Skinfaxi - 01.02.1996, Blaðsíða 29

fyrir kvennalandsliðinu en eruð þið
sáttar við leikjafjölda og annað þess
háttar?
Guðný: Það er mjög lítið gert fyrir okkur
ef við erum bornar saman við
karlalandsliðið.
Ragnheiður: Miðað við aðrar þjóðir erum
við líka að spila mjög fáa leiki. Rússarnir
sem komu hingað voru t.d. búnir að vera
að spila um 20 leiki á síðustu fjórum
mánuðum. Það má hins vegar ekki
gleyma því að þar er um atvinnumenn að
ræða. Það er oft búið að byrja á einhverju
markvissu með undirbúning íslenska
landsliðsins en á einhvern hátt virðist það
allt renna út í sandinn og þá
jafnvel reynt að byrja upp á
nýtt.
Hvað er á döfinni hjá
landsliðinu?
Guðný: Næst leikum við á
móti Svíþjóð í byrjun mars og
svo við Hollendinga.
Er svo einhver úrslita-
keppni sem þið gætuð þá
komist í?
Guðný: Ég held að það séu
tvö efstu liðin sem fara áfram.
Ragnheiður: Síðast þurftum
við að spila um sæti á móti
Ungverjum í úrslitunum.
Hvaða þjóðir eru sterkastar
í kvennahandboltanum í
dag?
Guðný: Þær sem spiluðu
úrslitaleikinn síðast voru
Kórea og Ungverjar en svo eru
Danir, Norðmenn, Svíar og
Rússar með mjög sterk lið.
Hvar væri hægt að setja
íslenska landsliðið á alheims-
styrkleikalista?
Guðný: Ég veit það ekki.
Landsliðunum fyrir nokkrum
árum skipt niður í A,B og C-
þjóðir og þegar liðunum var
skipt niður fyrir þremur árum
vorum við í C-riðli en samt alveg á
mörkunum að komast í B-riðil.
Ragnheiður: Það sorglegasta er að þegar
þessi undirbúningur hófst með landsliðið
sem ég talaði um áðan vorum við að
standa uppi í hárinu á bestu þjóðum
heims í unglingaliðunum. Þær héldu svo
áfram að byggja upp sín landslið á meðan
allt stoppaði hér og í dag erum við langt á
eftir þeim hvað varðar styrkleika og getu.
Guðný: Ég tek mest eftir því að við erum
svo langt á eftir þessum þjóðum hvað
varðar líkamlegt ástand. Við höfum
leikskilning og stöndum oft í þeim í
byrjun leiks en svo er eins og við
springum og þær síga fram úr.
Eruð þið fjölskyldukonur?
Guðný: Neeei, ég á kærasta en ekki meira
en það.
Ragnheiður: Ég er á lausu!
Fer ekki rosalega mikill tími í
handboltann?
Ragnheiður: Ég er nú í þremur vinnum
og æfi svo á kvöldin.
Guðný: Ég er sjúkraþjálfari og er á
hlaupum allan daginn. Ég verð oft ansi
þreytt eftir langan vinnudag og að þurfa
svo að mæta á æfingu og setja allt í gang
þar getur verið ansi erfitt. Ég tek eftir því
að oft fyrir æfingar er ég dauðþreytt en
um leið og æfingin er búin er eins og ég
hressist.
Ragnheiður: Ég fer yfirleitt að heiman
fyrir 8 og kem ekki aftur heim fyrr en um
10 á kvöldin. Til lengdar er þetta
auðvitað erfitt en þetta gefur manni líka
mikið annars væri maður ekki í þessu.
Er einhver tími fyrir önnur áhugamál?
Guðný: Ég segi alltaf að mér þyki voða
gaman að ferðast en samt ferðast ég aldrei
neitt.
Ragnheiður: Ég reyni nú alltaf að fara
eitthvað erlendis á sumrin en annars er
voðalega lítill tími fyrir annað áhugamál.
Einu sinni var ég alltaf á skíðum en nú
lítur þjálfarinn á mann með
skelfingaraugum ef minnst er á skíði.
Guðný: Minn draumur er að ferðast um
Island og læra að taka myndir úti og ég
ætla að gera það þegar ég verð gömul.
Voru þið einhvern tímann að brasa í
öðrum íþróttum?
Guðný: Ég var í fótbolta og alveg
hrikalega léleg. Ég var nú einhvern
tímann fyrirliði en örugglega bara útaf
því að ég var svo gömul.
Ragnheiður: Ég var líka eitthvað að brasa
í fótboltanum en þegar ég komst í
unglingalandsliðið í handbolta ákvað ég
að hætta í fótboltanum.
Guðný: Ég æfði líka badminton þegar ég
var yngri og fannst það alveg rosalega
gaman - ég hefði vel getað hugsað mér að
æfa það.
Verðið þið stundum leiðar á öllu
stússinu í kringum handboltan?
Ragnheiður: Ég hætti nú einu sinni
klukkan 9 um kvöld og byrjaði aftur
klukkan 7 um morguninn.
Guðný: Það er oft sem manni langar að
slappa af heima hjá sér eða fara eitthvað
út að hitta vinina. Ég tek eftir því að vinir
mínir eru stundum að ákveða partí og
ætla að bjóða mér en segja svo „þú ert
hvort sem er að æfa eða keppa".
Hvernig sjáið þið framtíðina hjá
ykkur?
Guðný: Hvað er Kolla orðin gömul? Það
eru nú nokkur ár eftir í boltanum og ég er
ákveðin í að halda áfram á meðan mér
finnst gaman að spila. Ég held að ég fari
ekki út í að þjálfa eða neitt þannig eftir að
ég hætti, mér finnst svo margt annað
spennandi.
Ragnheiður: Ég held að ég eigi eftir að
þvælast eitthvað í kringum handboltann
eftir að ég hætti að spila. Ég hef áhuga á
að þjálfa en það er auðvitað alltof snemmt
að spá í það núna.
Eflitið er á kvennadeildina
er hún jafnari og
skemmtilegri en áður
Skinfaxi 29