Skinfaxi - 01.12.1994, Blaðsíða 33

vel og ég varð spánskur meistari í 100 og
200 m baksundi. Daginn eftir mótið fórum
við niður á strönd og ætluðum aðeins að
leggja okkur. Ég var dauðþreyttur eftir
keppnina og steinsofnaði í sandinum. Ég lá
á annarri hliðinni í tvo tíma án þess að róta
mér. Endirinn á þessi sólbaðsævintýri varð
sá að ég var keyrður í hjólastól heim með
bullandi sólsting. Það var ömurleg heim-
koma.“
Eðvarð Þór hefur verið talsvert hjátrúar-
fullur á keppnisferlinum.
„Ef ég fæ tröllatrú á einhverri sund-
skýlu verð ég að nota hana. Hálftíma fyrir
keppni sest ég niður og renni í gegnum síð-
asta sund sem mér hefur tekist vel í og fæ
mér síðan nokkra vatnssopa til að vera klár
í slaginn. Ég hef alltaf gert ákveðnar hreyf-
ingar þegar við erum að stinga okkur ofan í
til að gera okkur klára fyrir baksundsstart-
ið. Með þeim fæ ég aukna trú á sjálfan
mig. Svo þurfa gleraugun að vera rétt sett á
með nákvæmlega þrem snúningum á teygj-
unni. Ég hugsa alltaf það sama áður en ég
fer ofan í laugina þ.e. hvernig best sé að
fara í gegnum sundið með tilliti til and-
stæðinganna. Eftir þetta ferli er ég tilbúinn
„Ég vil fara að sjá gömlu metin falla,
segir Eðvarð Þór.
í keppni. En ég hef nú aldrei sagt nokkrum
manni þetta fyrr.“
Eðvarð Þór fellur vel að þjálfa í sundi.
,,Ég hef reynsluna og það er ómetan-
legt, sérstaklega ef ég fæ einhverja sund-
menn sem eru að spá í þetta af alvöru. Ég
get miðlað mjög miklu til þeirra og hjálpað
þeim að gera upp hug sinn. Það eru svo
margir hlutir sem verða að koma saman í
þessum einstaklingsgreinum.
Ég legg áherslu á að halda efnilegum
unglingum betur í greininni og fleyta þeim
yfir erfiðasta hjallann, þegar þeir eru 14-16
ára, þannig að þeir fái bæði árangur og
skemmtun út úr þessu.
Ég vona bara að ég geti komið ein-
hverju góðu til leiðar í sundinu. Ég er með
góðan mann við hliðina á mér hér, Þjóð-
verja, sem þjálfar A-hópinn. Hann er mikil
fagmaður á sínu sviði og hefur verið í
fimm ára sérnámi í sundþjálfun. Hann
kann því sitthvað fyrir sér og ég ætla að
nýta mér það til fullnustu og sækja þau
námskeið sem boðið er upp á. Arangur
þjálfunar byggist að miklu leyti á því hve
mikill áhugi þjálfarans er. Hann getur
skapað sér sérstöðu en verður þá líka að
leggja mikið í það. Hann verður að kafa
djúpt í málin í stað þess að drepa þeim á
dreif. Þetta er í rauninni hálfgerð vísinda-
grein.“
ALFHEIMUM 6 • HAGAMEL 67
Skinfaxi
33