Skinfaxi - 01.02.1996, Blaðsíða 22
AIETTUM NOTUM
------T------
Félagar
hjá Víkingi
en núna andstædingar á
vellinum, Atli Helga, Vílcing,
og Helgi Björgvins, Stjörnunni,
svara spurningum fyrir hvern
annann
Atli Helgason og Helgi Björgvinsson urðu íslandsmeistarar
saman hjá Víkingi en árið eftir skildu leiðir og í dag eru þeir
andstæðingar á vellinum. Við létum reyna á vinskap þeirra
félaga með því að láta Atla svara spurningum fyrir Helga og
svo öfugt, það getur svo hver dæmt fyrir sig hvort
vinskapur þeirra frá Víkingsárunum sé enn til staðar.
Hvaða rokkstjörnu finnst þér félagi þinn líkastur?
Atli: Fats Domino við píanóið og Matthíasi Jochumssyni á
klósettinu. Helgi leikur fótbolta í sömu stellingu.
Helgi: Með þennan skeggvöxt kæmist hann örugglega í
New Kids on the Block.
Hvern telur þú uppáhaldsmatinn hans?
Atli: Hárnæring, sé hann ekki varúlfur. Hörundslitur Helga
segir mér að það séu ekki gulrætur.
Helgi: Þegar Atli býður heim til sín í mat þá pantar hann
alltaf pizzu.
Ef félagi þinn hefði ekki farið í fótboltann hvaða íþrótt
hefði hann lagt fyrir sig og hversvegna?
Atli: Eitthvað sem gengur ekki út á að gleðja augað, skora
mörk og sigra. Þar gæti hann skarað framúr.
Helgi: Hann hefði orðið hlaupari því þá væri þessi bolti ekki
alltaf að flækjast fyrir honum.
Ef hann hefði ekki komið í þennan heim sem manneskja
hvaða tegund úr dýraríkinu heldur þú að hann hefði
orðið?
Atli: Það er þó nauðsynlegt að afmarka viðfangsefnið nánar
því ég get vel trúað, að í fyrra lífi hafi Helgi verið
lítilsmetinn líkamspartur, staðsettur aftan á einum bræðrum
Tarzans. Það má greina viss einkenni í þá áttina þegar hann
telur sig vera að leika knattspyrnu.
Helgi: Hann er það stórkostlegur hann Atli Helga að hann
hefði örugglega orðið risaeðla.
Hvað heldur þú að sé uppáhaldssjónvarpsþáttur félaga
þíns?
Atli: Hann er blindur og eyðir tímanum því ekki fyrir
framan sjónvarpið.
Helgi: Simpson. Hann heldur að hann sé að horfa á LA Law.
Hverja telur þú sterkustu hlið hans sem
knattspyrnumanns?
Atli: Sú langsterkasta er að skýla boltanum með óæðri
endanum og hanga á honum þar til allir verða brjálaðir.
Helgi: Hvað hann er rosalega fjölbreyttur leikmaður.
Þróttur, Víkingur, Valur, Fram. Hvað kallarðu þetta annað
en fjölbreyttni.
Hvað heldur þú að sé uppáhaldslag félaga þíns?
Atli: „Jói Útherji" enda virðast þeir í fljótu bragði vera einn
og sami maðurinn.
Helgi: Það er ómögulegt að segja. Árið 1993 var það lagið
„Við erum Víkingar" og árið 1994 var það lagið „Áfram
Valur vinnum leikinn". Eg reikna með að í dag sé það
annaðhvort lagið „Stöngin inn" eða „ólei".
Ef þú fengir það hlutverk að dekka félag þinn heilan leik
hvernig myndir þú taka á honum?
Atli: Eg myndi líklega gera einhverjar líkamsæfingar til að
halda á mér hita. Svo yrði ég bara að dunda mér og drepa
tímann þangað til honum yrði skipt útaf.
Helgi: Ég myndi þurfa að koma mér inn í miðjuhringinn ef
ég ætlaði að dekka hann Atla og halda mér þar.
Hvað heldur þú að sé uppáhaldsæfingin hans og hvers
vegna?
Atli: Helga þykir ofsalega gaman að æfa útspörk á
skotæfingum. Uppáhaldið er þó þegar þjálfarinn talar yfir
hópinn því þá getur hann setið á boltanum og æft sig í að
skýla honum með rassinum.
Helgi: Það eru skotæfingar. Hann notar ferðina þegar hann
nær í boltann og verslar í Kringlunni.
Hvað finnst þér vera mesta afrek félaga þíns sem
knattspyrnumanns?
Atli: Að hafa spilað fótbolta svona lengi án þess að fatta að
önnur löppinn væri 30 cm. styttri en hin.
Helgi: Að hafa spilað með fjórum liðum í 105 þúsund manna
borg er mikið afrek.
22 Skinfaxi