Skinfaxi - 01.08.1978, Blaðsíða 5

Keppnin hefst
Hinn fyrsti keppnisdagur landsmótsins
er runninn upp, sólin sendir árrisulum
keppendum, liðstjórum og stjórnendum
kveðju sína og gefur fyrirheit um bjartan
og bliðan dag. Þeir sem borið hafa hita og
þunga af undirbúningi þessa móts með
Guðmund Jónsson framkvæmdastjóra í
fararbroddi bíða spenntir eftir þvi að öll
hjól taki að snúast og góða veðrið eykur öll-
um bjartsýni.
Og svo taka hjólin að snúast kl. 10
stundvíslega er allt í fullum gangi á mörg-
um vígstöðum samtímis, blak í íþróttahúsi,
knattspyrna á malarvelli og fundur farar-
5
Það er fimmtudagskvöld og farið að
rökkva þegar Skinfaxi er á ferðinni um
tjaldsvæði keppenda suður af kaupfélaginu
á Selfossi. Þar iðar allt af lífi og fjöri, ungt
fólk mép eftirvæntingu í svip ásamt sér
eldri og reyndari mönnum keppast við að
reisa tjaldborg sem vera á aðsetur þeirra og
heimili þá þrjá landsmótsdaga sem fara í
hönd.
Ennþá eru rútur að koma fullar af kepp-
endum og það er liðið nokkuð á aðfaranótt
hins fyrsta keppnisdags áður en þeir sem
lagt hafa af stað á fimmtudeginum eru
komnir á áfangastað og lagstir til hvíldar.
Keppendabúðir eru skipaðar að hefð-
bundnum sið og hverju héraðssambandi
ætlaður afmarkaður reitur og stærðin fer
eftir fjölda keppenda hvers um sig. Það
hafði komið í ljós nokkru fyrir að ekki
kæmust allir fyrir á þessu svæði svo lið-
stærsta sambandinu, UMSK, var úthlutað
svæði á öðrum stað.
í aðsetri mótsstjórnar í lausri stofu við
barnaskólann kraumar kaffikannann og
lætur sig ekki muna um að hafa til reiðu
kaffi fyrir fjörutiu manns í senn og menn
eru sopanum fegnir eftir langa ferð, svo er
skrafað og spjalla, spekúlerað og spáð. Það
líður þó senn að því að allir gangi til náða
enda þarf að taka daginn snemma ef allt á
nú að fara eins og best verður á kosið.