Skinfaxi - 01.08.1978, Page 18

Ávarp
Ingva Ebenharðssonar
forseta bæjarstjórnar
Herra forseti íslands, virðulega forseta-
frú, hæstvirtur menntamálaráðherra,
stjórn Ungmennafélags íslands, góðir ung-
mennafélagar og landsmótsgestir.
í nafni bæjarstjórnar býð ég ykkur öll
velkomin hingað að Selfossi á 16. landsmót
ungmennafélaganna.
Það er okkur Selfossbúum fagnaðarefni
og mikill heiður að landsmótið skuli fara
fram hér, að þessu sinni, svo mikill við-
burður eru landsmót ungmennafélaganna.
Frá því í byrjun þessarar aldar hafa ung-
mennafélögin starfað að hverskonar menn-
ingarmálum, þjóðfélaginu til mikillar bless-
unar og ber að þakka slika starfsemi.
Ræktun lands og lýðs hefur jafnan verið
markmið ungmennafélaganna og er óhætt
að segja, að árangurinn hafi verið góður.
Þjóðleg og holl starfsemi hefur ætið verið
hugleikin ungmennafélögunum, svo sem
íþróttir, leiklist, sönglist, ferðalög, land-
græðsla og náttúruvernd — svo nokkuð sé
nefnt.
íþróttirnar hafa jafnan skipað virðuleg-
an sess í starfsemi ungmennafélaganna og
er það vel. Þar er fyrst og fremst vett-
vangur unga fólksins, æskunnar, sem á að
erfa landið. — Skilningur almennings er nú
mikill og vaxandi á gildi íþrótta og senni-
lega er ekkert betra, til þess að fá æsku-
fólkið inn á heillavænlegar brautir, en ein-
mitt íþróttirnar — og ekki má gieyma þeirri
heilsubót, sem iþróttaiðkanir veita ungum
sem eldri.
Ýmsar íþróttagreinar krefjast iþrótta-
mannvirkja, sem eru dýr í byggingu og
fellur það jafnan í hlut sveitarfélaganna að
sjá fyrir byggingu þeirra og rekstri og segja
má, að slík mannvirki séu nú talin sjálfsögð
við uppbyggingu hvers sveitarfélags og ég
er ekki í vafa um það, að góð íþróttaað-
staða er hverju sveitarfélagi gulli betri.
Selfoss varð sérstakur hreppur 1947 og
kaupstaður í maí sl. Ég tel að hér hafi ráða-
menn sveitarfélagsins fyrr og síðar sýnt
íþróttunuin fyllsta skilning. Þetta íþrótta-
svæði, þar sem við erum nú, var tekið í
notkun 1951 og hefur stöðugt verið unnið
að fullkomnun þess og endurbótum, allt til
þessa dags. — Sundhöll Selfoss var tekin i
notkun 1960 og útisundlaugin fyrir tæpu
ári. Bygging íþróttahússins er nú á lokastigi
og verður það notað á þessu landsmóti,
þótt formleg vigsla þess hafi ekki farið
fram.
Það er von mín, að sú landsmótsaðstaða,
sem Selfoss býður upp á, geti talist viðun-
andi eða jafnvel góð. Það er einnig von
mín, að hér verði háðar drengilegar íþróttir
og að hér megi sannur íþróttaandi ríkja. —
Þá er það ennfremur von mín, að allir
keppendur á þessu landsmóti, svo og lands-
mótsgestir eigi hér góðar stundir og
ánægjulegar minningar frá 16. landsmóti
UMFÍ á Selfossi.
18
SKIIUFAXI