Skinfaxi - 01.06.1975, Síða 8

Aðbúnaður á landsmótinu
Fjölþætt þjónusta
fyrir alla
Öll þjónusta fyrir keppendur og móts-
gesti á landsmótinu verður skipulögð
sem best má verða. Miklu varðar að
þjónusta og fyrirgreiðsla verði í góðu
lagi þar sem búist er við fjölmenni.
Þjónustumiðstöð verður í Gagnfræða-
skóla Akraness alla landsmótsdagana. Þar
verða veittar almennar upplýsingar um
alla þjónustu á mótinu.
Mötuneyti
Starfrækt verður matsala í Gagnfræða-
skólanum á vegum landsmótsnefndar, og
er hún öllum opin. Utbúnir eru sérstakir
matarmiðar sem fólk getur keypt og
framvísað í mtöuneytinu við hverja mál-
tíð. Héraðssamböndin geta keypt heils
dags fæði fyrir keppendur sína og starfs-
lið. Margir söluskúrar verða víða á móts-
svæðinu auk venjulegrar þjónustu í Akra-
neskaupstað.
Húsnæði
Héraðssamböndum er gefinn kostur á
svefnpokaiými í Barnaskóla Akraness. I
hverja stofu komast um 20 manns. Líka
er hægt að fá svefnpokarými í þremur
félagsheimilum í grenndinni og skólastof-
ur í Leirárskóla. Þar er einnig hægt að
leigja herbergi með rúmstæðum og dýn-
um.
Tjaldstæði
Tjaldstæði verða skipulögð af Skáta-
félagi Akraness. Á þeim verður komið
fyrir hreinlætisaðstöðu og rennandi vatni.
Keppendatjaldbúðir verða skipulagðar
sérstaklega að vanda þar sem héraðs-
sambönd mynda hvert sitt tjaldbúða-
þorp.
Bílastæði
Bílastæði hafa verið gerð við íþrótta-
svæðið og tjaldbúðirnar. Ef þessi stæði
nægja ekki, verður vísað á stæði inni í
bænum. Lögð er áhersla á að fólk hreyfi
bíla sína sem minnst eftir að komið er á
mótsstað, enda eru fjarlægðir litlar og
auðvelt að ganga milli staða.
Fyrir ferðafólk
Frekari fyrirgreiðsla fyrir ferðafólk og
mótsgesti verður auglýst í leikskrá móts-
ins, svo sem um bifreiðaþjónustu á Akra-
nesi mótsdagana o. s. frv.
8
SKINFAXI