Skinfaxi - 01.12.1994, Blaðsíða 14

íþróttagreinin í landinu. Á þessu þarf að
finna lausn sem allir verða sáttir við.
Fyrir ungmennafélaga
Landsmótin hafa, a.m.k. undanfarna
áratugi verið eingöngu fyrir ungmennafé-
laga og tel ég svo eiga að vera áfram. Það
eiga að vera forréttindi ungmennafélaga,
fram yfir aðra íþróttamenn, að geta tekið
þátt í þeirri glæsilegu menningar- og
íþróttahátíð, sem landsmótin eru.
Talsvert hefur verið rætt um stefnu
landsmótanna að því leyti hvort eigi að
stefna að móti afreksmanna eða fjöldaþátt-
töku. Eg tel að nokkuð vel hafi tekist til á
undanförnum mótum að sameina þetta
tvennt. Þannig hafa sambandsaðilar UMFI
getað sent einn keppanda í hverja einstak-
lingsgrein án þess að hann þurfi að hafa
náð tilteknu lágmarki, en ef fleiri eru send-
ir, verða þeir að hafa náð lágmarki. Mín
skoðun er sú að lágmörkin í einstaklings-
íþróttum eigi að herða frá því sem verið
hefur, en alltaf eigi einn keppandi að kom-
ast til keppni án þess að hafa náð lágmarki.
Þetta er sama þróun og ég tel fyrirsjáan-
lega í flokkaíþróttum, þ.e. að þar fari í
meira mæli fram forkeppnir eins og verið
hefur um langa hríð í knattspyrnu, en nú
fyrir landsmótið á Laugarvatni einnig í
körfuknattleik. Á þennan hátt er mögulegt
að takmarka umfang mótanna en jafnframt
Að mörgu er að hyggja, þegar halda á
landsmót. M.a. þarf að sníða sérstakar
borðplötur fyrir keppnina í að leggja á
borð.
gefa öllum, sem áhuga hafa, tækifæri til að
reyna að vinna sér þátttökurétt á landsmóti.
Það verður þó að setja skýrari reglur um
forkeppnir og mótshaldari og þátttakendur
verða að sameinast um að framkvæmd
þeirra geti orðið til sóma fyrir alla aðila.
Þá hlýtur að verða skoðað hvort miða
eigi krppnisgreinar við keppnistímabil sem
í gangi eru, e.t.v. þannig að sérstakt vetrar-
landsmót eigi rétt á sér, vegna þeirra
íþróttagreina sem eru í sumarfríum þegar
landsmótið fer fram. Mín skoðun er reynd-
ar sú, m.a. með vísan til Olympíuleikanna,
að knattleikir og aðrar íþróttir, sem eru að-
allega í gangi á vetrum, eigi fullan rétt á
sér á landsmóti, enda hafa mörg lið lagt
mikið á sig til að vera í góðu formi á lands-
móti þó aðal keppnistimabilinu sé lokið
fyrir nokkru. Hins vegar verður hreyfingin
að taka á málefnum handknattleiks kvenna
sem hingað til hefur varla fengið boðlegar
aðstæður til keppni, þ.e. á malbiki utan-
húss. Vandamálið er hins vegar hvernig
þeirri grein verði komið fyrir innanhúss,
þar sem hún þarf mikið pláss og langan
tíma í keppni. Til þess að það geti orðið,
verða aðrar keppnisgreinar að taka tillit til
þess og skera verður niður umfang þeirra á
einhvern hátt, eða afla viðbótarhúsnæðis til
keppni.
Mér hefur orðið tíðrætt um mínar skoð-
anir á landsmótshaldi. Ein þeirra sem ég
hef ekki komið að hér að ofan, er sú að
landsmótsreglugerðin, biblía mótshaldar-
ans, verði að vera sveigjanlegri en hingað
til. Við verðum að treysta mótshaldara, eft-
ir atvikum með aðhaldi stjómar UMFI eða
yfirdómnefndar, til að taka þær ákvarðanir
sem nauðsynlegar eru til að mótin verði
eins viðráðanleg í framkvæmd og kostur
er, miðað við umfang.
Það er einnig mín skoðun að landsmótin
eigi bjarta framtíð fyrir sér og þýðing
þeirra fyrir ungmennafélögin í landinu sé
ótvíræð. Við verðum þó að gæta þess að
mótin séu í samræmi við vilja hreyfingar-
innar og bera gæfu til að taka þær ákvarð-
anir sem þarf til að mótin verði viðráðan-
leg og hreyfingunni og íþróttafólkinu til
framdráttar.
Ný og glæsileg sundlaug á Dalvík:
Mikil
bylting
„Þetta er mikil bylting fyrir okkur,“
sagði Björn Friðþjófsson formaður UMFS,
þegar ný og glæsileg sundlaug var vígð á
Dalvík þann 1. október sl. Með tilkomu
byggingarinnar eignast UMFS fastan sama-
stað, en félagið hefur ekki haft yfir neinum
slíkum að ráða.
Sundlaugin er staðsett við hlið íþrótta-
svæðisins á Dalvík. Hún er 25 m löng og
12.5 m breið. Þrír heitir pottar eru við hana,
auk vaðlaugar fyrir börn. í kjallara sund-
laugarbyggingarinnar er tækjarými, starfs-
mannaaðstaða og búningsklefar, einkum
ætlaðir þeim sem nota íþróttavellina.
Einnig er í kjallara allgott rými, sem UMFS
fær til ráðstöfunar, eins og áður sagði.
Á fyrstu hæð er anddyri þar sem hægt er
að setjast niður og njóta léttra veitinga, af-
greiðsla, búningsklefar, votbað og sólar-
lampar. Einnig er þar rúmgóður salur og 20
fermetra herbergi sem ætlað er fyrir annars
konar líkamsrækt.
Hin nýja sundlaug Dalvíkinga er vel
tækjum búin. Til dæmis má kalla upp á skjá
myndir frá níu myndavélum sem komið
hefur verið fyrir í veggjum sundlaugarinnar
í öryggisskyni. I henni er lokuð hringrás,
sem kemur í veg fyrir að klórinn renni út í
frárennslið.
14
Skinfaxi