónlistar um landið allt, og ég veit að
hann á þá hugsjón æðsta að geta orðið
að sem mestu liði í þessum efnum.
Landsmótsnefnd 15. landsmóts UMFÍ
hefur ráðið Jónas sem söngstjóra á lands-
mótinu næsta sumar. Æfingar í félögun-
um geta hafist þegar er söngbókin kemur.
H. Þ.
ÍSLANDSMET HREINS
í KÚLUVARPI
Hreinn Halldórsson, HSS, bætti ís-
landsmetið í kúluvarpi þrívegis í sumar,
og kostaði lengst 18,90 metra hinn 7. ág-
úst í keppni á Selfossi. Kvöldið áður
Hreinn
HalldórsEon
varpar
kúlunni.
hafði hann sett nýtt met, 18,59 m., í
landskeppni við íra í Reykjavík. Mótið
á Selfossi var haldið af Héraðssamband-
inu Skarphéðni, og var íslenskum og írsk-
um landsliðsmönnum boðin þátttaka. Af-
rek Hreins var það athyglisverðasta sem
gerðist á þessu móti, en veður var mjög
óhagstætt til keppni.
Hinar stöðugu framfarir Hreins í kúlu-
varpinu í sumar og undanfarin ár gefa
fyrirheit um að hann nái 19 metra mark-
inu fljótlega á næsta ári.
í kringlukasti kastaði Hreinn lengst
51,32 metra, og er það næstbesti árangur
íslendings í þeirri grein á árinu.
SKINFAXI
7