Skinfaxi - 01.06.1986, Blaðsíða 7

Stewart að þessi tími hafi verið mjög
mikilvægur í lífi hans. Þetta var í
fyrsta skiptið sem hann þurfti að sjá
um sig sjálfur og hann ráðleggur
börnum sínum að gera hið sama. Rod
var í tvö ár á flakki og var lengst af á
Spáni. En spánverjum er ekki vel við
útlenska flækinga og að endanum var
Rod handtekinn ásamt félögum sínum
þar sem þeir sváfu í einhverjum almenn-
ingsgarðinum. Honum var vísað úr
landi og fór aftur heim til föðurhúsa.
Faðir hans var mjög óhress með
flækingslífið á syni sínum og hann
brenndi fötin sem Rod hafði verið í
síðustu tvö árin.
Heldur enn
vinsældum
Það tók Rod Stewart nokkur ár að verða
nafn í tónlistarheiminum. Hann var
undir miklum áhrifum frá "Bítlunum og
Rolling Stones" á þessum árum. Hann
spilaði með nokkrum hljómsveitum en
fékk vanalega ekki að syngja. Hann
þótti ekki nógu góður til þess. Það var
ekki fyrr en hann komst í félagsskap
með gítarleikaranum Ron Wood að
hlutirnir fóru að ganga. Þeir gengu í
hljómsveit sem hét "Jeff Beck group".
Jeff Beck var fyrrverandi gítarleikari í
hljómsveit sem hét "The Yardbirds"
sem var ein vinsælasta hljómsveitin á
þessum tíma. Rod söng á tveimur
plötum með Jeff Beck group " Truth og
Beck-Ola". Hann hætti svo vegna þess
að hann var óánægður með að Jeff Beck
var eina númerið í hljómsveitinni.
Honum fannst hann borga illa og sagði
að Beck lifði á dýrustu hótelunum
sjálfur meðan að hann gisti á
einhverjum ódýrum hótelholum. En
Stewart og Beck tengdust samt sterkum
vináttuböndum og áttu eftir að spila
saman aftur seinna.
Rod Stewart hóf nú sólóferil sinn með
plötu sem hét "An old raincoat will
never let you dowrí'. Síðan fylgdu tvær
plötur í viðbót og Rod Stewart var nú
orðinn stórt númer í bresku tónlist-
arlífi. Félagi hans Ron Wood bað hann
þá um að syngja í hljómsveit einni sem
hét "The Faces". Rod tók tilboðinu og
varð hljómsveitin geysivinsæl.
Hljómsveitin Faces starfaði til ársins
1975 og gaf út fjórar stúdíóplötur og
eina hljómleikaplötu. Eftir "The Faces"
giftist Rod Stewart leikkonunni Britt
Ekland og var samband þeirra mjög
stormasamt. Reyndar er Rod Stewart
mjög tíður gestur í slúðurdálkum dag-
blaða og tímarita. Líf hans hefur verið
mjög stormasamt.
Tónlistar-
ferillinn
Frá árinu 1975 hefur Rod Stewart gefið
út plötur frekar reglulega og hafa þær
yfirleitt gengið vel. Það hefur lítið
heyrst frá honum síðustu tvö árin (að
íslandsförinni undanskyldri). En hann
rýfur þá þögnina í þessum mánuði með
útkomu nýrrar plötu. Hann fer svo í
langt tónleikaferðalag en ekki er reiknað
með að hann líti við á íslandi. Plötu
hans er spáð þó nokkrum vinsældum
þannig að " Gamli rámuf' eins og sumir
kalla hann á eftir að verða áberandi í
sumar.
Ferill Rod Stewart hefur staðið í tæp
20 ár og hefur gengið á mörgu og væri
eflaust hægt að skrifa langa bók um
ævi hans. Hann hefur verið flækingur
og betlari, fótboltamaður og líkgrafari
og margt fleira. En að eigin sögn er
hann ánægður með lífið og þakkar
Guði fyrir það að hafa átt erfiða tíma.
Það hafi hjálpað honum að komast á
tind frægðarinnar.
Skinfaxi 3. tbl. 1986
7