Skinfaxi - 01.02.1996, Blaðsíða 24
Ljósmynd: Sigurjón Ragnar
AÐALVIÐTAL SKIM VW
----------------------▼-----------------------
r á sídnslii 90 siiiíiiiliiiiiiin
nsen og Guðnj Gunnsteinsdóttir, leikmenn Stjðrnunnar, í viðtali
Áttuð þið von á þessari mótspyrnu frá
Framliðinu?
Guðný: Þetta var alveg eins og í fyrra en
þá meiddist Gurrý og gat ekki spilað og
við það tvíefldust hinar stelpurnar í
liðinu. Ég held að þegar Gurrý spilar
kemur minna út úr sumum stelpunum
hjá Fram, þær verða miklu óvirkari. Við
töpuðum leiknum í fyrra þrátt fyrir að
Gurrý væri ekki með svo ég held að það
hafi alls ekki verið neitt vanmat af okkar
hálfu. Það væri frekar að við höfum verið
taugaspenntar yfir því að sagan myndi
endurtaka sig.
Ragnheiður: Við höfum aðeins tapað
fyrir Fram einu sinni síðustu þrjú árin og
það var þegar Gurrý var ekki með.
Guðný: Við spiluðum við þær f
úrslitunum og þá var Gurrý með og við
unnum alla þrjá leikina.
Nú ætti Stjörnuliðið að vera miklu
sterkara en Framliðið en samt lendið þið
í erfiðleikum með þær?
Guðný: Við eigum að vinna þær með
meiri mun en þær komu mjög ákveðnar
til leiks, vörnin hjá þeim var mjög góð og
Kolla er alltaf góð í markinu. Sóknin hjá
okkur var alls ekki nógu beitt í þessum
leik eins og sést kannski best í byrjun
seinni hálfleiks þegar við skoruðum ekki í
fjórtán mínútur.
Nú standið þið uppi sem
bikarmeistarar, eruð þið sáttar við
leikinn í heild sinni?
Guðný: Nei, reyndar ekki, en maður á
bara ekki að hugsa um það. Ég var
rosalega ánægð strax eftir leikinn þegar
við vorum búnar að vinna en
handboltalega séð, fyrir áhorfendur, hefði
leikurinn mátt spilast miklu betur. Við
fáum nú ekkert allt of mikla athygli hjá
fjölmiðlum og því hefði verið gaman að fá
fleiri mörk og líflegri leik. Annars held ég
að margir hafi skemmt sér mjög vel og þá
aðallega útaf spennunni.
Ragnheiður: Þetta var líka sigur útaf fyrir
sig fyrir okkur. Við erum búnar að vera
að berjast svo lengi við að ná titlinum og
tvisvar áður hafa leikirnir farið í
framlengingu, í fyrra gegn Fram og gegn
Val 1994. í bæði skiptin höfum við tapað.
Svo þrátt fyrir að við höfum oft leikið
betur var þetta mjög góður sigur.
Fívernig var tilfinningin þegar Fram-
stelpurnar komust yfir og aðeins 34
sekúndur eftir af leiknum?
Guðný: Ég hugsaði bara „ekki aftur".
Það var voðalega lítið hægt að hugsa en
ég fann aldrei fyrir uppgjöf. Ég held að
þegar Sigrún var rekin útaf og Fram
komst yfir hafi ég verið hvað svartsýnust
á að þetta gengi upp. Ég held að
þjálfarinn hafi gripið inn í á réttu
augnabliki þegar hann tók leikhlé til að
skipuleggja tímann sem eftir var.
Ragnheiður: Það var mjög þýðingar-
mikið að fá leikhléið og ef það hefði ekki
verið til staðar er ég ansi hrædd um að við
hefðum eytt tímanum í hnoð og vitleysu.
í leikhléinu lögðum við upp leikkerfi og
náðum að jafna leikinn einum færri. Þær
skoruðu svo aftur í næstu sókn og komust
yfir en við fengum svo vítakast á síðustu
sekúndum venjulegs leiktíma sem ég náði
að jafna úr. Við vorum semsagt tvívegis
undir á síðustu einni og hálfri mínútunni.
Hvað ertu þú að hugsa með boltann á
vítalínunni og leiktíminn búinn?
Ragnheiður: Þetta er nú ekki fyrsta svona
kastið sem ég tek og einu sinni skaut ég
okkur t.d. út úr bikarkeppninni.
Guðný: Ragga tekur bara boltann og fer á
vítalínuna. Dísa var beðin um að taka
þetta vítakast en hún sagði nei svo...
Ragnheiður: Fyrir mér var framlengingin
komin, það eina sem ég átti eftir að gera
var að kasta boltanum í netið.
En svo misnotar þú fyrsta vítakastið í
framlengingunni?
Ragnheiður: Ég hefði nú aldrei átt að taka
það. Mér var eiginlega alveg sama hvort
ég myndi skora eða ekki - ég var eiginlega
enn í vímu eftir að hafa skorað úr hinu
vítakastinu.
Guðný: Það er skrítið að hugsa til þess að
ég hef spilað í þremur úrslitaleikjum sem
allir hafa verið svona jafnir. Alltaf hefur
verið jafnað á síðustu sekúndunum og
alltaf hefur liðið sem jafnaði náð að sigra.
Það er eins og maður verði ákveðnari og
finnist frekar að maður verði að klára
dæmið eftir að hafa jafnað svona alveg
undir lokin. Við höfum svo líka tvisvar
látið jafna hjá okkur á síðustu
sekúndunum og þá var eins og við
misstum allan kraft enda töpuðum við
báðum þeim leikjum.
Er liðsheildin hjá Stjörnunni svona
góð eða farið þið langt á einstaklings-
framtökum?
Guðný: Yfirleitt dreifast mörkin a.m.k.
mjög jafnt.
Ragnheiður: Ég hef samt tekið eftir því í
stærri leikjum að ábyrgðin færist yfir á
færri en til þess að vinna svona leiki þurfa
allir að standa sig vel. Það eru liðin sem
vinna sem eru að skora úr öllum
stöðunum - nema kannski KA og
Duranona.
Guðný: Það er líka svo auðvelt að stoppa
lið sem hefur bara einn eða tvo
einstaklinga sem geta „slúttað". Við
Skinfaxi 25